Neevooo :

ازيكوا يا بنات وحشتووووووووووووووني موووووووووووووت مش قادرة اقولكم اد ايه انا طبعا مش متخدة تلبس و لا تقلع يا شوشو بس هو في الاول و الآخر غياب برضو طمطومة حبيبة قلبي المرة دي مش كان خرم دة كان بلااااااااااااعة لامؤاخذة بس ربنا ستر سمسومة و لا يهمك يا قمر كل عقدة و لها حل عنق ضيق نوسعه رحم مقلوب نعدله و لا يهمك كلها هينة بأمر الله هابي مازر وحشتيني جدا جدا جدا و ربنا يكرمك على الكلام الجامد دة انا مش اده رمال روح قلب قلبي من جوة مش هقول و لا كلمة ( خليها في سرك ) هوبة حبيبة قلب قلبي ربنا يكرمك و يسخر لك الطيبين من عباده ام يمنى نورتينا يا حبيبتي ربنا يجعل وشنا حلو عليكي و يرزقك يااااااااااارب بصوا بأة يا بنات انا هحكيلكوا انا كنت مختفية ليه الفترة اللي فاتت ربنا ما يخليكوا تمروا باللي كنت فيه ابدا ابدا ابدا بس عاوزاكوا تركزوا في كلامي و بالذات سمسمة 0000 بالذات سمسمة نبتدي الحكاية اولا زي ما انتوا عارفين انا مشكلتي تكيسات و طبيعة دورتي انها مش بتيجي كل شهر ممكن شهرين او 3 او 4 بس دايما بيبقى في بويضات و لو ضعيفة المهم انا مش جتني الدورة من شهر 6 اللي فات و كنت مطنشاها من باب ان دي طبيعتها و كمان مرتاحة منها لأنها كانت بتيجي نزيف شديد بفضل اتعالج من آثاره لحد دلوقتي و الله المهم يوم التلات اللي فات قلت اروح للدكتور اطمن و اشوف ايه الاخبار المهم اول ما دخلتله لقيت معاملته غريبة شوية يعني كان دايما يرحب و يهرج معايا و مع جوزي المهم اما قلتله على حكاية ان الدورة مش جتني لقيته بيقول لي و انت مبسوطة ؟ مرتاحة يعني ؟ فاعتقدت انه بيسأل عن حالتي النفسية و كان ردي جدا الحمد لله و حكيتله على الاعراض اللي عندي و قاس الضغط لقاه عالي 190/120 و كتب لي دوا للضغط و دوا يساعد على اذابة الجلطة؟؟؟؟؟؟؟؟؟؟؟ فسألته و دة ليه قالي عشان لو الضغط علي نبقى جاهزينله و راح عمل السونار و مش لقيت و لا بويضة و دة الشيء الغريب و اما سألته عن السبب كان رده ( دي اعراض سن انقطاع الطمث ) و عشان كدة مش في بويضات طبعا الكلمة نزلت زي الصاروخ على دماغي عملت لي حالة شلل و بدأ جوزي يناقشه فقاله ان مريض التكيس ممكن توصل للسن دة بدري عن الطبيعي على العموم احنا نعمل تحليل FSH لو طلع اكتر من 27 يبقى احنا كدة خلاص!!!!!!!!! و اما سألته يعني ايه خلاص ؟ قالي : خلاص!!!!!!!!!! بمنتهى البساطة كدة خلاص و بكل برود و حاطط لبانة في بؤه خلاص تقطع كل املي بكلمة و خلاص؟ طبعا مهما قلت مش هقدر اوصفلكم احساسي كان ازاي بس رحمة ربنا فوق كل شيء و فضل حاجتين يرنوا في دماغي طول مانا ماشية لحد بيت بابا ( و ما كان ربك بظلاّم للعبيد ) و كنت باصة للسما و مش بقول غير كلمتين الحمد لله و انا عارفة اني مش ههون عليك يارب و لو دة قدري اللي انت كاتبه رضيني بيه و اجزيني بيه خير و بارك لي في جوزي و اولادي خير و مش قادرة اقولكم الكام يوم اللي فاتوا كنت تقريبا مع الاموات جثة محطوطة على الكرسي و عملت التحاليل و مش عارفة ايه اللي خلاني قلت للمعمل عاوزة اعمل فحص هورموني شامل مع السكر و الانيميا و الFSH و الحمد لله رب العالمين ربنا كرمه كبييييييييييييييير اوي و كرمني على الآخر التحاليل كلها ممتازة و الFSH طلع 4.3 يعني انا انثى مكتملة الانوثة بمعنى الكلمة و لا اي اي و لا زي زي هههههههههههههههههه و السكر طلع قليل في الدم زي ما كان طول عمري ( من غير نحل و لا قرص يا طمطومة العسل عندي رباااااااااني)و الهورمونات كلها نسبها حلوة و الحمد لله و مش هقول غير ربنا يسامحه و يهديه اللي بكلمة واحدة هد كل أملي في دنيتي اني يكون لي بيبي يجري دمي و دم حبيبي في دمه فعلا الواحد مش لازم ياخد كلام الدكاترة امر مسلم بيه يا رب تكوني فهمتي كلامي يا سمسمة لو كنت سلمت بكلام الدكتور كان زماني جتني جلطة و مت بس رحمة ربنا وسعت كل شيء و بيلحقنا في الوقت المناسب و بيدينا الامتحان على اد قدراتنا و قوة احتمالنا و عاوزة يا بنات قدامكم كلكم اشكر اوي اوي اوي هبة و رمال ربنا يكرمهم مش سابوني خاااااااااااااالص و وقفوا جنبي ربنا يكرمهم و يرزقهم من حيث لا يحتسبوا و كمان سمسمة اللي اتخضت يا عيني اما لقيتني مش عارفة اكلمها من كتر العياط انا بحبكوا اوي يا بنات و فعلا ربنا عوضني بيكوا عن اني وحيدة و مش لي اخوات بنات ربنا يديم الحب و الود اللي بيننا دايما

ازيكوا يا بنات وحشتووووووووووووووني موووووووووووووت مش قادرة اقولكم اد ايه انا طبعا مش متخدة...