يابنات انا قريبا بنزل علي مصر لعمل حقن مجهري
افيدوني بافضل الدكاترة المجربة للحقن المجهري بالقاهرة ودكاترة امراض الذكورة ايضا
ولا تقولوا ابو الغار لاني اتعقدت منه ومن الزحمة
في بنات نصحوني بدكتور حسام زكي
وهل احد جربه
وافوني بالاخبار الله يرزقني ويرزقكم الذرية الصالحة
يابنات انا قريبا بنزل علي مصر لعمل حقن مجهري
افيدوني بافضل الدكاترة المجربة للحقن المجهري...
ميرسي مميزات على الموضوع وياريت تقبلوني معاكو في التجمع، أنا مصرية من القاهرة ولي سنتين إلا شهر متجوزة ولم يحدث حمل حتى الأن، وعملت تحاليل الهرمونات وحسب كلام الدكاترة اللي روحتلهم انها كويسة وكان فاضلي أشعة الصبغة وماقلوكوش كم الخوف اللي كان عندي منها من كتر ما قريت عنها في المنتدى جالي خوف هستيري وفضلت مأجلها لحد ماستجمعت شجاعتي وقلت لازم أعملها واتصلت بمراكز الاشعة كنت عايزة دكتورة اللي تعملهالي والحمد لله لقيت ان فيه منهم بيعملها ببنج فعملتها ببنج وماحسيتش بحاجة "اللي تخاف منه ما يجيش احسن منه :)" والحمد لله طلعت سليمة.
بس أنا قريت حالة رمال ان البروجستيرون 8.9 والدكتور قالها تبويض ضعيف ولازم منشطات وانا البرجستيرون بتاعي 7.6 بس بيطلع عندي بويضات حلوة !!
سؤالي لرمال انت في متابعة السونار التبويض كان كويس ؟؟ وحجم البويضات كان كام؟
وسؤال مميزات هي دكتور رجاء دي عيادتها فين؟
سوري على الإطالة يا بنات بس ما صدقت اتكلم :)
يااااااااااااااااارب يرزوقنا جميعا بالذرية الصالحة عن قريب يااااااارب