ملكة الصعيد
ملكة الصعيد
السلام عليكم يا بنات حواء
هدير ..... الف الف مبرررررررررروك وربنا يتمملك الحمل على خير ويرزقك بالذريه الصالحه ان شاء الله وخلى بالك من نفسك ؟
رمال ............. الف سلامه على جوزك ربنا يشفيهولك ويخليهولك آمين يارب العالمين وابقى طمنينا
نيفووووووو .. ... يا سكر ليه زعلانه كده يا ستى انتى ما كنتيش عارفه ان الدواء فيه مشتق من الخنزير والحمد لله انك عرفتى فى الوقت المناسب وربنا يغفر لينا جميعا وشكرا لرمال انها قالتلنا على اسم الدواء ربنا يبارك فيها
غاده بالنسبه للختبار ما بعد الجماع هو بصراحه عمليه مقرفه ومخجله جدا بس مش مؤلم خالص خالص انا عملته وما تعبتش فيه والحمد لله اعمليه واتكلى على الله عشان الدكتور يعرف هل الحيوانات المنويه بتدخل الرحم ولا لا وكمان يعرف شكل الحيونات المنويه وحركتها وسرعتها ... ما تقلقيش مش هتحسى بحاجه وابقى طمنينى
بيرو .... انا عملت كمان الاشعه بالصبغه وهتحسى بالم خفيف خالص كان البيريود عندك بالظبط واعمليها وماتكسليش عشان تطمنى على المبايض والانابيب وان شاء الله تطمنينى
مميزات ربنا يتمملك الحمل على خير وما تلقيش على البيبى من الكمبيوتر وبرده اسالى الدكتور
كوكر وسامنتا وهيميش والداعيه الى الله ومدام يوسف وهبه وغاده يارب نسمع اخبار كويسه عنكم
happy mother اهلا بيكى فى التجمع ده وان شاء الله يكون وشه حلو عليكى
ام HAMAD
ام HAMAD
ليه هالعنصريه دي؟؟؟؟؟؟؟؟؟؟ لكل مصريه والباقي مالهم
بيرو3
بيرو3
السلام عليكم ورحمة الله وبركاته
:icon28::icon28::icon28::icon28::icon28::icon28:مليوووووووووووووووووووووووون مبرووووووووووووووووووك لهدير ويارب يتمم حملك على خير ويرزقك بولادة متيسرة وطفل زى القمر يارب ويفرحك بيه قادر ياكريم ولازم تطلعى اى حاجه لله عشان زى ما بنعرف ربنا فى الشده لازم برضه نعرفه بعد ما ينعم علينا بالرزق وربنا يفرح قلبك كمان وكمان يارب اللهم امين
ازيكم جميعا انا بجد مبسوطه اوى اوى بصحبتكم ربنا يرزقنا جميعا الذريه الصالحه يارب كله بامر الله وحده والدكاترة مجرد سبب وربنا كريم ومفيش احن منه الحمد لله على كل حال
رب هب لى من لدنك ذريه طيبة انك سميع الدعاء امين امين امين
انا عاوزة اتقل عليكم واسالكم اللى عملت اشعه بالصبغه عملتها فين واتكلفت كام وهل الواحده بتقدر تروح البيت عادى بعدها ولا لازم ترتاح فى المستشفى او فى مكان الاشعه
وشكرا ليكم كلكم
Neevooo
Neevooo
السلام عليكم و رحمة الله و بركاته
ازيكوا يا بنات
وحشتوني اوي اوي اوي من امبارح000 معلش انا كانت نفسيتي وحشة اوي اما عرفت اسم الدوا و كتبت المشاركة في ساعتها المهم انا فكرت و ربنا يغفرلي جهلي
بيرو 000 انا يا ستي متابعة مع دكتور مدحت من فترة و هو اللي بيعمل السونار بنفسه بس مش بيبص خااااالص
غادة 000 ربنا معاكي و ان شاء الله يهون عليكي الاختبار ويعدي على خير 000 ابقي طمنينا عليكي و قوليلنا عملتي ايه ؟
لوكة 000 وحشتيني اوي عاملة ايه انت و موري و رورو ان شاء الله كله تمام التمام
هوبة 000 ايه اخبارك ؟ 000 حجزتي عند د / رجاء و لا لسة ؟ 000 ربنا معاكي يا حبيبتي و ان شاء الله نطمن عليكي
ديرو 000 لولولولولولولولولولولولولوي000الف مليون مبروك يا حبيبة قلبيو ربنا يتمم حملك على خير 000 حضرتك بقيتي ام كباكا
عشان هو عمل كربكة جامدة عشان ييجي000هههههههههههه
سمسومة 000 طمنيني عليكي عاملة ايه ؟ 000 عقبالك زي ديرو كدة ان شاء الله
على فكرة انا اول واحدة باركتلها
هاهاهاهاهاهاهاى
happy mother
اهلا بيكي معانا و ان شاء الله وشنا حلو عليكي و يتمم عملية الحقن على خير و يرزقك بالذرية الصالحة ان شاء الله
المهم خليكي معانا و اوعي اوعي اوعي تختفي 000 اديكي شوفتي الحمد لله رب العالمين 3 من اتجمع حملوا و البقية تأتي
عاجلا غير آجلا بإذن الرحمن
هيميش يا حبيبة قلب قلبي 0000 والله وحشتيني موووووت 000 طمنيني كيمو اخباره ايه ؟000 اخد ايه في المدرسة و؟000بالظبط و التفصيل غير الممل 000 اوعي تطنشي انت عارفة كيمو غاااالي على و عاوزة اعرف كللللل حاجة
مميزات000 ربنا يكرمك و يسعدك و يهنيكي و يرضيكي و يبارك في كلاوس
و الله بدعيلك كل ما حد جديد يدخل معانا ربنا يجزيكي خير على تجميعنا و احنا في انتظار رجوعك بفارغ الصبر
ام حماد 000 لأ طبعا يا قمر لا عنصرية و لا حاجة اهلا بيكي و بأي اخت من اي مكان 000 و تحيا الامة العربية
المهم اننا بيجمعنا لغة واحدة و دين واحد و اما تبقي معانا هتلاقي بيجمعنا قلب و حب واحدو في مشاكلنا بيجمعنا حضن دافي واحد
مدام يوسف 000 ربنا يكرمك يا حبيبتي 000 طمنيني اخبار التعب اللي عندك ايه ؟لسة عندك مغص و لا خلاااااص ؟
اما عن حماتك انا مش عاوزاكي تشيلي في نفسك و عاهدي نفسك انك قبل ما تنامي لازم لازم لازم تسامحي كل الناس اللي زعلوكي و اقسم لك بالله انه مش هيكون في لا ألم نفسي و لا جسدي بأمر الله
عن تجربة 000 بصي انا هقولك حاجة مش كنت حابة احكيها لكن هقولهالكوا انا زي هيميش كدة في بيت عيلة و بطبق نظام خليك في حالك ترتاح و تتهنى بحالك000 بس دة بأة مش عاجب حماتي 000بس عادي كل واحد حر في حياته
و في اول رمضان حصل موقف بيني و بينها و ظلمتني ظلم شديد لا يعلمه الا الله في حاجات تخص الولاد 000 و انا و الحمد لله بشهادة الناس و هي كمان مؤدبة و معرفتش ارد عليها و لا اغلطها لأنها امي فعلا انا مش بعتبرها حماتي و زي ما قلتلك كفاية انها ام حبيبي
المهم طلعت شقتي و قلت انا مسامحاها و يا رب قدرني انسى لكن عقلي الباطن رفض ينسى و نمت صحيت تاني يوم مش بتكلم خاااااالص لأن جاتني حالة ( صدمة عصبية )اعراضها نفس اعراض الجلطة دة غير ان ضغطي ارتفع 180/130 و اثر على جهاز النطق و كنت مهددة بفقدان النطق تماما لولا ستر ربنا و ان جوزي ربنا يخليه عنده فكرة عن الطواريء و الاسعافات دي
انا بقيت كويسة الحمد لله و بتكلم كويس ما عدا اللام و الراء داخلين على بعض و مش راضيين يفكوا
و عليها قررت و بدعي ربنا يساعني انسى اي حاجة تضايقني او تزعلني و اما بتقولي حاجة بتشجع و أرد عليها بأدب طبعا و مجرد ما اطلع بيتي بفكر في اي حاجة هي عملتها كويسة و اتناسى اي حاجة تانية
انا عارفة طولت عليكوا بس مش عاوزة اي حاجة وحشة تحصل لأي واحدة فيكوا لأني بحبكم كلكوا في الله
ربنا يعافينا و يرزقنا الذرية الصالحة و يصلح احوالنا و يرضينا و يراضينا بمره
لا اله الا هو
Neevooo
Neevooo
بيرو 000 انا معملتش الصبغة بس لو رجعتي لمشاركاتنا القديمة هتلاقي سامنتا عملتها و هي كانت خايفة منها اوي بس الحمد لله طلعت بسيطة و اخدت بنج و مش حست بحاجة و اعتقد هي قالت 170 جنيه
انا بصراحة مش متأكدة و مش فاكرة هي كانت عاملاها فين ؟
معلش انت ارجعي لأول الموضوع هتعرفي تفاصيل اكتر
و ربنا معاكي 00 طمنينا عليكي ؟
لا اله الا الله