السلام عليكم ورحمة الله
احي جميع بنات المنتدى
اخت هلا مافيك الاالعافيه وربما قد تكون اعراض ماقبل الدوره
لي زميله تدرس تمريض والسنه هي عملي قالت لي انها صادفت حاله شبيه لحالتك
المريضه كانت تشتكي من نزول دم من صدرها لااذكر التفصيل المهم الدكتورقال لها
عندك خلل في الهرمونات طبعا بعد الفحوصات والتحاليل فاذا ماعندك غير هذاالعرض
باذن الله مافيك العافيه
سلمنا الله واياك من جميع الامراض والاسقام
طمنينا عليك

جزاكم الله الف خيراخواتي

موعد الأشعه يوم الاحد وموعدي عند الدكتوره يوم الأثنين ما تدرون شلون احس ان الايام تمر ببطىء شديد ،، واللي خوفني اكثر ان نتيجه الهرمون طلعت ما فيها شي ،، تدرون ساعات اقعد اتخيل رد فعل الدكتوره مثلا تقولي لا الحمدالله ما فيك شي او لا سمح الله تقولي انتي فيك وفيك واللي زاد الطين بله ان الدكتوره ما تبيني اعمل الاشعه الا عند دكتور مو دكتوره تقولي انا ما اثق الا في نتايج هذا الدكتور بالأول رفضت بس بعدين زوجي قالي يعني تبين نروح عند دكتوره وتطلع نتايجها غلط فرضيت بالأمر الواقع والله يغفر لي ان شاء الله

زوجي يحاول ينسني ويطمني بس انا خايفه ،، انا قاعده اشرب من ماء زمرزم المقري فيه الرقيه الشرعيه وقاعد ادهن صدري يزيت مقري فيه بعد

بصراحه انا كنت مبتعده في الفتره الاخيره عن الدعاء والتقرب من الله يمكن يكون مثل ما قالت الاخت جزاها الله خير يمكن الله ابتلاك عشان تتقربن منه

انا كل يوم ادعي اقرى سوره البقره يوميا وانا شاء الله لما اغتسل اليوم من الحيض وارجع لصلاتي اتقرب من الله اكثر


لا الله الا انت سبحانك اني كنت من الظالمين

ما راح انسى وقفتكم معاي يا اخواتي الله لا يبليكم ويوفقكم في حياتكم وينولكم اللي في بالكم امين يا رب

دعواااااتكم

يقول الشيخ بن عثيمين لايجوز قول لخبيث لانه من الله والله لاياتي بخبيث اسال الله العظيم رب العرش الكريم ان يشفيك

ان شاء الله ما فيج الى الخير وانا اقول بس ماعليج الى بالصلاه و الدعاء وقراه القرآن وخلي بالج منج ومن اسرتج انزين ردي علي بعد ما تشوفين الأشعه.

جزاكم الله الف خير اخواتي الله لا يبليكم

احاول آتناسى السالفه بس مو قادره ، احاول اشغل نفسي بعد مو قادره ، خايفه يا جماعه اول مره يصيدني خوف بهذي الطريقه حالتي النفسيه متدهوره كلش ما ادري ليش الدتوره قالت لي تعالي بعد عشر ايام وتخليني على نار جذي

تعرفون اذا الدكتوره قالت لي شي مو زين لا قدر الله احس بيصيدني شي حزتها

انا كل شوي اعمل فحص لصدري بنفسي والحمدالله ما فيه شي لا الم ولا انتفاخ ، بس خايفه بعد ليش الدم ينزل

معليش اخواتي ابي اسألكم الأخوات المتزوجات واللي ما يرضعون انتوا قبل الدوره ينزل من صدركم سائل شفاف لان بعض البنات من اهلي قالوا لي احنا ساعات ينزل من صدرنا سائل شفاف

اسمحوا لي خواتي احس اني ضايقتكم او البعض يقول ليش انا مكبره الموضوع بس تدرون من الخوف اللي فيني والله


يا رب يطلع ما فيني شي والدم يوقف يا رب تطلع نتيجه الاشعه تطمن

يا رب


موعد الاشعه يوم الاحد ويوم الاثنين الساعه 2 الظهر استلم النتيجه وموعدي مع الدكتوره يوم الاثنين الساعه 6 بس تدرون ان باخذ النتيجه وباروح لعياده الدكتوره وباقعد عن الباب انتظرها ابي اتطمن ابي ترد حياتي عاديه ابي يطمن قلبي وتبرد النار اللي فيني

يارب بحق هالاذان اللي يأذن تشفيني وتطلع نتيجه الاشعه سليمه ويطلع ما فيني شي ولا احتاج لاي جراحه

يا رب