هابي ربنا يكرمك ويرزقك الذريه الصالحه

ما شاء الله موضوع رائع

أكيد هلاقي فيه اللي أنا عايزاه

بس يا بنات الموضوع طويل أوي ما شاء الله 102 صفحة

أنا عايزة واحدة بنت حلال تقوللي على دكاترة أمراض ذكورة كويسين ومجربين

الحالة اتهاب في البروستاتا وعدد قليل في الحيوانات المنوية

يا ريت تساعدوني:26:

اهلا بيكي معانا ام يمنى ( الأسم كده صح؟)

انا الحقيقه ماعرفش دكاتره لأمراض الذكوره بس ان شاء الله واحده من الاخوات تدخل وتجاوبك بس معلش ممكن يتأخروا لأن كلهم بيعملوا بيات شتوي الجمعه والسبت

شكرا أختي هبة

أيوة مضبوط الاسم يا جميل

منتظرة ردود الأخوات الكريمات

السلام عليكم ورحمه الله وبركاته

ازيكم يا بنات عاملين ايه فى التلج ده ... انا مش حاسه بأطرافى من السقعه ربنا يعيننا ويعين الناس اللى فى الخارج لاحسن زمانهم نشفوا من الصقيع اللى عندهم

حمدالله على السلامه يا طماطم ومعلش ظنيت فيكى ظن مش ولابد .. سامحينى يا قمر .. انا كنت بهزر معاكى اوعى تزعلى منى ولو ان ظنى يعنى حاجه كويسه مش وحشه وصحيه كمان :) .. المهم الحمدلله اننا اطمنا عليكى وكويس ان التبويض تمام يارب الشهر ده يكون خير عليكى يا طماطم وتيجى كمان كام يوم تقوليلنا باركولى :icon28:

ذا هابى مازر .. ازيك يا حبيبتى .. ربنا يهون عليكى السقعه اللى عندك دى .. ويكرمك فى العلاج بتاعك يا قلبى

سمسمه المصريه ..يابنتى انتى بتختفى تروحى فييين مش لازم يعنى تدخلى علشان تقوليلنا اخبار الدكاترة وخلافه لا انا عايزاكى تدخلى تتكلمى معانا فى اى موضوع تانى احنا بنفتحه .. من باب انك تبعدى تفكيرك شويه عن العلاج والمواويل دى وتشاركينا من غير ما تجيبى سيره علاج او كده علشان مش تدايقى.. وبعدين انا مع هبه فى انك تشوفى لك حد كويس تروحى له وما تروحيش لكذا دكتور فى نفس الوقت .. وعندك دكاترة كتير احنا جربناهم وقلنا لك عليهم قبل كده اختارى حد واستمرى معاه علشان التشتت اللى انتى فيه ده .. وبلاش اكتئاب الله يكرمك :)

امه الله هبه .. ما تزعليش نفسك ما العربيات كلها كده وياما عربيتنا عملت فينا بلاوى :eek: بس هنعمل ايه ..

العضوة الجديده .. أم يمنـــــى .. يا اهلا ويا سهلا بيكى نورتى موضوعنا ... هو على رأيك موضوع رائع فعلا وبيكون اروع بالمشاركات الجديدة وبالناس الجدد برده .. يالا عرفينا بنفسط عقبال ما بقيه البنات يردوا عليكى .. وللاسف انا مش عندى معلومات عن اللى انتى عايزاه بس حبيت ارحب بيكى معانا ...

اشتقت اليك .. ايه يا بنتى انتى لسه غرقانه فى البورصه ولا ايه ... سيبك من النشرة الاقتصاديه دى بقت تجيب الضغط وتعالى شويه كلمينا مختفيه فين يا ستى .. ولا انس هو اللى شاغلك

الهنوف .. ازيك يا بنتى عامله ايه .. مش بتطمنينا عليكى على طول ليه ؟؟ عموما طماطم ردت عليكى فى استفسارك .. ربنا يكرمك يا حبيبتى ويرزقك الذريه الصالحه

نيفو يا حبيبتى ... انتى دايما مسك الختام واللى بحب اختم بيه فى اى مشاركه بكتبها ... ربنا يكرمك ويحفظك ويصلح احوالك ويرزقك من حيث لا تحتسبى انتى وكل البنات يارب ..

معلش سامحونى لو بتاخر عليكوا لان الانترنت عندى فيه مشاكل وهو السبب فى عدم دخولى المنتظم .. وسلامى للجمييييييييييييييع