انا عم اشجعهم لحالهم لان الباقين ماعندهم مشكله. يعني شئ عادي تلاقي واحد اليوم ماحفظ او ماحل الواجب بس هذول دااااائما ما يحفظوا و دائما ما ينتبهوا للشرح
يعني هم فعلا حاله خاصه عن الباقين فما اقدر اني اعامل نفس المعامله.


هههههه في واحده تموت على مسح السبوره يعني هده مكافاه لها مش عقاب :27:

ما اقدر لانه لو المديره بتشوفه يروح يجيب شئ و كان لازم انا الي اروح بتعملها مشكله
كيف الطالب يترك الفصل وقت الشرح !! بيروح عليه اشياء و حتى توزيع الورق بيخليه مش مركز مثل الباقين يعني انا بشوف انها تضر الطالب ما تنفعه


فعلا المعلمه تستعملهم بس مره واحده بخعتني ههههههه
كان في بيتني عم يحكوا كثير فرحت لواحده منهن و معي دفترها قلت لها شايفه عالستكرز على دفترك؟ انا لح اشيلها لانك عم تحكي كثير. و حسيت البنت انها فعلا زعلت
البنت الثانيه قلت لها انت من الاصل ما حطيتلك لانك عم تحكي و ماعملتي الواجب كامل. قالت لي شو يعني؟ هذه بس ستكرز :07:


فعلا و مفعولها اكثر و اكبر من الستكيزر بكثيرررررر حتى اتذكر اخر مره ان بدر صار يشارك علشان البونبون



الظاهر كنت انت لحالك و مشان هيك متحكمي بالوقت بس انا مساعده و في معلمه هي الها الكلمه
يعني يخلصوا الدرس قبل الوقت !!!
مستحيل...يدوب يخلصوا و دائما مش لحقين :(


نرجع و نقول مااااافي وقت :(



شو كثير متفائله :(


مش عارفه ليش حاسه من طريقه كلامك انه ما كان في منهج مخصص للدراسه
يعني الحركات الفنيه و الرسم تقولي انها من افكارك
طيب المعلمات الثانيات اش يعملوا بهالوقت؟ يدرسوا التلاميذ؟
طيب انت تلاميذ هيك ما صاروا متاخرين بالمنهج؟
الله يستر بس ...عم بيكرهوا الطلاب بالعربي و الدين و هني مفكرين انهم عم يساعدوهم.
الي يقهرني هو تيجي المعلمات يحكوا لبعض و يقولوا ليش هيك الطالب عمل؟ هو ما يسترجي هيك يعمل بالمدرسه الكنديه ليش هون يتشطر؟
يعني بدهم الطالب يكون بالمدرهس العربي مثل ماهو بالمدرسه الكنديه
طيب يا ماما كونوا انتوا مثل المعلمات الاجنبيات و بعدين :29:

بنت عمتي كانت بنفس هذه المدرسه و اقولك تعقدددت و كرهت حياتها و صار العرب اكثر شئ تكرهم. لعمتي تقول لدرجه انها لو شافت بمسلسل عربي ممثله تصرخ و تحكي بصوت عالي تيجي تقول لعمتي شوفي هيك المعلمه بتحكي بالمدرسه العربي (يعني صوت عالي و صريخ) البنت خلاص تعقدت
عمتي شالتها من المدرسه هذه السنه و بتحاول انها تدرسها بالبيت
تخيلي البنت تكبر و عندها نفس التفكير عن العرب مصيبه

شكرا لك و اذا عندك اي اضافات قولي :27:

السلام عليكم ..
- بالعكس حبيبتي كان عندنا منهج ممتاز نتبعه ..بس الكتب اللي نستعملها هي كتب عربية جديده مخصصه لأطفال الغربة يعني المواضيع اللي فيها تناسب وضعية الطفل هون بعكس كتب السعودية والامارات اللي بتلاقيها عن احمد ونورة واليوم الوطني وووو بتلاقي الطفل مو فاهم شو القصه!!
- كمان في منهج دين بعتقد انه منهج الامارات
- وكمان في منهج الران نصورلهم السور اللي عليهم والحفظ ونحفظهالهم ياها في ملف مشان مايخرب ..
- كمان في منهج املاء كل اسبوعين

يعني متل مالك شايفه في منهج وفي مسؤوليات متل مافي بسط وفرحه.. بالنسبة للوقت انا المدرسة اللي كنت فيها اول اشي كانت فل تايم يعني من التمانية لحد التلاتة وهو وقت كافي انك تدرسي تلات حصص بالاضافه للحصول على وقت اضافي بالاخير بالاضافة لجعل الاطفال يصلوا الظهر جماعه كمان مع الامام.. وكله بالتنظيم وبالتوكل على الله ابدو يومكم بالتوكل على الله وبتشوفوا كيف الله يطرح البركه في اليوم وحاولي تعلمي الاطفال السرعه .. بتذكر اول السنة ماكان عندنا وقت انه نسوي اي اكتيفتي بس بعدين صرت حدد لكل اشي وقت وفهمتهم انه كل ماتخلصوا اسرع راح يكون عنا وقت اكتر نلعب وننبسط فيه .. وفعلا صاروا مايتلهوا وهما عبيكتبوا وصاروا مايحكوا بتلاقي الكل مشغول مين بده يخلص قبل..في حالة حدا ماخلص بقله انه الوقت خلص وعليه انه يكمل كتابة في البيت وهالشي مابده مساعده من الاهل يعني الطفل لوحده بتلاقيه بدي يعتمد على نفسه .. خطوة مهمه انك تعلمي الطفل كيف يعتمد على نفسه ..

بالنسبة للاملاء وهو اللي بيعتمد الطفل على اهله اكتر اشي فيه كنت حاول دربهم قدر استطاعتهم في المدرسة واعلمهم كيف يعتمدوا على انفسهم في دراستهفي البيت في حالة الاهل كانوا مشغولين .. مثلا اقولهم اكتبوا الكلمات كل وحده تلات مرات او الاسبوع الجاي بدي شوف اشي انكم تدربتوا لحالكم ..طبعا كله بالتشجيع والمنافسة بيناتهم كانت بتعمل عمايلها .. حبيبتي كونك المساعده مو معناتها انه مالك كلمة .. حاولي انك تحكي مع المعلمة بهدوء واقترحي عليها شوية اساليب وطرق وان شاء الله بيكون فيه فايده ..

------------------------------------
ازاهير



شوفي حبيبتي انا بشوف انه بالبيت اهون لك وبالنسبة لابنك لما بيشوف في جو مدرسة ودراسة غصب عنه راح ينضبط وخاصة اذا لقيتي مساعده من امهات تانية ..


انا معك .. والسبب ياقلبي انه مابيكون في فايده ومابيكون فيه تخطيط كامل للمدرسة يعني بتلاقي كلشي عالبركه لا منهاج ولا اساليب ولايحزنون..
لذلك شوفي حبيبتي لو فعلا ناوية نية انك تبدأي مدرسة لازم تحطي مجموعة نقاط في عين الاعتبار ..
الميزانية: كم بدكم تاخدوا من كل طفل افرضي مثلا اربعين دولار على الطفل.. كم طفل عندكم؟ وكم راح يكلفكم تصوير الورق وطباعة المنهاج اللي بدكم ياه؟؟ كم راح يكلفكم شراء الاغراض الاساسية للأطفال يعني من اداوت فنية ومن قرطاسية ومن ستكرز وشغلات تشجيعيه.. تظبيط الميزانية مهما قل عدد الاطفال موضوع مهم جدا .. بعد هيك بتروحي بتشتري الاغراض والافضل تاخديهم بالجملة واحتفظي بكل الفواتير ان شااء الله اشتريتي ابره لأنه ممكن انك تجمعي الفواتير وتعرضيها على محاسب تاكس وتاخدوا تعويض من الدولة بعدين..على فكرة لاتقولي مابدنا ناخد فلوس ولا اشي بقولك هيدا اكببببببببر غلط لأنه بعد هيك الاهالي مابيشوفوا قيمه لهالمدرسة وبأي لحظة ممكن يطلعوا اولادهم .. بعدين لما بيشوفو الاهل انه الشغله فيها دفع بيعرفوا انها مدرسة جديه مو حياالله.. غير هيك ماننكر انه المدرسة راح تكلفك ومو عدل انك تتكلفي كل شي لحالك ..

الادارة: مين راح يستلم الادرة ككل؟؟ مين ناوية تصير مديرة؟؟ لاتقولي كلنا اخوات وبدنا نشتغل كلنا سوا لا ياقلبي كل واحد اله شغله.. وحده منكم تستلم المحاسبة التانية مديرة التالتة تكون سكرتيرة وشغلتها تنظم لكم مواعيد وتبعت لكم ايميلات باخر التطورات اللي عما تصير .. بعد هيك بتقسموا التدريس وحده للعربي ووحده للدين ووحده مثلا للفنية وهيك ..

البرنامج والمنهاج: لاتخلوا كل شي عالبركة متل ماقلت لك وهيدا السبب اللي بيخلي الاطفال ينسحبوا .. لازم يكون عندكم منهج معين تدرسوه الطفل لما بيشوف كتاب ودفتر غير لما بيكون كل شي شفوي لذلك اجتمعوا وقرروا شو بدكم تدرسوا بالضبط .. بعد هيك رتبوا الحصص والجدول يعني كل شي يكون مرتب ومنسق ومحدد له وقت ..




حبيبتي كيف ماخدين الاحد ومو راضيين يعطوا السبت؟؟ ليش ماعندكم غير هالمكان تتجمعوا فيه بكل المدينة تبعتكم؟؟ يعني في حالة بدكم تتجمعوا برا البيت دوروا على مكان تاني مسجد تاني مو شرط مسجد ياستي انا بعرف مدرسة هون بيستأجروا مركز بيبي ستر في يوم الاحد طبعا من الفلوس اللي اخدوها من الاطفال بتتجمع وبتندفع ايجار بس انا بشوف انك تبدي في البيت لو نجحتي باذن الله تتوسعي ويصير عندك طموح انك تكبري المدرسة ويصير فيه اهداف اكبر باذن الله ..

تذكري حبيبتي الحلم بيبدأ بهدف صغير وبعدين هالهدف بيتحقق وبيصير الواحد عنده اهداف اكبر واحلام اكتر لكن لكل هالشي مابدنا غير التوكل على الله عز وجل والهمه العالية وحسن الظن بأنفسنا ..

موفقين حبيباتي ..
في امان الله
رنيــم

لا طبعا دموع هم ان شاء الله على السنة بس اللي قصدته انه ربما يعنون رسم الكلمات
وكتابتها فقط لتبدو اكثر وضوحا لهم والله اعلم

رغد كلامك رائع وجميل ومحفز جدا ومنطقي اكثر لما يجتمعوا وهم موعارفين ايش راح يسوون
هذه مشكلة بحد ذاتها والدعوى كلها مجانية وبجهود ذاتية
لكن اللي اقصده ان الجامع هو انسب مكان بل المركزفيه فصول وكراسي وسبورات يعني مدرسة
فعلا وزي ماقلت فيها اقساط على الطفل تقريبا 150 دولار ومنظمة لكن وش نقول
هي مهيأة جدا وافضل من غيرها
ومشكلتي اني ما اعرف احد ابدا غير واحدة فقط ومشغولة على الاخر
وهنا كيف تتعرفي على الناس ؟؟
اتمنى اني اروح صلاة الجمعه لكن بنتي صغيرة وملزمة بموعد باص اولادي لو حبيت اجلس حتى اتعرف على الناس
غير الكل لاهي جدا
واذكرك باحدى الاخوات الهنديات حكيت عنها من زمان
من سنين وهي تجلس من الساعة4 في بيتها وتستقبل الاطفال تدرسهم
ومنظمتهم وبطريقة فردية تمسك كل طفل لوحده مدة من الوقت في البداية تعلمه الحروف العربية
كلها وكل يوم تكرر عليه لحد مايعرفها بعدين تفتح المصحف وتخليه يقرأ وتحفظه بعض السور
وحتى من سن اربع خمس سنوات تلقينه يقرأ ماشاء الله وهكذا كل طفل له مدة معينة واللي يخلص يجلس في الخلف يراجع وبصمت والاهل يحطوا اولادهم بصمت فقط يلقوا السلام
هذه درست معظم الاطفال هنا وبجهود بسيطة جدا
طبعا ما اقلل من قيمة كلامك لكن ايضا ربما لما احد يطالع هالشئ بيتكلف وبيتعيجز مع اني
معلمة واخذت على التنظيم واتوق لها الشئ وما تدرين كان حلم بالنسبة لي قبل ما اجي هنا
لكن الشكوى لله

ما بعرف
يمكن لانك انت كنت المعلمه فتقدري ترتبي كل شي بدك على كيفك مش مثلي
نحن الدوام من 10 الى 3:30
طبعا ساعه بتروح على صلاه و اكل و لعب بالساحه
اول ساعه و نصف قران..تكتب المعلمه 4 ايات و تقراءهم و يصير كل الصف يقراء و راها و بعدين تطلب من كل طالب يقراء الايات و بعدين تصير تحاول يخليهم يحفطوا
و شوي شو بيصير
طلاب ما يقبلوا يرددوا وراها و منهم مايقدر يعرف (او بالاحرى مايعرف لانع مابيعرف الاحرف :30:) و المعلمه حالتها حاله بتصير
و بعدين عندك الثلاث ساعات عربي و هي قراءه درس و مع املاء و احيانا تقولهم قصص الحجر الاسود, اصحاب الفيل,,الخ.
يعني التاخير مش بسبب ان الطلاب بطيئين بالكتابه
التاخير لانهم بطيئين بالحفظ و هي تقولك ان الطلاب مايدرسوا مع اهلهم فلازم هي تحاول من هون يطلعوا من المرسه حافظين


ماهو هاذا حاولت الاقي طرق و اساليب بس مدرستك بكثيرررررر احسن من ناحيه الدوام و المنهج و كل شي :(
صعب اطبق عندي
بس الف شكر الك...عم احاول اخذ افكارك بس اطبقهم بطريقه تناسب مدرستنا :)

أزاهير بما انك معلمه فيعني عندك الاساس
و شفتي هون كيف طريقه المعلمين
و انت حابه هذا الشغل
انسب شئ انك تكتبي اعلانات و تضعيهم بقسم الرجال و النساء
و حاول تضعيهم باكثر من جامع و في المحلات العربيه
ماعندك حلقات؟ يصاحه هون الناس بالحلقات تتعرف على بعض
المهم حاولي لما تشوفي اي شخص انت تعمقي علاقتك فيها و الله يسهل :27: