السلام عليكم ورحمه الله وبركاته
The happy mother حبيبتى والله احنا بنسأل عليكى لاننا فعلا عارفين انك لوحدك ومش عايزينك تحسى بالوحده دى علشان كده كلنا على طول فاكرينك .. انا بخير اطمنى عليا يا حبيبتى ومقبوله منك ام سحلول يا ستى عقبال ما نقول لك يا ام جلامبو :32: متزعليش انا بهزر معاكى يا قمر وتسلميلى يا حبيبتى على سؤالك عنى يارب يديم المحبه بيننا وابقى برده طمنينا عليكى كل ماتلاقى الكمبيوتر قدامك صبج او ليل
الداعيه الى الله ... بصى يا حبيبتى انا مش عندى خبرة جامده فى موضوع التلقيج الصناعى لكن انا هقول لك اللى اعرفه مؤقتا لحد ما اسأل اكتر وارد عليكى تانى.. وبرده البنات هنا اكيد معانا هيردوا عليكى ..
بصى يا ستى فى مركز كويس اوى اسمه جنين بتاع دكتور اسمه حسام زكى والراجل ده انا اضمن لك انه راجل شاطر جدااااا ومتمكن فى موضوع علاج تأخر الانجاب وهو اللى هيقل لك انتى محتاجه ايه وده مركز كبير جدا و اختى وزوجه اخويا جربوه و اتعالجوا عنده ماشاء الله اختى ربنا رزقها ربنا ببنت والنونو التانى جاى فى السكه اهه وزوجه اخويا ربنا رزقها بتوأم ... وكمان ميزة المركز ده ان فيه ممرضات ودكاترة ستات كتييييييير وبيكونوا موجودين على طول ما تقلقيش من الموضوع ده وكمان انتى وزوجك هتكشفوا هناك وتعرفوا حالتكوا انتوا الاتنين مع بعض بدل ما تروحى لحد وهو يروح لحد تانى .. المكان ده ليكوا انتوا الاتنين فا هيوفر عليكى وقت كتييير خصوصا ان وقتك قليل .. بصى العنوان اهه مركز جنين .. كورنيش المعادى .. بجوار مستشفى النيل بدراوى .. رقم التليفون 0020225242321 .. بيفتح من الشاعه 8 الصبح لحد الساعه 10 بالليل.
ده اول مكان والتانى هو طبعا المركز المصرى بتاع الدكتور ابو الغار وناس كتييييييير شكروا فيه جدا والعنوان .. المركز المصرى لاطفال الانابيب 3ش161 حدائق المعادى خلف مستشفى القوات المسلحة - المعادى .. تليفون : 5254944
وده طبعا على قد معلوماتى ولو فى اى خطأ فى البيانات يا ريت البنات يصلحوا لى ..وبرده انا عشان اكون صريحه معاكى مركز ابو الفار بيقولوا ان الدكتور ابو الغار ما بقاش يشتغل بنفسه لكن اللى راح هناك قال ان فى دكتور تانى هو اللى بيشتغل .
بس فى ملحوظة يا داعيه انتى قلتى انك مش فيكى حاجه والحمدلله ما عندكيش مشاكل وان المشكله هى مشكله زوجك بس .. طيب انتوا جربتوا زوجك يتعالج قبل ما تعملوا تلقيح ؟ وهل الدكاترة قالوا لك ان التلقيح هو الحل الوحيد ولا انتوا اللى قررتوا من نفسكوا تعملوة؟ عموما لما تروحى تكشفى هنا سيبى نفسك للدكتور وربنا يقدر لكوا الخير يارب اكون افدتك يا داعيه وبرده انا هفضل اسأل لك تانى وهقول لك ..
بيرووووو .. يا حبيبتى طالما مفيش حد من الدكاترة طلب منك ليه تعملى الاشعه ما يمكن الدكاترة عارفين ان المشكله فى حاجه تانيه وعلشان كده محدش طلبها منك ؟؟ ليه بتدورى على تعب القلب بايدك يا بنتى سيبيها على الله وبلاش تاخدى قرارات من نفسك لان ده غلط وبعدين انتى لما نفسيتك تتعب المفروض يا حبيبتى تقومى تتوضى وتستعيذى بالله من الشيطان الرجيم وتصلى ركعتين وتطلبى من ربنا كل اللى تتمنيه وشوفى دكتور كويس روحى له ساعتها هتبقى عملتى اللى عليكى وريحتى نفسك .. انا عارفه ان الواحده احيانا بتزهق من العلاج والدكاترة وكل حاجه بس بلاش تخلى الحاله دى تتملكك لانك فى الاخر انتى اللى هتتعبى ومش هينوبك غير تعب اعصابك ووقت راح عليكى وضاع منك كان ممكن تعملى فيه حاجه مفيده لنفسك.... ربنا يكرمك ويهديلك نفسك يا بيروووو
السلام عليكم ورحمه الله وبركاته
The happy mother حبيبتى والله احنا بنسأل عليكى لاننا فعلا...
والشهر التالى كررت نفس العلاج لكن عند متابعه التوبيض لم يكن هناك استجابه للعلاج واعطتنى حقنيتين fsh وبرضه للاسف كانت بويضه فقط اللى حجمها مناسب وقالتلى ان البويضه تحررت من نفسها ومش محتاجه اخد حقن تفجيريه وبرضه محصلش حمل
هل ممكن يكون السبب انسداد فى الانابيب مع العلم انى لم اعمل اشعه بالصبغه على الانابيب