خبراااتكم << نحتااااجها (مهم لكل من عندها مناسبه)

الصراحة موضوع حلو.. وان شاء الله الكل يستفيد..
انا بكتب عن بوظبي ودبي..
اولا في بوظبي
1- بوجاتي – تصميمهم حلو وراقي تبدأ الاسعار من ال 2000 درهم
2- بوتيك شمس – تصميمهم حلو .. وخاصة عند المصمم الفلبيني تويتي تبدأ الاسعار من ال 1300 درهم
3- ريمون – تصاميمه قريبه لبوتيك شمس وتصاميمه مميزة تبدأ الاسعار من 1300 درهم
4- لاسوا – شفت تصاميمه وفيها افكار حلوة وغريبة مثل الرمل وغيره.. احلى التصاميم عند المصمم اللبناني مب المصممة تبدأ الاسعار من ال 2000 درهم ويقدر يوفرلك القماش
5- المصمم ساهر ضيا – موديلاته ناعمة وبسيطة اسعاره تبدأ من ال 3000 درهم
6- الصمم آدم زيات—مافصلت عنده بس شفت تصاميمه لعرضه الاخير وكانت حلوة تبدأ الاسعار من 3000 درهم
7- القلعة البيضاء – تفصيلهم حلو للمناسبات البسيطة واسعاره معقوله جدا تبدأ من ال 400 درهم
8- العروسه – تقريبا نفس القلعة البيضاء من ناحية التفصيل والاسعار
9- في دبي.. في دار اروشي .. موديلاتهم رووووووووووعه خاصة عند المصمم مصطفى .. ماشاء الله عليه عجيب.. تبدأ الاسعار من ال 3000 درهم


بالنسبة للجلابيات
1- الاسطورة – تصاميم المصممة انسام الخلف الاصلية تبدأ الاسعار من ال 2500 درهم
2- اليشمك – اشيئهم راقية وتبدأ الاسعار من ال 1000 درهم
3- راجو بلازا – جلابياتهم حلوة وعملية تبدأ الاسعار من 350 درهم
4-الخطوة الأولى – تصاميم حلوة وموديلات بحرينية وتنفع لليلة الحناء وغيره اسعارهم تبدأ من ال 800 درهم
5- بيت الاصايل—موديلاته راقية وايد وايد والاسعار تبدأ من 3000 درهم
6- ارتيزانيا – موديلاتهم حلوة ونفس الموديلات الكويتيه تبدأ الاسعار على 600 درهم

اممممم هذا الي في بالي حاليا واتمنى من الكل يشارك علشان نفيد ونستفيد
وشكرا يالغالية ايام العمر على طرح هذا الموضوع المفيد

في الدمااااااام وحدة أسم مشغلها إيمان أنا ماجربته بس صديقاتي يمدحونه وأفضل المصممين في الخبر