اشتقت اليك :

عموما أنا هاسلى نفسى و هاكون أول واحدة تتكلم فى الموضوع اللى اقترحته نيفو لحد ما تهلوا علينا... طبعا لو اتكلمنا على العيوب هنملا كتب....لكن هنعمل ايه...ورحم الله امرئ عرف قدر نفسه....يعنى شئ جميل جدا ان الواحد يعرف عيوبه علشان ميبقاش زي النعامة...مشكلتى أنا انى شايفة عيوبى بعدسة مكبرة ...لكن ميضرش.... أهم و أخطر عيوبى هى انى متسرعة بشكل غبىفى كل حاجة الا الحكم على الناس و ده بيوصلنا للعيب الثانى و هو الحذر...مش باخد على الناس بسرعة وحتى لو ارتحت لحد باتعامل معاه بحذر شديد أوي ...ده طبعا سلاح ذو حدين اولها انى لما باصاحب باخد وقت طويل جدا علشان اختار صديق لكن بصراحة بتبقى صداقة العمر...لكن الوحش هو انى بابدو للى ميعرفنيش انى حد متعجرف او منغلق زيادة...يعنى بصراحة لما باقابل حد لأول مرة سبحان الله الوش الخشب بيتركب لوحده...والله مبكونش اقصد بس بتيجى كده.... ثالث حاجة بقى انى شخص متقلب المزاج بدرجة غبية..يعنى باثور بسرعة و برضه باهدي بسرعة جدا... زي المجانين باظبط....بس الحمد لله ان ده مبيبانش غير مع الناس القريبين بس رابعا ان اللى فى قلبى بيبان على وشى مش على لسانى..لما بازعل من حد اوي باحس انى مش باقدر اشوفه و لا اسمع صوته و لو اتقابلنا تحسوا ان حتى ملامح وشي بتتغير.. خامسا: انى معنديش سرعة بديهة (اوعوا تفتكروا ده غباء...)بالعكس كل من يعرفنى يشهد انى عقلى كمبيوتر و انى ذكية و منظمة بدرجة تخوف..لكنى فى المفاجآت ادائى و ردودي بيكونوا من أسوأ ما يكون علشان كده باتفادي العيب ده بانى لما حد يفاجانى بحاجة باطلب وقت للتفكير... سادسا: انى زي ما قلتلكوا متقلبة فانا بالنسبة للحاجات اللى بتزعلنى من الناس ساعات باكون نساية جدا و ساعات بافتكر كل التفاصيل لدرجة انى كنت باتمنى اكون اكثر تسامحا...بمعنى اوضح لو سامحت حد كنت زعلانة منه اتعامل معه بصفاء شديد لانى فعلا باكون نسيت الزعل تماما...لكن لو تكررت الغلطة باحس انى افتكرت القديم و الجديد وتلاقونى فجأة ناقمة على الشخص بشدة...(مش باقولموا شغل مجانين) سابعا: انى خجولة جدا .... طبعا للحديث بقية.....لكن ممكن نبص بصه على النص الحلو (وده على فكرة من آراء من يعرفونى و ليس رؤيتى لنفسى) -انى مستمعة جيدة جدا....و باحاول احس باوجاع اللى حولي حتى لو مجربتهاش... -انى الحمد لله و باقولها بالفم المليان دايما راضيه باللى فى ايدي و عمري ما بصيت لحاجة مش معايا ...وده مريحنى أوي و مخلينى دايما حاسة انى ملكت الدنيا و ما فيها... -الذكاء الشديد و النظام اللى يخنق -مبشيلش من حد لان بصراحة اللى يزعلنى اوي بالغيه من حياتى و اعمل نفسى مش شايفاه باحاول اكبر مخى مع الناس (يعنى مازعلش بسرعة الا لما استبين الامور و ده بيحسس الناس انى متسامحة اوي مع انى فى الحقيقة باتمنى يكون جوايا قدر اكبر من التسامح) - لو عرفت اي معلومة او حاجة باحب افيد كل اللى اعرفه و اللى ماعرفوش بيها (لدرجة ان فيه ناس بيقتكرونى باتمنظر ) - الحمد لله باتعلم بسرعة (و ده كان رأي مديري الاجنبى..كان دايما يقول لزملائي انه بيعتبرنى الجوكر) مبحطش حاجة فى دماغى الا لما باتعلمها و باحتراف... متهيألى كفاية كده لاحسن مش هتعرفوا تكلمونى بعد كده.......... و لحديثنا بقية وفى انتظار ما فى جعبتكم يا أحباب

عموما أنا هاسلى نفسى و هاكون أول واحدة تتكلم فى الموضوع اللى اقترحته نيفو لحد ما تهلوا...