نرجو من البنات عدم وضع اي ردود فيها استفسارت او اسئلة او شكر او للرفع
وان وجدة فنرجو ان تكتب في موضوع تجمع بنات امريكا وهذا هو الرابط
http://forum.hawaaworld.com/showthread.php?t=807909
وشكرا للغالية شذوو على هذا المجهود
مشرفات القسم
هذا الموضوع عباره عن فهرس لأكثر الاستفسارات اللي تكررت من مغتربات امريكا
والمعلومات الموجوده هنا بعضها من اجتهادي الشخصي وبعضها من ردود البنات في تجمع بنات امريكا والشكر لكل من ردت وكتبت معلومه تفيدنا .
•·.·´¯`·.·• (الأستعداد للسفر الى امريكا) •·.·´¯`·.·•
1- الاشياء اللي تحضرينها معك
بهارات طبخ - قهوه - هيل -زعفران
ابريق حق تفويح القهوه-ترامس وحده شاي وحده قهوه او طقم.
مبخره كهربائيه او عاديه- فحم سريع الاشتعال من (العربيه للعود )
جريش
تمر
حافظات اكل
فناجيل قهوه وشاي
سفر بلاستيك
بلامات حقات الرز
قدور معدن(لان هنا موجود ستيل او تيفال)
صياني قهوه وشاهي
القران الكريم - سجادة صلاة- ساعة الفجر للاذآن
حجابات
عبايات ملونه
ملابس عزايم خفيفه للعيد او الاجتماعات
جلابيات
تعليقات ذهب ناعمه
افياش كهرباء امريكيه
شاحن جوال
كيبورد عربي
بجامات قطنيه داخليه
سجاد وشراشف صلاة
حلاوة ازالة الشعر
كريم جلسوليد الاحمر
حبوب منع الحمل اللي متعوده عليها
اوراقكم الرسميه
شهادتك مترجمه اذا كنتي ناويه تدرسين
قصص اطفال باللغه العربيه
اشرطة اناشيد او محاضرات دينيه
**-تنبيهــــــــــــــــــــات-**
الاحتياجات تختلف من مدينه لمدينه بعضها يوجد فيها بقالات عربيه ومتوفر فيها اغلب الاشياء وبعضها لا عشان كذا شيكي عن المدينه اللي راح تجينها.
البهارات والاشياء اللي زيها يفضل انك تحطينها في كيس ثم في علب بلاستيك عشان ماتنفك
اكتبي اسماء البهارات والهيل وغيرها بالانجليزي على استكارات ولزقيها عشان وقت التفتيش يسهل معرفتها
خط الكهرباء في امريكا 110 فانتبهي لو كنتي راح تجيبين معاك ادوات كهربائيه لازم تكون 110
الافضل شحن أغراضك عن طريق شركات الشحن عشان ماتزعجك في التنقل والتفتيش في المطار
2- الشحــــــــــــــــــــــن الى امريكا
أشهر شركات الشحن (الطيار)و(المؤيد) الكيلو ب10او11ريال وتغليفهم ممتاز وتوصلك سليمه ان شاء الله لكن عيبها الوحيد انها ما توصل الاغراض الى باب بيتك توصلها الى اقرب مطار دولي لمدينتك.
وانتبهو اول ماتوصل الاغراض المطار لازم تجيبونها على طول لان كل يوم تاخير ياخذون المطار عليها ضريبه.
فيه شحن يوصل الى باب بيتك مثل( دي اتش ال) و(فيدكس) و(البريد السعودي الممتاز) لكنها غاليه ولا يسمحون تجاوز وزن محدد.
3-موقع مهم يبين لك المراكز الاسلاميه والمحلات العربيه في مدينتك
http://www.islamicfinder.org/
يتبــــــــــــــــــــــــــــــــــــــع.................
•·.·´¯`·.·• (الأجازات والأعياد الرسميه في أمريكا) •·.·´¯`·.·•
http://www.opm.gov/Operating_Status_Schedules/fedhol/Index.asp
•·.·´¯`·.·• (السياحه في أمريكــــــــــا) •·.·´¯`·.·•
•·.·´¯`·.·• (كاليفورنـــــــــــــــــــــــــيا) •·.·´¯`·.·•
سان دييغو San Diego
اشهر الاماكن
Sea World
فيه عروض مائيه للدلافين والحيتان والعاب مائيه مرره ممتع.
ZOO
اكبر حديقة حيوان بالعالم الظاهر ! تعتبر من معالم سان دييقو.
منطقه اسمها prospect
على المحيط مرتفعه شوي وفيها مطاعم مرره حلوووه وكوفي شوبز وفيه مكان تفرشون فيه سجادتكم وتتقهوون وتستمتعون بالمنظر لاتفوتونها
Fashion valley mall
محلاته حلوه وراقي ومنطقة المطاعم رايقه
الداون تاون
فيه مطعم هندي اسمه MASAL اكله لذيذ وفخم مره
لوس انجلوس Los Angeles
سانتا مونيكا
من ارقى مناطق لوس انجلوس.
الثيرد ستريت بسانتا مونيكا مرره حلو شارع وسيع للمشاة وعلى الجانبين محلات ومطاعم وسينما طبعا من اشهر الاماكن بلوس انجلوس.
يونيفرسال ستوديو
فيهامدينتين مدينة العاب ومدينة تصوير الافلام وكلها رووعه.
هوليوود
وفيها الجبل الشهير وشارع المشاهيراللي فيه طبعات ايدينهم على الارض.
بفرلي هيلز
اماكن سكن اشهر الممثلين والممثلات.
دزني لاند
غنيه عن التعريف وطبعا فيها فنادق تقدرين تسكنون فيهاوتدورونها كلها.
The Grove Shopping Mall
مول مرره حلو وفخم.
سبيكتروم
مول كبير وحلو موجود بـ( أرفاين)
سان فرانسسكو San Francisco
اهم الاماكن :
الداون تاون
مرره حلوو ويوسع الصدر
يونيون سكوير
مكان التسووق في سان فرانسيسكو روعه .
جسر البوابه الذهبيه
من اشهر الاماكن في امريكا حلو منظره بالليل والنهار وتدخلونه برسوم بسيطه .
جزيرة سجن الكتراز
(من اشهر السجون بامريكا قديما بس اللحين تاركينه مزار للسياح) تروحون بقارب للجزيره اللي فيها السجن وياخذونكم بجوله هناك على السجن حلو تشوفين العنابر وغرف الطعام وغرف الحراسه .
بيير39 (رصيف):
هذا رووعه مررره خيال ومن اكثر الاماكن شهره بسان فرانسيسكو.
فيشر مان وورف :
هذا جنب رصيف 39 حلو وفيه متاحف ومطاعم ومحلات.
(التوين بيكس)
هذي زي الهضبه ترقين لها وتشوفين سان فرانسيسكو كلها من فووق مرره حلو المنظر بس حاولو تروحون لها بيوم مشمس عشان تشوفون المدينه بشكل واضح.
لمبارد ستريت
هذا شارع متعرج زي الثعبان مرره غريب .
ملاهي سكس فلاق
مدينة ملاهي ضخمه موجوده قريب من سان فرانسيسكو
سان فرانسيسكو ZOO
حديقة حيوان.
ميترويون مول
تسوق وسينما ومطاعم
غابة (ريد وود)
اذا كنتو تحبون هالاشياء فيها شجر ضخمه مرره.
يوسمتي ناشونال باركYosemite Park
تعتبر محميه طبيعيه وتعيش فيها عدة انواع من الحيوانات اشهرها الدب الاسودالكاليفورني تتساقط عليها الثلوج في الشتاء
تبعد عن لوس انجلوس 6 ساعات وعن سان فرانسيسكو4 ساعات وتقع على الحدود الشرقيه لولالية كاليفورنيا
وفيها جميع الخدمات ومنها الفنادق والمحلات والمتاحف والمطاعم وعياده طبيه.
وتنقسم الى
منطقة المرتفعات
ومنطقة المنخفضه(الفالي )
ومنطقة شلالات وانهار
ومنطقة تخييم ورحلات
وفي الشتاء فيه منطقة تزلج.
البارك باختصار رووعه جداا
طبعا مفتوحه طوال السنه اللي يبغى الثلوج يروح لها بالشتاء
واللي يبي الطبيعه يروح لها بالربيع والصيف.
يتبــــــــــــــــــــــع..................