الله يشفيها

واضح انه انهيار عصبي بعدو عن الطب الشعبي ودوها طبيب نفسي باسرع وقت

جزاكم الله خير خواتي الله لا يوريكم مكروه ف عزيز
اليوم أبد مافي أخصائي ولاتخطيط للأعصاب ننتظر لحد مايداومون
والمشكله عدنا الأحد إجازة عشان الإسراء والمعراج
واللي قالت من أخوها ومن أهلها ماكذبتي ياختي
للأسف خذلناها كثير والحين نبكي على حالتها
يارب تسامحنا
بس نحن كاخوات كنا نرفع معنوياتها ونحاول نسعدها
موضوع تسلط المديرة والمشرفه زادها اكثر وياليت حد وقفهم عند حدهم
اخوها هذا عذبها عذاب قبل زواجها وبعد طلاقها
وحسبي الله ونعم الوكيل هيه تحاول تتجنبه وتتفاداه بس نتفاجا إنه تصرف كذا أو ضربها
قبل زواجها ضربها ضرب مبرح عشانها اختلفت مع امي وتشادت معاها فترتيبات الزواج..انهارت وتعبت من الضرب ولما راحت المستشفى طلبوا الشرطه تحقق على الضرب وأخذوا تعهد من اخوي مايتعرض لها
رجع هذي السنه راح المديرة مثل ماقلتلكم يسأل عن دوامها وغيابها واستئذانها
وهيه من هذي السالفه الأخيره طلعت من بيت العايلة الاساسي راحت لبيتنا الثاني(بيت بنته الحكومه لأمي)
وحاليا مستقره فيه مع اصغر اخواني المتزوج وهو طيب معاها ومتفهم لكن هالفتره ماموجود دوامه فالصحرا اسبوعين هناك واسبوعين فالبيت وزوجته مع اهلها
ف يات أمي عندها هذي الفتره
بالنسبه لتصرفات اخوي المخزيه اكبر اخواني الاثنين قالواله بالحرف الواحد أختنا محترمه ومؤدبه ولاشفنا عليها شي ومالك شغل لا بدوامها ولا بطلعتها
واذا انت تبغي تصرف تخبرنا قبل ماتروح تفشل اختك مكان شغلها
وتخيلوا الحين صارله 3 شهور مانشوفه يحضر اجتماع العايله ولا نعرف اخبارهم هو وزوجته كله لأنه يقول انتو مدلعينها وساكتين على تصرفاتها وهيه ياحظي ماعليها كلام مسكينه تنرحم
للأمانه اختي قالت بشتكي عليه عشان ينسجن فشلني ونزل قدري مكان عملي لكن نحن غيرنا رايها وقلنا رب العالمين ياخذ بحقج منه وهو الحين مايعرف انها صارت بهذي الحاله لأنه ببيت ثاني
مقهوره من اخوي ومن المديرة والمشرفه كلهم ظلموها
بالنسبه لنقلها من المدرسه ماتنقل إلا لما يتوفر لها شاغر اقرب، غير كذا.مافي نقل والحين دمي يثور انتظر اييبون لي رقم المديرة بتصل لها أبا أعرف شو صار الضبط واخبرها كيف صارت حالة أختي بسببهم
حسبي الله ونعم الوكيل
أسأل الله أن يكون وضعها مؤقت
وراح أخبركم بالجديد بعد مايقرا عليها المطوع وبشوف موضوع الصبخه وله شو اسمها بصراحه تفكيري متشتت
اذكروها ف دعائكم اليوم جزاكم الله كل خير

الله يشفيها حبيبتي ..هالقصه تشبه قصة ناس نعرفهم والبنت ودوها شيخ ومن شيخ الى شيخ لين راحو عند شيخ جزاه الله خير قال لهم بنتكم مافيها شي بنتكم تحتاج علاج نفسي ودوها بسرعه وفعلا ودوها وقالو الدكاتره الحمد لله لو تاخرتكم شوي يمكن تزيد حالتها سوء .الله يشفي اختك ..اختك محتاجه طب نفسي مو اشعه ودوها بتلاقون عيادات مفتوحه ان شاء الله ..واقرو عليها قران القران شفاء بس ﻻ تهملونها ..الله يشفيها

أسأل الله أن يشفيها ويعافيها ويرفع مابها من كرب واضح بسبب الضغوط اللي حولها كانت تحتاج أحد يفهمها يقدرها يعطيها الثقة لكن كان العكس ويوم تعبت صاروا يبحثون ويعالجون...الله يشفيها ويعوضها عن كل لحظة ألم وينصرها على من تسبب في ظلمها ...ويرزقها بزوج يعوضها عن حياتها كلها الأليمة..