الحمدلله انو زوجك فيه صفات ايجابيه حاولي تطالعي بالايجابيات والسلبيات بأذن الله تتغير
بس لاتسمعي لكلام الي يضغطو عليكي ويقولو اطلقي ي حبيبتي زوجك كان بلحظة غضب ومافكر انو كلمه طالق صعبه لكن احلى شي بالموضوع انو اتمرمط هالفتره وعرف قيمه الكلمه وصعبوتها عشان ماتتكرر بأذن الله
ورح يحاسب على كلامو وانتي ك حرمه تخاف على بيتها وبنتها وزوجها لازم لازم تبتعدي عن الرجل اثناء الغضب
لانو كلمه منو وكلمه منك رح ينقلب الموضوع ويدخل الشيطان وممكن يمد يدو عليكي او يطلق للمره الثانيه لاقدر الله
عشان كدا الرجال مايحب صريخ وعناد الحرمه اي رجال بالكون مايحب هالشي
لازم تمتصي غضب الرجل اولآ بالسكوت وبعد مايهجد اعتذري لو كنتي غلطانه واذا كان هو الغلطان برضو لاتردي عليه بعد مايهجد اقعدي معاه قوليلو كل الي بقلبك بهدوء يعني واجهي الزوج عشان في حريم لما يزعلو تسوي يعنني زعلت وماتكلم زوجها تستناه يراضيها لكن مو كل الرجال زي بعض ف عشان كدا دامكم ببداية حياتكم ف خلي هالاسلوب معاه لين مع الوقت خلاص تاخدو على بعض ويفهمك وتفهميه
وخلي ذكر الله بلسانك وادعي بصلاتك انو ربي يهديه
بعد كل هالكلام رح اقولك قصه صارتلي مع زوجي واعذريني على هرجي الكثير
في مره جو ضيوف بيتي وكنت مبسوطه وسويت العشاء والحلا وخلص هاليوم وام زوجي باتت عندي و 2 من بنات اختو الصغار بالابتدائيه
واليوم الثاني صحيت الظهر وسخنت الغدى والكل قعد يبغى ياكل وفجأه اسمع صوت طيحه قويه
وجريت على غرفة النوم والاقي ولدي عمرو تسعه شهور يبكي بقوه وطاح من فوق السرير
ويجي زوجي يشيل ولدي ويقولي بعدي عنو انتي مو ام قلتلو اديني الولد اشوف ايش صار فيه قالي بعدي اقولك لاتقربي مني ف بهذي الحظه دخل الشيطان بينا وانا عصبت عليه قلتلو اصلآ انا اكرهك ومااحبك
وقفلت باب الغرفه قدامو طررررررررراخ على وجهو ومره عصصصصب وماقدر يتحمل وقالي انتي طالق وكنا متزوجين لنآ سنتين و 7 شهور يعني شفتي الموضوع قد ايش اهبل وتافه
مره انصدمت وقعدت ابكي ابكي وهو وقتها خرج راح المستشفى عشان يطمن على ولدو
ولما رجع قال انا اسف ابغاكي و وقتها اهلي كانو مسافرين وماحبيت ادق عليهم وانكد جوهم واخرب السفره
وسكت وبعد ماجو اهلي من السفر رحت عندهم وقلتلو مااقدر اقعد معاك بالبيت كنت مضايقه وقلت لاهلي
وبابا مررررره زعل وقالي ماترجعي وزوجي المسكين رايح جاي وفهمت زوجي اني ابغى ارتاح شوي وبعد مااترحت
رجعتلو وزوجي اتغير كثير صار يحاسب على كل كلمه يقولها لما يعصب ومستحيل يقول طالق
والان ليا متزوجه 6 سنين والحمدلله فهمت زوجي وافتهمني لكن مازال عصبي هالطبع مارح يتغير وهو نفسو يغيرها لكن مايقدر
ف عشان كدا ابغى اقولك الاعصاب مستحيل تتغير لو كان هو انسان عصبي
لكن انا اطالع دائمآ بايجابيات زوجي يعني انو انسان حنون طيب خدوم مايضرب يحبني
ولما يعصب بسسسسسرعه افتكر الاشياء الحلوه عشان اهدي نفسي واقول بقلبي اسكتي ياام اصيل لاتعصبي
لاتردي عليه لاتخلي الشيطان يدخل واقعد افتكر كل شي جميل سواه ليا او كل شي حلو حصل بينا و بعد مايهجد نتفاهم ونتصالح

وربي يسعدك يارب

قد ذكرت مشكلتي سابقا لكم..وكانت اغلب الردود بالموافقة إني أرجعله و اعطية فرصة ...وفعلا أعطيته فرصة ووافقت ..اشكركم ع المساعده.
طبعا شرطت علية بيت كامل ..والحين جالس يبني بيت ..ومهر 10الالاف..ومختوم تعهدبالضرب 5الالاف..واعطاني ذهب ب1200..هدية ع الموافقه ..اني اعطيته فرصة ..وشرطت مؤخر 80 الف ..ومصروف شهري .. وتحدد العرس بعد شهر عشان البيت بيبنيه ...طيب يابنات كيف اتعامل معه..ايش خلطات للاماكن الحساسه وتضيق وغيرها نصايحكم ..وش اقوله اول ما اروح عنده ..وكيف اجهز نفسي و اشتري يوم زواج ..البس فستان ناعم او لا ؟؟انا مهم عندي ايش اقول لزوجي من كلام إذا أجتمعنا ع خير ..











QUOTE=حياة كريمة جدا;88763814]السلام عليكم يا آخواتي ..أنا في البداية أستخرت الله على إني بأرجع لطليقي .بس مشاعري مضطربه ماقدرت
بين الرجوع وبين إني أتركة مرررررة..ﻷن حياة نعيشها مرة واحده في العمر
وقصتي ..إن طليقي إنسان جاهل في أمور حياة والخاصة.... وعمرة 23 سنة..ومايعرف يتصرف
وعصبي جدا وفوق الخيال عصبيتة ..
وعندنا (بنت)عمرها ثمانية شهور ....وجلست معاه تسعة شهور حق الحمل ..وحملت ع طول
اول ماتزوجتة ماشاء الله علي...
وكنت ساكتة معاه طول هالفترة ماقدرت احل مشاكلي..
وطلقني من أول مشكلة مو سبب عندنا مشاكل ﻷ..كنت عند آهلي.و جاء قالي سووي غدا يوم زواج أخوية ..وطبعا سويت الغداء و اعطيته وانا كنت معصبة عشان ما أعطاني فلوس للكوفيرة 300 ريال تسريحة وشعر ..وهو لاحظ إني معصبة ما أكلمة قام يتشمت بي ..وانا ساكتة ..وقال لي إنتي قليلة أدب يبغى يستفزني ..وانا ما تحملت رديت علية وقلت له إنت إلي قليل الادب..قام ضربني كف و ضرب يدي يبغى مشاكل وقمت سكت واحامي نفسي ومن خلال اللحظة دخلت إمي جلست تخاصم معاه ..وهو استحى مارد ع إمي راح وشغل سيارته وراح عند آهلة وطلقني هناك ..يوم زواج اخوية..وبعد ماخلص العرس يبغى يرجعني ..وأنا ماعاد أبغى أرجع زهقت منه ..هو يبغى يرجع وقال لأبوية توبة ماعاد بيطلق وما أدري إيش ..وجاءت إم طليقي عندي وقالت إنه ندمان ...انا حزنت على بنتي والله تعيش من غير أب ..وهو قال لأبوية بيآخذ البنت .إذا تزوجت..وانصدمت لانه صادق
وإذا ماتزوجت بيآخذها عمرها تسع سنوات....وقال لابويه ما يدري إن طلاق صعب وما أدري إيش و أعتذر ...وانا والله ما أحبة يبغى يرجعني و أنا رافضة ؟؟هل تنصحوووووني يابنات إن أعطية فرصة جديدة؟؟؟كل يوم طليقي يأتي عند أبوية ..زهقت منه ..طبعا بينفذ شروطي ...بس انا ماعاد ابغاه ..بس إيش تنصحووني أرجع له أو ﻷ ؟؟لاني محتارة وانا قلت إذا بأرجع عشان بنتي حرام تتبهذل بطلاقنا ....ولا أخطأت في تفكيري عشاني بأرجع سبب بنتي ..تعبت ابغى أعيش مثل المتزوجات المرتاحات....الله يسعدكم ويوفقكم ..

++

مبروك الرجعة 
أهم  شي المصروف مايقطعه عنك و مؤخر الطلاق درس لكل واحد الطلاق على لسانه مثل شربة الموية