كوبونات الراقية تسجيل الدخول

امة الله هبه
امة الله هبه •
السلام عليكم

حبيبتي رمال

والله ده نفس شعوري

بس بالنسبه ليا انا مش بقيت ادخل لأن حالتي ربنا اللي اعلم بيها

على العموم

ان شاء الله نرجع كلنا زي زمان
فاطمة الزهراء912
فاطمة الزهراء912 •
امة الله هبه امة الله هبه :
السلام عليكم حبيبتي رمال والله ده نفس شعوري بس بالنسبه ليا انا مش بقيت ادخل لأن حالتي ربنا اللي اعلم بيها على العموم ان شاء الله نرجع كلنا زي زمان
السلام عليكم حبيبتي رمال والله ده نفس شعوري بس بالنسبه ليا انا مش بقيت ادخل لأن حالتي ربنا...
بسم الله الرحمن الرحيم وبة نستعين
برافو عليكى يا رمال والله عندك حق انا صوتى اتنبح كل شوية انادى على البنات بس محدش معبرنى
قولى كمان وفوقيهم احنا فعلا ملناش غير بعض وربنا يكرمك يا رب يا رمال:39::39:
Neevooo
Neevooo •
اخير نطقتوا
بصوا انا هقول كل اللي جواية من غير ترتيب و لا تنظيم و لا حتى تجميل
عارفين احنا بقالنا اد ايه بعاد و محدش بيسأل ع التاني
كتييييييييييييييييييييييير
كنت اما بدخل اكلمكوا بحس اني بدخل الدنيا اللي بتمناها في الواقع و مش لاقياها
بدخل مع ناس بحبهم و المفروض بيحبوني ناس بيعينوني على طاعة ربنا ناس بيسمعوني اما احتاج حد يسمعني ناس بيحسوا بي وقت ضعفي ناس بيطمنوني وقت خوفي ناس بقول معاهم اللي مش بقدر اقوله مع امي و لا حتى جوزي ناس اديهم بطبطب على و تهديني و ترجعني لو ضليت ناس كنت بصحى من نومي اجري عليهم اشوف مين قال ايه و مين عمل ايه ناس جوزي كان بيغير من حبي ليهم من غير حتى ما يعرفهم ناس حبيتهم و ااتمنتهم على اخص اسراري من غير ما اعرف شخصياتهم ناس كنت بدعي ربنا و اشكره انه عوضني بيهم عن اني معنديش اخوات بنات و عوض لي عن كل صديقة خانتني او غدرت بي
ناس بحس و انا معاهم اني قدام مرايتي من غير مكياج و لا رتوش من غير كسوف ناس كنت بحسهم انا بكل معانيها
ناس فجأة ملقيتهومش و مش حاسين بحاجة و لا عارفين مين غاب و لا مين جة حتى اللي كانت عندها مشكلة محدش فكر يسألها عملت ايه ؟
الناس دول انتوا اقسم بالله الناس دول كانوا كل دنيتي و يا ريتهم يفهموني و يرجعوا تاني زي ما كانوا علشان وحشوني و وحشتني لمتنا و هزارنا و الفتنا و حتى خلافنا وحشني حبنا لبعض و خوفنا على بعض
عارفين انا كنت بدخل منتديات تانية بس كان دايما احساسي اني في زيارة و خارجة لكن هنا انا دايما كنت بدخل زي اللي لف الدنيا لحد ما رجليه اتكسرت و راجع بيته يرتاااااااااااااااااااااااااح
يرتااااااااااااااااااااااااااااااااااح مين فينا محستش الاحساس دة مين فينا متعبتش و ملقيتش الكل جنبها مين فينا مكنتش بتتسابق مع التانية علشان تكون اول واحدة تسأل و لا تعيد و لا تشارك اختها في حل مشكلتها مين فينا مكنتش بتجري عشان تكون اول ايد تطبطب و تواسي مين فينا مغابتش يومين و قالت في سرها البنات وحشوني اوي يا ترى عاملين ايه ؟
كل دة راح فين راح فين حد يجاوبني ؟ اوعوا تقولوا مشاغل الحياة كلنا الحياة كانت شاغلانا في حاجة غلط حد يرد على فين الغلط ؟ و في مين ؟ اكيد في حاجة غلط
مسلمة انت و طمطم ربنا يبارك لكم انا كنت بدخل كل يوم عارفين يعني ايه كل يوم يمكن حد يكون حس بغياب حد
مكنتش بلاقي حد
و كان دايما عندي سؤال واحد 000 احنا ايه اللي جرى لنا ؟ طيب يمكن حد زعل التاني ؟ طيب يمكن دمنا بأة تقيل ؟ فين الروح الجميلة اللي بتجمعنا ؟ فين احساسنا ببعض ؟فين فين فينن و يمكن يمكن يمكن 000000000؟
من غير اجابة
انا قلت اللي جواية و سامحوني
يا ريت نلحق روحنا و نرجع زي الاول عشان نحافظ على حاجة جميلة ربنا انعم بيها علينا قبل ما تضيع وسط الزحمة زي حاجات كتيييييييييييييييييير جميلة ضاعت و تاهت مننا
سامحوني طولت عليكوا
بس و الله و الله و الله عشان بحبكوا
رمـــــال
رمـــــال •
يا جماعه دلوقتى انا كنت داخله اعلق على كلام امه الله هبه وفاطمه طماطم بس لانى شفت مشاركه نيفو واثرت فيا جداااا قررت انى ما اعلقش لحد ما اشوف باقى البنات هتدخل وتتكلم وتخرج من حاله السكوت دى ولا هيلتزموا الصمت ......
امة الله هبه
امة الله هبه •
انا مع كل كلمه نيفو قالتها

والله انا كمان حاولت ادخل منتديات تانيه

بس مالقيتش زي تجمعنا

والله انا بدخل في اليوم 500000 مره واحاول اقرا فيه اي حد رد


حد فاكرني


حد سأل عليا

محدش افتكرني ولا سأل عليا غير نيفو ربنا يكرمها

وقفت جنبي اليومين اللي فاتو

ورفعتلي معنوياتي

جزاها الله خيرا

منتظراكو عشان نرجع زي زمان