السلام عليكم ورحمة الله وبركاته

اختي ايزيس والله عورتي قلبي بقصتك لأنك تقريبا مريتي باللي انا مريت فيه يمكن انا اكثر شوي لأني ما زلت معلقة لا متزوجة ولا مطلقة .

شوفي ااختي لا تزعلين مني بس هذي غلطتك من البداية واحد شفتي فيه كل هالعيوب من ساعة ما خلف كلامه مع ابوك بخصوص مكان السكن بعد الزواج علطول شلون تأمنين تعيشين معاه؟؟ يعني اللي ما احترم ابوك وهو رجل اكبر منه في السن والمقام تتوقعين انه راح يحترمك او حتى يحترم كلامه وووعوده معاكي ؟؟؟ كان لازم من البداية تتركينه وكانت غلطتك انك قلتي مو مشكلة لأنك حامل وهذي اكبر غلطة يتهيألي يكون عندك طفل واحد من أب بهالصورة اهون بكثير من اكثر من طفل. اختي انا ادري ان البيبي لازم يتربى بين امه وابوه لكن مو دايما هالكلام هذا صح لما يكون الأب قدوة وصالح ونفس الكلام ينطبق على الأم لكن اذا الأم لقت انه الوالد ما يسوى ولا هو قد المسئولية ولا رجال اصلا ففي هالحالة وجود هالشخص جدام ولدك خطر لأن كل معاني القدوة راح تنهار جدامه فعدم وجوده اهون بكثير على الأقل الأطفال مايلاقون مثال سيئ جدامهم ومع الوقت راح ياخذون اطباعه الشينة لأنه تعرفين الأطفال في مرحلة معينة يحبون يسوون الغلط ويتحلون عليه ويحبون الشخص اللي يدلهم على الغلط لأنهم يجدون لذة في هالشي.

اختي الوحدة تصبر على زوجها لصارت عيوبه بسيطة ومحتملة فتقولين يلا مو مشكلة بس عشان البيبي يتربى بين أم وأب لكن في حالتك من وجهة نظري انك جنيتي على أطفالك على مرحلتين الأولى لما حملتي بطفلك الثاني مع علمك بكل عيوب زوجك والثانية رجوعك حقه يعني انتي شلون تتصورين مصير عيالك في وجود شخص مثل هذا جدامهم حتى لو كان احتكاكه فيهم قليل؟؟؟؟

من وجهة نظري اكبر غلطة ان الزوجة تغصب تغصب نفسها على زوج غير كفؤ بس عشان البيبي انتب بجذيه قاعدة تدمرين نفسك وتدمرين هالبيبي وبعدين الوحدة دايما تنسى انه رب العالمين موجود وهو أرحم بالطفل من امه وابوه.

اختي انا مثلك ارتبطت بشخص غير كفؤ ولكن الحب اعماني وخلاني ارتبط فيه وظربت بكلام أهلي عرض الحائط وطبعا اهلي ايضا اتكفلو بكل شيئ تقريبا انا اللي فرشت الشقة وكانت جدا صغيرة غرفة وصالة وحمام ولا فيها بلكونة ولا مكان حتى عشان ننشر الهدوم وانا في بيت اهلي كنت قاعدة في جناح كامل غرفتين وحمام لي بروحي وغرفتي الرئيسية فيها كل شي تتخيلينه ومع هذا صبرت وتحملت لأني احبه وفرشت الشقة وجبت الشبكة ودفعت جزء من المهر وباقي المهر استلفه من ابوه ورجعته انا حقه بعد الملكة علطول وحتى الجزء اللي انا حطيته في المهر استعملناه في شراء حاجات البيت الناقصة وفي مصروفنا لأن الحبيب كان ماخذ اجازة بالخصم وطبعا اهله مو مستعدين يساعدونه بأي شي وهو طبعا ما جمع ولا فلس لزواجنا الظاهر كانو عاملين حسابهم اني بتكفل بكل شي من ايه فخ زد مثل ما يقولون وياريت على جذيه وبس حتى المؤخر اللي اهلي كتبوه عليه اتصل فيني وقالي اشدعوه هالمؤخر بنبرة استهزاء فقلت له لا تخاف احنا ما نركض ورى الفلوس بس اهلي حاطين في بالهم انه واحد بشخصيتك اكيد راح ياخذني يلعب فيني شوية وبعد سنة بالكثير يرميني عشان جذيه حابين يؤمنون مستقبلي ومستقبل عيالي اللي راح ينحرمون من خير بلد امهم لأنهم من جنسية ثانية ( زوجي من جنسية عربية مو خليجية) المهم وقلتله بعد لا تخاف لا صار شي بينا انا راح اتنازلك لن انا عندي شيمة وكرامة ما راح اقبل شي من انسان ضرني حتى لو كان من حقي . المهم وبعد الزواج كنت كل شهر احط راتبي كله تقريبا فيا لبيت وهو كان يزيد من راتبه شي بسيط ما يكفي فاتورة الموايل حتى ومع الوقت انتقل لشغل ثاني براتب اكبر وبدا يسدد ديونه لوالده طبعا طول الفتر ة اللي فاتت كنت انا متكفلة بكل شي تقريبا لحد ما انتقل للوظيفة هذي بس كان يستلم راتبه متاخر فكنت انا ادفع ايجار الشقة قسط سيارته وكان لما ياخذ راتبه يقولي خذي فلوسك من راتبي بس طبعا انا ما كنت اخذ وهو كان عارف هالشي يعني مثل ما تقولين يسوي روحه يبي يعطيني وهو عارف اني مار اح اخذ شي يعني هو مو خسران شي منها يبين حين نيته ويخدعني ومنها فلوسه تظل على حالها ويسدد ديون ابوه اللي لولا اني انا والعياذ بالله من كلمة انا لولا اني كنت احط كل راتبي في البيت ماكن راح يقدر يسدد ديون لوالده اللي حتى ما ساعده بالمهر كل اللي سواه استلف فلوس من واحد وحط الفلوس هذي على فلوسي وقدموه كمهر وانا بعد اهلي لا عدوه المهر ولا شي وبعد الملكة رجعتلهم فلوسهم المهم شوفي كل هالتضحيات واصلا اخواني زعلوا مني وواحد منهم قاطعني نهائيا وواحد منهم يعني يكلمني على خفيفي مع انهم كانوا يموتون علي ويحبوني وايد بس اعترف اني خيبت املهم لما بعتهم عشان واحد مثل زوجي المهم بعد كل هذا الحبيبي اول ما سدد ديونه وضمن فلوس مقدمة لقسط سيارته تعرف على وحده من بلده ورفسني واهجرني بس ما طلقني طبعا يقول ما طلقني لأنه يحبني بس الواقع غير جذيه هو ما طلقني لأنه يدري لو بيطلقني انه يمكن اعاند معاه واطالبه بالمؤخر غير جذيه باخذ أثاثي واغراضي يعني بيرد ينام على أثاثه القديم في شقة ابوه وغير جيه اهلي ما راح يخلونه بسلام خصوصا انه مو بس عرف وحدة علي لا هو تمادى وطقني كذا مرة وانا حامل وخلاني اهج من البيت خوفا منه على نفسي وعلى جنيني من الطق وكان يسبني ويشتمني ويشتم اهلي وديرتي وكنت بين كل وقت والثاني اروح الشقة ارتبها حقه على اللي سواه فيني واخذ شوي من اغراشي الشخصية هدوم وجذيه وفي مرة رحت الشقة لقيته لام صوي وقاطهم بالدرج يعني مو مشتهي يشوفني وكاتب ورقة كاتب فيها اسم حبيبة القلب وانه يحبها طبعا هو ما تخيل اني اروح الشقة في هالوقت المصيبة انه وقتها كان يتصل بوالداته ويقولها انا احب زوجتي خليها ترجع لي فطبعا لما رحت الشقة ولقيت هالشغلات عرفت انه كذاب وفي كل مرة اروح اكتشف انه ما زال على علاقته الشينة فعصبت ورحت وخذيت البومات صور الملكة وشريط فيديو الحفلة وعلى شينه وقوات عينه راح غير بعدها مفتاح الشقة وقفل على باقى اغراضي وقاعد يتمتع بالأثاث اللي انا قاعده ادفع اقساطه من معاشي شفتي وقاحة اكثر من جذيه تخيلي يدزلي مسج كاتب فيها انتي وامك جيتي وكوشتي على اغراض الشقة اللي ما يستحي على وجهه يعني انا لو اخذ الشقة باللي فيها مو حرام لأن المفروض اغراض الشقة من حق الزوجة فما بالك اني انا اللي مجهزة 99% من اغراض الشقة.

المهم عدا الوقت ووولدت وصارت مناقشات وايدة منها انه قاعد يهددني الحين انه يسفر ولدي لديرته ويحرمني منه تخيلي عشت بالقهر والتوتر وانا حامل وهو لا حس فيني ولا في الجنين وبعدين ظليت مقهورة بالنفاس ومازلت للحين مقهورة مو عارفة شنو بيسوي فيني بس والله ناوية اذا ما طلقني بسهالة وخلاني اتخلى عن ولدي اللي انا تعبت فيه والله ساعتها بقوم عليه الدنيا وبظل ادعي عليه ليوم الدين طبعا هو يقول يحبني ويبيني وحرام نتطلق عشان البيبي تعتقدين اني ارجع لزوجي اللي ما له ذمة وضمير عشان اربي البيبي؟:؟؟؟؟ لا والله البيبي يتربى في غير وجوده احسن مليون مرة.

torn_heart

ياويلي عليج !!!!!

كل هذا صار وانتي بعدج في عز المشكله ... الله يهدي زوجج يارب ... :(

عزيزاتي
القمورة أمورة
صديقتكم الجديدة

حبيباتي اشكركم من كل قلبي على مشاركتكم ، ويارب تنتهي مشكلتي على خير ، وبتمنى انها تكون عبرة لكل وحدة عمل خطيبها او زوجها حركة نذاله معاها انها تفكر مليون مرة قبل ما تقول معلش وبكرة بيتغير ، صحيح في رجال عندهم عيوب بسيطة ممكن تتغير مع الوقت حتى لو ما تغيرت بيكون تحمل هذه الصفات امر هين ، لكن الي فيه صفات صعبة وشينه فانا برأي ما حد يعمل سواتي ويتحمل.... ولكن الي صار صار يمكن كان معمي على قلبي ، ويمكن لأني شفت امي وسمعت منها انها في بداية حياتها تحملت وايد وواجهتها مشاكل كانت في ذاك الوقت هذه المشاكل بنظر الجميع انها مالها حل ولكنها صبرت وكل المشاكل انحلت وعاشت بسعادة مع ابوي ، كنت معتقدة انه كل زواج فيه مشاكل وانه مو معقوله عند اول مشكله بهرب وانسحب ... وكمان كنت حابه اثبت لنفسي اني مو مدللة ومو قد المسؤوليه علشان كذا تحملت وبعدين زوجي كان في بداية حياتنا طول الوقت يسمعني كلام حلو ، حتى مرة قال لي انه يعبدني عبادة وانا على طول رديت عليه وانا احبك بعد بس موضوع العبادة لله وحدة وبعدين انت زوجي وحبيبي ( طبعا كلام مو من قلبي ) وواجبي اني اسعد واهنيك ، قصدي لما تكون الوحدة زوجها يسمعا دايما الكلام الحلو تطنش في بعض الأحيان اشياء مو عاجبتها او بمعنى اصح تتحمل اشياء كثير لأنها هبله مصدقه هالكلام وتقول يلا معلش المهم انه يحبني ...

حبيبتي torn_heart الله يكون في عونك والله مشكلتك انها مو هينة وانك صابرة على شي فظيع بس ما تقولي الا الحمد لله لأنه انتي ما تدري الخير وين و مثل ما قال الرسول(صلى الله عليه وسلم) ""انه لو اطلعتم على الغيب لإخترتم الواقع""" بس الحين ركزي تفكيرك في كيفية انهاء الموضوع بينكم اتصلي فيه اذا هو بعده يرد عليكي وخذي منه موعد ( موعد لجس النبض ومعرفه هو على شنو ناوي ) في مكان عام وقولي له انه انتي حابه الموضوع ينتهي على خير بينكم ...وانه بيظل ابو ولدك الله يحفظه وياريت علشان الايام الحلوة الي عشتوها مع بعض انه ينهي الموضوع بهدوء .. وشوفي ردة فعله وعلى اساسها تصرفي ، وبالنسبة لموضوع الأثاث والله قهر انتي الي تعبانه في وتسدي اقساطة وهو يتهنى فيه والله ظلم ، روحي لمحل المفروشات واطلبي صورة من فاتورة الأثاث وأسألي محامي يقدر ياخذ اللأثاث بدون محكمة وشوفي شنو بيقولك واعمليه حتى لو ما تريدين اللأثاث خذيه وبيعيه وشيلي جزء من الديون عنك أواتصدقي فيه ولا تتركيه يتمتع ببيت انتي الي اثثتيه ... والله قلبي معاك وطمنيني عنك ....

ا

شوفي انا قريت قصتك وهي
دايم تصير بس الفرق ...



انت ندك اهل مقتدرين وشارينك ويدورون كرامتك فانهتزي الفرصه ه واتركيه لان مثله صراحه الجلسه معاه مقرفه وحتى البيئه غلط سواء عليك او على عيالك
والفكه منه غنيمه واكسري وراه جره على قولة اخواننا الغالين المصريين

وعيشي حياتك من غيره احسن لان مافيه ولاميزه