خافوا الله في اطفالكم ياأمهات

كتبت موضوعي هذا من كثر مااشوف بعيني واسمع قصص تشيب لهاالرأس بسبب اهمال الأمهات لأطفالهم وتركهم للخادمات .طيب قولوا لي اذا الام اهملت طفلها وتركته للخادمة طول الوقت تأكله وتشربه وترضعه وتنومه ....الخ فما وظيفتك ياأم ؟
انا اراح احكي لكم قصة ورأيتها بعيني انا والوالدة معي وكنا بأحد المراكز الكبيرة وكنا جالسين ننظر لأطفالنا وهم يلعبون وجلست بجانبنا خادمة ومعها طفلة عمرها سنتين والأم اعطت الخادمة فلوس تشتري للبنت ذرة( طيب يعني الخادمة مو بشر يشم ريحة الأكل بهالبرد ؟) واشترت لها بس وراحت الأم تتسوق وتركت بنتها مع الخادمة وبدأت تأكل البنت شوي وهي بتاكل من نفس الذرة وتأكل البنت بنفس الملعقة وكانت الخادمة تأكل بشراهة وماتركت للبنت شئ تأكله (تصوروا المنظر البنت تأكل بنفس ملعقة الخادمة الله اعلم بالأمراض اللي فيها ) والبنت جوعانة وتنظر للخادمة وهي تأكل وتركت الطفلة لوحدها جالسة على الكرسي ( افترضي احد خطفها بتلك اللحظة) وطلبت الخادمة من صاحب الذرة انه يعطيها قليل من الذرة واعطاها بكاس ثاني تقريبا نص كاس واعطت البنت شوي منه والباقي اكلته كله . طيب بالبيت كيف تأكل البنت ؟ كيف تنومها ؟ كيف لوكانت معها وامها موموجودة تخيلوا كيف تعاملها ؟ ياأمهات ارجوكم لاتهملوا اطفالكم وتتركوهم عند ناس يدعون المحبة لأطفالكم بيوت كثيرةانهارت بسببهم صحيح اللي قال انهم آفة الأمة . الله يرحم ايام امهاتنا وجداتنا مااحتاجوا للخادمات بتربيتنا . وسلامتكم