جربي طريقتي

خذي ثلاث بيضات
وكاس عصير برتقال
ونصف كاس زيت
كاس سكر

أخفقيها المقادير السابقة في الخلاط الكأس خفق لمدة خمس دقائق متواصل

وضعي في زبدية
كاسين دقيق
ربع الملعقة مبشور البرتقال
وملعقتين صغيرة بكنج بورد

صبي الخليط الذي بالخلاط على الدقيق والمبشور والبكنج بودر واخفقيها قليلا بالمضرب

وضعيها في صينية مدهونة بالزيت وقليل من الدقيق

ضعيها في فرن كهربائي

على درجة حراره 200 درجه واشعلي الفرن من تحت فقط ولاتفتحين الفرن نهائي

بعد 40 أو 35 دقيقة ستجدين الكية استوت كلها بنفس الحجم والشكل

لكن انتي يبدو انك لاتخلطين جيدا حتى يذوب السكر

و140 درجة حراره تعتبر نار هادئة جدا

واتمنى افدتك

الأخوات ما قصروا يعطيكم العافيه يا صبايااااا

خواتي شكراُ لكن

الحرارة يوم كنت أخليها 4 او 180 كانت الكيكة تحترق وهي قبل ماتكمل نص ساعة وتكون نية من داخل شووووووووووووو الحل

شوفي هذا الرابط

http://forum.hawaaworld.com/showthread.php?p=12525266#post12525266

:)

بقوووولج .. انا كنت مثلج شي اسمه كيك ما اقدر اسويه لدرجه اني اقتنعت اني مالي خص في السويييت

بس مره قريت وحده من البنات حاطه موضوع عن الكيك وكيف اقدر اضبطه يزاها الله خير .. ومن عقبها وانا اطبق كل كيكه تعيبني وتطلع 100% مظبوطه

يمكن اللي بكتبه يكون متكرر والبنات قالنه لأني ماقريت الردود مستعيله ابا اطلع .. لكني ماحبيت اطلع من دون ما افيدج .. وع قولتهم .. التكرار يفيد الشطار خخخ


1. شغلي الفرن قبل لا تحطين الكيكه بوقت كافي .. يعني تحطين الكيكه في الفرن وهو حاااار

2. وانتي تخلطين المقادير لازم يكون بإتجاه واااااحد .. انتبهي واااااحد .. يعني لا تخلطين عاليمين وعقب تردين عاليسار وعقب في النص .. ليش؟؟ عسب فقاعات الهوا ما تطلع وانتي تبينها تكون اسفنجيه

3. وانتي تخلطين لازم يكون الخلاط على (أقل) سرعه

4. يوم بتحطين القالب في الفرن لا تفتحين الفرن في اول 10 دقايق .. إذا فتحتيه في اول عشر دقايق يهبط الكيك .. أحيد خذناها في التربيه الأسريه خخخ

5. عقب ما تتأكدين ان الكيكه استوت لا تطلعينها على طول خاصه اذا كان المطبخ بارد .. خليها شوي في الفرن

جربي وان شاء الله تظبط عندج