نيفو حبيبتى بجد كنا قالقانيين عليكى جدا

بس انا عاوزة اقولك على حاجات كتير على الكلام اللى قلتيه

اول حاجة انتى بتقولى انك عرفتى ان الشيكات دى طلعت بأسمك طيب متيجى تعتبريها مجاتش و انتى معرفتيش؟
و كمان فى سرك بينك و بين ربنا قولى انك كأنك طلعتيهم صدقة و انك كمان سامحتى مديرتك دى
بصى يا حبيبتى مديرتى قالتلى جملة عمرى ما قدرة انساها
قالتلى عملى كل واحد مش اللى انتى شايفاه عامليه كأن ربنا شايف معاملتك ليه حتى لو أزاكى برضو عامليه انتى كويس عشان ربنا متطلع

فانتى مديرتك دى تفكيرك فيها و فى اللى عملتو فيكى مش حيجبلك غير الهم و وجع القلب
ايه رأيك تديها ظهرك؟

انتى لما تدى ظهرك لحد مش حتشوفيه بس هو اللى حيكون شايفك و انتى بتمشى لقدام و هو واقف فى مكانه
المهم انتى مش هى و متخليهاش تفقدك ثقتك بالناس لان ذى ما فى الوحش اكيد فى الكويس لان احنا مش عايشيين فى غابة و عمرنا ما حنعيش فيها طول ما دينا موجود حيفضل فى خير على طول

ارمى الست دى من حياتك خالص كأنها مش موجودة ولا كأنك عرفتيها خالص مش عشانها على اد ما اهو عشانك انتى و عشان حياتك و بيتك و ولادك قوى نفسك يا حبيبتى

و بعدين اديكى اتعرفتى علينا و احنا مش عاوزين منك حاجة غير الخير ربنا بيعوض يا حبيبتى من هنا و هنا و مدينا حقنا فى الناس الكويسة 24 قيراط بس حتلاقيهم متقسمين بين جوزك و اهلك و ولادك و حتى اصحابك
فأكيد الست دى مش مهمة و اذا انتى بتقولى انها "ذى" مامتك فهى مش مامتك ولا عمرها حتكون

اما بالنسبة لموضوع وادة صاحبتك فالبقاء لله و على رأى مامتى بتقولى احنا اموات ولاد اموات فكلنا لينا ساعة و من حسن حظنا اننا منعرفش هى امتى عشان نعيش و نتبسط فى الدنيا

حبيبتى هونى على نفسك و كل ما تفكرى فى حاجة وحشة دورى على حاجة تانية ضدها كويسة و حتلاقى

و ربنا يسعدك و يهدى قلبك يااااااااااا رب

حبيبتي كوكر 000 بجد مش عارفة اشكرك ازاي على اهتمامك و على كلامك الجميل هتصدقيني لو قلت لك اني قرأته كذا مرة و كل مرة كنت بحس اني اهدأ من المرة اللي قبلها
بس عاوزة اقولك حاجة انا اللي تعابني بالاضافة لصدمتي فيها ان انا اللي محتاجة لها علشان تمضي بالموافقة على الاجازة يعني مضطرة اتعامل معاها غصب عني 000 طيب ازاي هاكلمها و اكون لطيفة معاها و انا جوايا نار منها ( و لا على رأيك انا بعامل ربنا بس احنا بشر و الموضوع محتاج شوية تدريب 00 ربنا يقدرني )
الشيكات انا مش كنت هاصرفهالأنها مش بتكون مبالغ كبيرة بس هي ضيعت فرحتي بالتقدير
انا بجد فرحانة اوي اني عرفتكو و دي مش مجاملة بس احساس حلو اوي انك تحسي ان في حد حاسس بيكي و هاتلاقيه جنبك اما تحتاجيه 000 صحيح احنا حبنا في الله و ربنا ان شاء مش هايفرقنا ابدا
انت جميلة اوي يا كوكر ربنا يجعله في ميزان حسناتك و ينولك كل اللي بتتمنيه آمين يا رب العالمين

حبيبتى نيفو ربنا يكرمك يا رب

تعاملى معاها عاااااااااادى "كمديرة" مش "كأم" لان فى فرق كبير بينهم

و على التقدير فانتى عارفتى اهو انك اتقدرتى مش مهم خالص الفلوس الواحد بيتبسط من كلمة

و يا سيتى حلال عليها الفلوس اكيد حتصرفها على حاجة وحشة و حتاكل جنبها فلوسها الحلال كمان يعنى ربنا ظبطهالك على الاخر و اكتر مما انتى تعوزى كمان
ربنا يسامحها

و احنا فعلا اخوات و نتمنى الخير لبعض

و ان شاء الله ربنا حيكرمنا جميعا بأذنه عن قريب






رمال هو نييفو تظهر انتى تختفى؟

اظبط الجاكيتة البنطلون يضرب؟

حبيبتى كوكر انتى دايما كده فاكرانى :39: دى حاجه بتسعدنى جدا ربنا يخليكى ليا .. و اسفه على عدم التواجد فى اليومين دول برغم ان الاحداث كتير وكان المفروض انى اشارك معاكوا فيها لكن غصب عنى حقيقى وكنت هتجنن عليكوا والله بس معلش مكنتش عارفه اوصل لكوا

انا هطمن عليكى بس بعد ما ارد على نيفو برغم انك يا جميل قمت بالواجب ومفيش كلام يتقال بعد كلامك الرائع ده

انا عايزة اقول لك اولا يا نيفو حمدالله على سلامتك وعود احمد ياريت مش تغيبى عننا كتير كده ابقى طمنينا لو هتغيبى وقوليلنا علشان ما نقلقش على القمر

ثانيا يا نيفو عايزة اقول لك ان ده بيحصل لك علشان انتى ناجحه والانسان الناجح اللى له تأثير فى المجتمع اللى حواليه بيبقى محط غيرة وحقد من الناس ودى حاجه تسعدك ما تخليكيش تزعلى وبعدين الحمدلله ان حصلت حاجه كشفت واحده كانت ثقتك فيها مالهاش حدود والحمدلله ان ربنا كشفها لك قبل ما تندمجى معاها اكتر من كده وتشركيها فى حياتك الشخصيه
ومفيش داعى اقول لك ان اكيد كل واحده فينا مرت بتجربه زى دى .. وانا كمان انى كان ليا صدمــــــــــــــــــــــات فى حياتى :44: من اقرب اقرب الناس ومش صدمه واحده بس كل مرة بخرج من التجربه مش ندمانه على انى مكنتش حريصه ولا حتى على حسن ظنى بالناس لا بقول لنفسى انا كويسه لانى مش زى الناس دى انا احسن منهم انتى كمان لازم تفكرى كده يا نيفو ..

انتى عارفه يا نيفو انتى ليه مستغربه اوى اللى هى عملته ده لانك من جواكى طيبه وعمرك ما تقبلى ده على نفسك يعنى انتى احسن منها الف مرة كفايه انها قبلت على نفسها فلوس حرام و انتى كمان بتقولى انه مش مبلغ لكن هى عملت كده لانها حبت تحرمك من التقدير اللى انتى كان نفسك فيه واللى انتى تستحقيه.. هى اكيد بتقبض مبالغ اكتر من دى بكتير لكن هى قصدها تحرمك من احساس النجاح والتقدير وده معناه انها مش عاوزاكى تنحجى اكتر من كده ولا توصلى

انتى بقه ارمى ورا ظهرك وواظبى على نشاطك واوعى تفقدى الثقه فى نفسك ولا مستوى شغلك يقل لانك هتكونى عملتى لها اللى هى عايزاه لكن انتى كونى حذرة منها جدااااااا وتعاملك معاها فى اطار الشغل بس وهى طبعا عارفه اللى عملته ودايما ادعى قولى .. اللهم سخر لى قلب من احوجتنى اليه.. الدعاء ده حلو ومجرب بجد

ربنا يبعد عنك ضعاف النفوس ويبصرك بالحق دايما يا نيفو وانا سعيده ان انتى اشركتينا معاكى فى مشكلتك ده معناه انك حاسه اننا اخوات بجد .. وعايزاكى بقى تفرفشى كده وتروقى بالك ايه يعنى ياما دقت على الراس طبول هى دى يعنى اول مرة بلاش اكتئاب الله يخليكى الراجل ابو العيال ذنبه ايه يرجع من شغله يلاقى امنا الغوله قدامه شعرها منكوش الراجل كده يتخض ولو اتخض انتى المسؤله عن اللى هيحصل ..:hahaha: فكى بقه وريحى نفوخك انتى اصلا كفايه عليكى انك عرفتينا :35::39: ربنا يسعدك يا نيفو يارب و يأجرك خيرا :27:

سبحان الله يا رمال كأنك شايفاني 000 انت عندك كاميرا ولا ايه :cool:
و الله واحشاني جدا انت كمان انت كنتي فين يا بنتي كنت قلقانة عليكي بس مزاجي مش كان حلو خالص 000 المهم اننا رجعنا لتجمعنا تاني يا رب مانتفرق ابدا ابدا
طبعا مش عارفة اشكرك ازاي انت و كوكر 000 سبحان الله هو اللي بيرتبها و يدبرها من عنده 000 يعني امر بالظروف دي في الوقت دة بالذات علشان تقفوا جنبي و تخففوا عني 000 ربنا يخفف عنا كرب الدنيا و الآخرة يا رب
على فكرة انا دلوقتي في اجازة من 3 سنين ( علشان مسئولية البيت و الاولاد و مذاكرتهم ) و بحاول اجددها للمرة الرابعة و هو دة اللي خلاها تعتبرني مليش لزمة 000 طبعا ما هي الفايدة اللي من ورايا خلصت خلاص
اما عن ابو العيال فهو اللي كان بيتسلى على في الرايحة و الجاية و كل شوية يقول لي ( اما مات كلب المدير كل الناس مشيت وراه000 و اما مات المدير مفيش ولا كلب مشي وراه ) 000 شكله فرحان فى ولا ايه؟


المهم خلينا في الاهم اللي هو اهم من المهم اللي قبله 000 عارفاه ؟


قولولي اخبار جزء عم ايه ؟ وصلنا لحد فين ؟000 ان شاء الله نراجع سوا التفسير علشان يثبت 00 و اهو براجع مع كوكر التجويد بتفكرني بحاجات كتير كنت بدأت انساها من قعدة البيت
على فكرة سامنتا اخبارها ايه مختفية يا ريت يا سامنتا تدخلي علشان نقدر نكون جنبك 000 الوحدة و البعد مش ليهم لزوم و مش هاتعمل حاجة غير انها تزود الالم 000 يللا ارجعيلنا بسرعة
:33: بجد بجد بحبكم في الله :33: