فاطمة الزهراء912 :

بسم الله الرحمن الرحيم the happy mother هو فية يا بنتى واحدة بتقول سنها عموما مش هزعلك انا عندى ثلاثون اية رائيك لسة نونو صح بس متقليش لحد علشان دة سر اما بقى البنات وحشتونى وعملين اية بصى بقى يا نيفو اخبارى يا ستى الى متتسماش جتلى امبارح يعنى هبتدى اخد الكلوميد النهاردة وبكرة الحقن وهاروح للدكتور يوم الاربعاء الموافق 31/12 وبعدين هيشوف التبويض ويكتبلى حقنة التفجير وربنا يسهل وتكون السنة الجديدة خير علينا كلنا ونكون كلنا حوامل بأذن الله اة نسيت اقلكو كل سنة وانتو طيبين وكويسين ونكون دائمامع بعض وربنا ميفرقنا ان شاء الله :):):)

بسم الله الرحمن الرحيم the happy mother هو فية يا بنتى واحدة بتقول سنها عموما مش هزعلك انا عندى...

muslima627 :

إزيكم يا بنات وحشتوني قوي رمال ربنا يكرمك يارب على الكلام الحلو ده ويخفف تعبك ويجيبلك بقلز بالسلامة يارب:04: هابي مازر أنا كمان زيك يا حبيبتي في غربة وزوجي سايبني طول اليوم ، بس المهم إنك تحاولي على قد ما تقدري إنك تستغلي الوقت ده في شيء يفيدك ويقربك من ربنا أكثر وأكثر إحفظي قرآن إدرسي حاجة بتحبيها وعلى فكره يا بنات لازم تدرسو تجويد علشان نقرأ قرآن صح لأن قراءة القرآن بالتجويد فرض عين على كل مسلم يعني لازم كل مسل يكون بيقرأ القرآن بالتجويد وعيب علينا قوي نبقى محتاجين لربنا كده ومبنحاولش نهتم بكتابه الكريم ونديله حقه ومش حلو إننا نهتم بعلاج جسمنا ونسيب علاج روحنا لأن الروح لو إتظبطت باللي يرضي ربنا الجسد هيبقى سهل علاجه حتى كتير من الدكاتره يقولوا المهم إنك نفسيا تكوني مش قلقانه ونفسيا ده بقى متتصلحش غير بالقرب من ربنا الكريم الأحن علينا من كل عباده ومن كل الدكاتره والحديث الشريف بيقول ( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة ) . وكمان ربنا إختارنا من بين عباده علشان يفرغنا لطاعته وعبادته وفعل الخير ومساعدة الناس لفترة من الزمن يا ترى هنعمل كده ولا هنقضيها بكاء وزهق وإنتظار ياريت فعلا كلنا نحاول نستغل وقتنا ده كويس جدا في كل اللي ينفعنا في ديننا ويرضي ربنا علينا يارب نيفو الجميله ربنا يكرمك يارب وجزاك الله خير على سؤالك يا قمر بطوطة كمان ربنا يرزقك بكل اللي تتمنيه يارب اشتقت اليك ربنا يقر عينك بأخ لأنس يارب ويجعلهم سبب في دخولك الجنة يارب يابنات على فكرة أنا لو ربنا أراد إن شاء الله ممكن أجي مصر الشهر الجاي فإدعولي مش عارفه لو نزلت مصر مش هعرف أدخل على النت لحد ما نتصرف المهم إدعولي ربنا يكرمني ويعملي اللي فيه الخير ليا وربنا يكرمنا جميعا ويعطينا من كل ما نحب ونتمنى حتى نرضى ويجعل لينا الخير فيه آمين يا كريم يارب

إزيكم يا بنات وحشتوني قوي رمال ربنا يكرمك يارب على الكلام الحلو ده ويخفف تعبك ويجيبلك بقلز...

اشتقت اليك :

أيوه كده اظهروا و بانوا...الحمد لله انى اطمنت عليكوا...... ازيك يا هابى ...اتمنى تكونى بخير...و لو موجودة يا ريت نرغى مع بعض شوية.... و معلش يا نيفو ...انا لما لقيتك اختفيتى بلعت القصيدة ووراها شوية ميه....:) و اختنا الجميلة رمال...ربنا يقومك بالسلامة ....ويفرحك بشوفة ابنك ويجعله قرة عين ليكى و لوالده، و عقبالى و عقبال كل البنات....و هاقولك نصيحة...وديه كمان موجهه لكل الاخوات...استمتعى بالوقت اللى انتى لسه فيه واحد صحيح و اتدلعى و نامى براحتك لان بعد كده الحاجات ديه هتبقى فى الاحلام.... و ما زلنا فى انتظار ظهور باقى الاخوااااااااااااااااااااااااااااات.....

أيوه كده اظهروا و بانوا...الحمد لله انى اطمنت عليكوا...... ازيك يا هابى ...اتمنى تكونى بخير...و...

Neevooo :

دي كانت عصيدة باة مش قصيدة ع العموم الف هنا و شفا و الله كانت تنفعني في البرد دة الا قوليلي هو انت عايشة في مصر و لا برة ؟ و من فين في مصر ؟ بالنسبة لرأيك في ان الواحد يعيش اللحظة زي ما هي و يتمتع بالمرحلة اللي بيمر بيها انا معاكي و بقول لرمال روح قلب قلبي من جوة ان حتى التعب بيبقى له طعم حلو اوي و بتفتكريه بعد كدة و تضحكي و احنا اكيد كلنا متفقين ان الحامل بتتعب علشان كدة البيبي بيبقى غالي اوي فما بالكوا باللي قعدت تستناه ايام و سنين يااااااااااااااااااااااااااه دة يبقى احلى تعب و لو ان انا متأكدة اني اما ربنا يكرمني هبقى فسفووووووووووووووووسة ع الآخر بس ياريت حد يبقى يفكرني ساعتها بكلامي دة دلوقتي ( انا متأكدة انها هتبقى رمال مش عارفة ليه ) يا رب يرزقنا جميعا تعب تعب مش مهم بس نذوق طعم غلاوة الضنا و نحس بقلبه بيسابق قوبنا و دمه بيجري يحضن كل نقطة في دمنا تعب ايه اللي ممكن يساوي لحظة واحدة من الاحاسيس دي يا رب ارزقنا يا كريم عاجلا غير آجلا و اجزنا بكل الير على رضانا و صبرنا على فكرة انا مقدرة احساسك يا اختي اشتقت اليك لانك جربتي الاحاسيس دي و اكيد نفسك تدوقي حلاوتها تاني و انا متاكدة ان ربنا مش هيردنا خائبييييييييين و هيعوضنا و يدينا اكتر ما نتمنى

دي كانت عصيدة باة مش قصيدة ع العموم الف هنا و شفا و الله كانت تنفعني في البرد دة الا قوليلي هو...