حبيبتي سامنتا عملتي ايه طمنيني عليكي ؟
التحليل طلع ايه ؟
ان شاء الله خير
سمسمة يا حبيبتي ليه العياط و النكد ؟
طيب ممكن اسألك سؤال 000 هو انت بتعيطي عشان حاسة ان ربنا ظالمك 000 ساعتها افتكري (و ما كان ربك بظلام للعبيد)
ولو حاسة انك مش قادرة تستحملي اكتر من كدة 000 افتكري ان ربنا بيدينا الابتلاء على اد قدرتنا على التحمل بالمقاس كدة بالظبط
لو حاسة ان ربنا مش بيحبك 000 افتكري ابتلاءات الانبياء و طبعا محدش فينا احسن منهم و اكيد احنا عارفين ان ربنا بيحبهم اوي اوي اوي
لو معترضة على حكم ربنا 000 يبقى انت اللي مش بتحبي ربنا و مش فاهمة حكمته ( دة كل شيء بأمره هو اللي بيقول للشيء كن فيكون )
احنا مانملكش غير الدعاء ثم الدعاء ثم الدعاء 000 انت عارفة ان الابتلاء بيكون نازل من السما و الدعاء طالع من الارض فيتقابلوا و يتصارعوا حتى يأمر الله سبحانه و تعالى الابتلاء ان يصل الى الارض او يامر الدعاء فيصعد الى السماء
يا حبيبتي دة ربنا كريم اوي انت حاسة انه حارمك من حاجة بس هو بيعطي كل واحد فينا خقه 24 قيراط بس احنا اللي دايما بندور على اللي ناقصنا و بننسى نعمه علينا
عيشي حياتك و استمتعي بكل حاجة حلوة فيها و انسي النكد و العياط بلاش تضيعي حلاوة نعم ربنا عليكي
و خلي بالك الراجل ممكن يستحمل الست بس مش كتير و دة مش عيب فيه لأ هو ربنا خالقه كدة
و خلق الست الحضن الحنين اللي يستحمل و يصبر
و بعدين ليه تنكدي على مامتك يعني هى ذنبها ايه و للا هاتخليها تندم انها خلفتك بأة هههههههههههه
ارضي بقضاء الله و هو هيديكي حقك كله تالت و متلت ان شاء الله
بس الصبر الصبر الصبر

نيفو حبيبتي انا عملت التحليل من شوية وطلع نيجاتيف الحمد لله وانا في انتظار الهانم بس برضوا هادعي على اد ماقدر لعل وعسى التحليل يطلع غلط :)
وعلى فكرة يا بنات انا حصل معايا موقف سبحان الله حسسني اد ايه ربنا بيختار لنا كل حاجة لحكمة يعلمها عنده، انا متجوزة بقالي سنتين و 5 أيام (شوفتوا الدقة) و و من قبل ما اتجوز وبابا عنده سرطان في الرئة وانا اصلا بنت وحيدة على ولدين وانا كنت اقرب واحدة لبابا الله يرحمه بحكم طبيعة شغل اخواتي . المهم كنت انا اللي معاه في كل خطوات العلاج (على فكرة بابا أول ما أكتشفنا المرض دة دكتور قالي ماحدش بيجيلوا في الحتة دي بالذات في الرئة وبيعيش أكتر من 6 شهور ويشاء ربنا أن بابا يعيش 3 سنين ويجوزني فيهم ويفرح باولاد اخواتي يعني طظ في كلا الدكاترة مهما قالوا اللي رايده ربنا يكون ) نرجع للي حصل معايا بعد ما فات سنة من جوازي كنت منكدة على نفسي من حكاية الحمل وربنا شاء أنه يحطني في موقف أقول فيه الحمد والشكر ليك يااارب اني مش حامل ولا عندي اولاد (ايه هو الموقف) كنت مع بابا بيعمل مسح ذري والمكان دة كنت سامعة ان ممنوع تواجد اي حامل فيه او اطفال وان ممنوع بابا يقرب من اطفال فقلت اسال الممرضة هو ممنوع الحامل تقف هنا لقيتها اتسرعت وقالتلي اوعي تكوني حامل فحسيت اد ايه ربنا كريم ( لو انا كنت حامل أو عندي اولاد وكنت قصرت مع بابا كنت هبقى حسه ازاي فالحمد لله)
لو كل واحدة فينا تركز شويتين مع نفسها هتلاقي ان اكيد مش دة الوقت المناسب للاطفال وان إن شاء الله ربنا هيرزقنا في الوقت المناسب
بيني وبينكم انا كنت متوقعة ان ربنا هيكرمني الشهر دة علشان يفرح قلبي انا و ماما ويهون علينا فراق بابا بس اكيد ليه حكمة تانية انا لسة ماعرفهاش
فسمسمة حبيبتي خليكي واثقة ان ربنا ان شاء الله هيرزقنا
معلش طولت عليكوا بس الكلام دة ليكوا وليه :)

حبيبتي سامنتا اوعي تزعلي نفسك و الله الفرج قريب 000 يا بنتي دة ربنا بيحبنا اوي علشان عاوز يسمع صوت دعانا
و زي ما قلت لسمسمة هو بيجيب دعانا و بيعوضنا في حاجات تانية
طيب عارفة حاجة انا آخر مرة كنت عند الدكتور قررت اني مش هروح تاني
و قعدت بيني و بين ربنا و بين نفسي اكلم ربنا 000قلت يا رب انت حكمك فينا كتير و احنا لا نعلم منها الا القليل اكيد ربنا شايف اني لسة مش جاهزة ليه اقلق نفسي بالعمر اللي بيجري دة كل شيء بميعاد لا يعلمه الا الله و لا يمكن نقدمه و لا نؤخره
و حاجة كمان استوعبتها ان اولادي اكيد ربنا مش عاوزني انشغل عنهم و اني اكيد لسة عندي حاجات اعوضهم بيها
و بدل ما انكد على نفسي قررت اني اطلع كل طاقتي من حب و حنان و احساس ام كامل مع اولادي و قلت لنفسي اكيد ربنا هايديني الحب و الطاقة اللي تكفي 12 طفل مش تلاتة و الحمد لله ربنا انعم على باحساس الرضا و مش بقول غير يا رب ديمها على نعمة و احفظها من الزوال و ابعد عني شياطيين الانس اللي موراهومش حاجة غير انهم ينغصوا علينا حياتنا
و بعدين يا بنتي ندلع لنا يومين حد لاقي

رماااااااااال كدة بجد في حاجة انا مش مطمنة و الله يا حبيبتي لو اعرف ايميلك او رقم تليفونك كنت اطمنت عليكي:06:
ارجوكي ارجوكي ارجوكي طمنينا عليكي

نيفو مشاء الله عليكي كلامك ريحني اوي انا مؤمنه وعارفه ان ربي له حكمه في ذلك بس مش عارفه احساسي اني ابقي ام مخليني هجنن عمري ماتخيلت اني لما اجوز ابقي هموت واخلف كده وكمان انا البنت الكبيره لماما وحسه ان ماما نفسها تفرح بولادي بس ربنا اكيد فرجه قريب سامنتا متزعليش ربنا هيعوضك ويمكن التحليل يكون غلط