خبر سار : خبز صاج بعجينة هند

اليوم يا حلوات سويت خلية نحل بعجينة هند كالعاده

ولاني ناويه اسوي خبز صاج حق كشتات البر قلت اجرب بالعجينه نفسها يمكن يضبط الصاج

المهم شبيت فحم بالحديقه وحطيت صينية الصاج ورقيت العجينة على شكل خبز

دهنت الصينيه بزيت وحطيت العجينه و لما قلبتها حطيت حلوم مبشور و طماط وزعتر
وطلعت واااااااااااااااو خبز صاج طري و لذيذ و الاهل قالوا كل يوم بنيي نتعشى عندكم وطلبوا الصاج حق عشا الكشته الاسبوع الياي

انصحكم بتجربتها والله لذيذه وتقدرين طبعا تسوين الصاج على الغاز مو شرط الفحم

ولو عندي كاميرا جان صورتلكم بس ياريت اللي تجربها تحط لنا صوره