يا خبر والله ما اقدر ابدا استغنى عنكوا انا اصلا ما اقدرش على بعدكوا حتى زوجى بدأ يغير تخيلوا بيغير منكوا :)

بس اللى منعنى عنكوا كان سببين اولهما انى سافرت البلد علشان نفطر مع جده زوجى وبعد ما رجعت دخلت اكتب لكوا بس النت عملتها معايا بعد ما كتبت كلام كتير النت وقفت ولله الحمد

السبب التانى ان كان فيه خلاف كبير بينى وبين زوجى للاسف .. سبحان الله كانوا اسوأ يومين عدوا علينا من يوم ما تزوجت بس الحمدلله فكت شويه لكن برده مش اوى وده كان مانعنى بجد عنكوا ومكنتش اصلا بدخل نت خالص

طبعا انا اسفه لان كان المفروض انى اشكركم على الكلام الطيب ده واحساسكوا اللى بجد وصل لقلبى لانه احساس صادق ومن قلبكوا وده فعلا انا متاكده منه بس والله كنت كاتبالكوا كلام كبير بس كله راح .. تصورا انا اصلا لما قلت لكوا على الخبر مكانش اى مخلوق يعرف انى حامل غير عيلتى وعيلت زوجى فقط ؟؟ّّ !! فعلا زوجى ليه حق يغير منكوا يا بنات
مش كده ولا ايه؟

وحشتونى اوى اوى كلكوا وجزاكم الله خيرا على الدعاء انا فعلا محتاجه للدعاء ده اوىىى بشده

السلام عليكم يابنات
مبروك:04: ل رمال وربنا يكملها حملها علي خير وعقبالنا جميعا

يا حبيبة قلبي يا رمال 000 اولا حمدا لله على سلامتك
ثانيا 000 عشان خاطر ربنا تخلي بالك من نفسك و تبعدي عن اي انفعالات قوية و نصيحة000 ابعدي ابعدي ابعدي عن النكد
معلش تغاضي و تناسي اي زعل بينك و بين جوزك عشان خاطر فستك فساتك ( مش قلتيلي ايه رأيك في الاسم ؟00 حلو و لا نفستكه؟)
بصي اعتبري اي حاجة تحصل اليومين دول ضريبة للفرحة اللي ربنا انعم عليكي بيها و دايما قولي لنفسك 000 معلش المهم ان ربنا جبر بخاطري و اكرمني 00 و والله والله هاتلاقي كل شىء بعد كدة يهون
و انا مش بقولك سيبي حقك لأ بس تحايلي ( تحيلي مش اتحايلي ) بهدوء و عقل لغاية ما تاخدي حقك تالت و متلت
يا بنتي الرجالة دول مفيش اغلب منهم زي الاطفال و الله الكلمة الحلوة بتغلبهم و مهما كان الخلاف كبير او صغير في النهاية له حل و زي ما بتقولي دي اول مرة تحصل و ان شاء الله هتكون آخر مرة و هتقولي نيفين قالت
و افتكري دايما حاجة مهمة جدا جدا جدا جدا جدا محدش لاقي جوز اليومين دول
يعني امسكي فيه بأيديكي و اسنانك مهما كان ( هو احنا لاقيين )
معلش طولت عليكي بس بأمنك امانة خلي بالك من نفسك و من نعمة ربنا اللي انعم عليكي بيها
و ان شاء الله اطمن عليكي و لو اني مش فاضية لحد يوم الخميس ( بعيد عنك عندي عزومة 30 فرد ) بس و لا يهمك الاهم فالمهم
ان شاء الله اسمع عنك كل خير و ربنا يسعدك و يهنيكي و يبعد عنك النكد و عيون الناس و يتم نعمته عليكي و علينا آمين يا رب العالمين

بنات ابشركم عملت المنظار ..وكل حاجه تمام

الحمد لله يا هنووف
ما شاء الله لا قوة الا بالله:icon28:
بس مش فاهمة 000 كل حاجة تمام يعني حامل و للا قصدك ايه ؟
على العموم الف مليون مبروك :icon28: لو حامل و ربنا يتم نعمته عليكي
و ربنا يرزقنا و اياكي الذرية الصالحة
اللهم آمين