الحمد لله يا بنات الهانم شرفت النهاردة بس الرخمة جت قبل الفطار ب 10 دقايق ( كأنها بطلعلى لسانها:p) يلا مش مهم هعوضوا ان شاء الله

نيفو يلا فكري في اكلة حلوة جديدة على ذوقك واعزمينا عليها في التجمع (وقوليلنا مقاديرها والطريقة)

هيميش حلو اوي دعائك" ربنا يكفينا شر انفسنا"

سمسمة مش عايزين اختفاءات إلا لو هتيجي تبشرينا بحاجة حلوة ياااارب :)

بنات اوعوا تكونوا بطلتوا تدعوا للكل وقت اذان افجر واذان المغرب

وحشتوني والله انا حبيتكم اوي بس انا مش صغيره يانيفو انا عندي 24 سنه صغيره هههههههههههه انا معاكم مختفتش ولا حاجه بس انت بيفصل عندي كتير عايزه اقولكم علي حاجه انا في انتظار الدوره بس معرفش هيا هتجي انتي لان ملهاش يوم محدد ادعولي وعايزه احكيلكم علي حاجه غريبه انا كنت عند حماتي ولقيت ست من بتوع العرب عارفنها بتجي تاخد الزكاه سالتني انت حامل قولتلها لاء قالت انتي اكيد مكبوسه معرفشي يعني ايه مكبوسه دي قالت انها بتعمل وصفه عشان تشيل الكبسه دي هههههههههههههه انا هعملها ليكي انا رفضت بس ست جوزي ست كبيره وماادراكم والستات الكبير المهم قالتلي انتي قلقانه ليه انا هعملك ميه تشطفي بيها لو جت الدوره انتو عارفين وصفات العرب لقتها طلعت عقد عباره عن خرز وحطتها في الميه وقالت اشطفي منه بس وجوزي قالي ارمي الميه دي ايه التخاريف دي بس ختها معايا الشقه عشان حماتي متزعلش هاااااااااااااا ايه رايكم في الحكايه دي

السلام عليكم و رحمة الله و بركاته
ازيكوا يا بنات وحشتوني اوي اوي اوي اوي
سامنتا حبيبتي 000 و حشتيني جدا انا مستعدة لأي اكلة تطلبوها مني بس انتوا المسؤلين عن اللي هيحصل :11retcher كل اكلاتي مكتوب على ظهر العلبة ( احذر هذا الطعام فهو مضر جدا براغبي الرشاقة ) هههههااااااااااى آل رشاقة آل :hahaha:
سمسومة 000 حبيبتي لأ دة واضح اني اختك الكبيرة بجد انا عندي 35 سنة يعني المفروض تقوليلي يا أبيه نييفوو
المهم انت بتتكلمي جد في الموضوع اللي قلتيه دة و لاّ بتهزري ؟
انا معرفش غير الكبسة السعودي 000 يا حبيبتي انا بصراحة مش بفهم الكلام دة بس اللي اعرفه حاجة واحدة ان الخرافات و الكلام دة هو الطريق اللي مش لازم حتى نفكر نحط رجلينا على اوله
و بعدين اعقليها هي الست دي زي ما بيقولوا من ذوي العلم يعني ايش فهمها في الحاجات دي دة ربنا قالنا ناخد بالاسباب
دة احنا يا حبيبتي اما بنسمع عن خلطة اعشاب و الله العظيم انا بقالي 3 شهور عاملة بحث عنها و على الرغم انا اطمنت بس برضه خايفة ( هقولك عليها اللي هي العسل مع طلح النخيل و حبوب اللقاح يتعجنوا و يتعملوا تحميلة كل يوم لمدة شهرين ما عدا ايام الدورة طبعا )
و بعدين هو مش جوزك قالك لأ000 يعني لازم تسمعي كلام جوزك احنا مالنا و مال امه
ساعة ما يحصل حاجة مش هانلاقيهاو احنا اصلا متلصمين و مش ناقصين عك
انت قلتي ان جوزك مسافر على العيد صح 000 طيب انا مش عارفة انت ماشية مع دكتور و لاّ ايه 000 عشان لو ماشية مع دكتور اكيد بالادوية هيعرف ميعاد نزولها
بصي نفوخي وجعني انا سايباها على الله و مرحتش للدكتور من 3 شهور و هي مجاتش من شهرين 000 و الله والله والله يا بنتي ما فكرت فيها حتى عشت حياتي و مقضياااااها ع الآخر يا بنتي استمتعي بالكام يوم اللي جوزك موجود فيهم و سيبك من وجع القلب
لا مية و لا ست عربية ولا اتوبيس اسمعي كلامي000 دكاترة بس و لو خلطة اعشاب ملهاش آثار جانبية ماشي انما الكلام التاني لأ لأ لأ
مفهووووووووووووم:024:

نيفو ابيه ايه يابنتي ده انتي لسه في عز شبابك ويسعدني اني يكون لي اخت عاقله زيك ايوة حكايه الست دي بجد انا حبيت احكيلكم عنها اه جوزي مسافر باذن الله 8-10 وكنت متابعه مع دكتور وانا معنديش اي حاجه علي كلام الدكتور وجوزي كمان الحمد لله بس كان في دكتور قالي اني عندي تكيس مبايض روحت لواحد تاني قالي معندكيش اي حاجه فزهقت ومروحتش تاني وسايابها علي الله ربنا يكرمنا بكرمه يارب وادعيلي ربنا يهدينا انا وجوزي لاننا دايما نتخانق علي اسباب تافهه اوي والشهر اللي فات الدكتور كان اديني منشطات ومحصلش نصيب دلوقتي بفكر اجيب اختبار حمل مش عارفه ليه نفسي اعمله وماما بتقولي متقطعيش وسيبها للنصيب

مامتك عندها حق بلش تقاطعي و نصيحة روحي لدكتور تالت عشلن يكون رأيه هو الفيصل
بس ابقي روحي بعد ما جوزك يسافر
و عن المشاكل اللي بينكو دي حاجة طبيعية في اول سنة جواز000 بصي هو لو بيسافر و ييجي فترة قصيرة خليكي استحمليه و تعالي على نفسك شوية و اعتبري الفترة دي شهر عسل من اول و جديد
لااااااااااااااااااااااااااه انت محتاجة نصايح كتير اوي ( تدفعي كام )