خالتي ومشكلتها.

السلام عليكم ورحمة الله وبركاته. انا بدخل في الموضوع على طول ودي اعلمكم بمشكلة خالتي وانا احبها كثير وانا اعتبرها صديقتي وودي القى عندكم حل لمشكلتها خالتي متزوجه وعندها سته اولاد زوجها واحد مايتعاشر بشهادة الجميع واحد دكتاتوري اناني كذاب وخانها اكثر من مره شكاك وكل بلوي الدنيا فيه حتا انه من يوم تزوجها واهو حاط عليها اجهزت تصنت وسار حاط عليها كمرة مراقبه صبرت كثير علشان عياله وكانت لهم الاب والام لانه كان قاسي مره مع عياله وكان يحبسها في البيت بلشهور والتلفزيون حاطلها كم قناه بس وكلها اخباريه المهم كانت تصبر على امل ان عيالهايكبرواويعوضها على كل شي شافته بحياتها بس للاسف تسلط حتا على عيالها مع انهم كبروا البنت في الجامعه والولد اخر سنه في الثنوي يمنع البنت تعطي امها من مكافات الجامعه ويمنع الولد ياخذها بسيارته ويمشيها او ينزلها السوق اخر مشكله بينهم خالتي شالت اغراضها وراحت نامت بغرفه ثانيه وامتنعت عن ادى حقوقها الشرعيه ولا سارت تغسله مبلابسه وماتنضف غرفت النوم الي ينام فيها بنته الكبيره اهي الي تسوي لابوها كل شي وخالتي سارت اهي وزوجه مابينهم كلام ولا سلام وكان سبب المشكله الي قسمت ضهر البعير ان بنتها كان لهل مكافاة متاخره ونزلتلها المكافاه ثلاث الاف ريال والبنت كانت مواعد امها انها تعطيه من الفلوس خمس مية ريال ويوم عرف زوج خالتي الله ياخذه ثار زي الثور وقال لولده خذبطاقت الصراف وجيب الفلوس وان الي بتصرف فيه المهم خالتي زعلت وتهاوشت معاه لان صبرها نفذ المهم خالتي انتضرت الين جا ولده واخذت الخمس ميه وقدام زوجا وقام يقولها جيبي الفلوس وقالتله لا يعني لا وقام لعنها ةقدام عيالها والحين لها شهر ملتطالع في وجه قبل اسبوع طلبها للفراش ورفضت لانه ماهمه الا نفسه مو متندم او متحسف اهم شي متعته وبس وانا خايفه يكون عليها اثم بسبب امتناعه عن معاشرته بس وش إلعشره الي مافيها لا موده ولارحمه ودي اكلمها بكره وش تنصحوني فيه يبناتي اذا كلمتها ووش النصيحه الي اقدر اجهه لها اقوله ترضى ولا ماتعطيه وجه وتخليه يتربى.