عندي زواج بعد يومين إن شاء الله
وأبي استشيركم بعدة أشياء الله يعافيكم ..
أولاً ألوان الظل
أنا فستاني فيروزي ناعم مرة وفيه وردة فوشي على موف على جنب
ومحتارة بلون الظل أفكر اخليه تدرجات الفيروزي وأضيف له أخضر فاتح
يكون هو أساس العين كامل .. وش رايكم ؟ وأنا ما ودي أكثر ألوان الظل
فكيف اسوي طريقة الظل يعني كيف ابدأ بالتدرجات أبي ابداعاتكم
وأيش أحلى تحت الحاجب لمعة على فضي أو لؤلؤي ..
وسؤال متعلق بالظل .. أيش أفضل ظل سلس بالاستخدام وما يبقع
أبي درجات الفيروزي دورت بكذا سوق ما حصلت اللي أبي ؟!!!
وهل الكريمي حلو في الاستخدام وإلا الظل العادي ؟ و اسم الماركة ؟
...
ثانياً رسمة العين
محتارة مررررة فيها .. علماً إن عيوني تناسبها كل الرسمتين
وهم متوسطات يميلون للوسع شوي ..
هل أخليها رسمة من فوق فقط مثل كذا ..
وإلا رسمة كاملة مثل كذا ؟
XXXX صورة مخالفة .
وإذا كاملة كيف اسوي السحب اللي في طرف العين ؟!! >> ما أعرف :icon33:
...
ثالثاً الأساس
* ايش أفضل أساس هل أخلط الديرماكول مع الأساس العادي وإلا استخدم
اساسي اللي متعودة عليه للمناسبات ؟ وهو اساس لافال اللي عل شكل
عصار صناعة بريطانية ..
...
رابعاً الكونسلر
* سؤال بخصوص الكونسلر اللي تحت العيون .. أنا عندي ماركة فور ايفر
اللي ألوان بعلبة وحدة .. وعندي تحت عيوني سمار خفيف فهل أحط
درجة على أورنج على مكان السمار والباقي أحط افتح ، وإلا كله نفس
الدرجة ، مع إني ابي اللي تحت العيون يكون فاتح في نهاية الميك أب فكيف
أوصل لهذي النتيجة مع إخفاء السواد ؟
وأخيراً أذكركم اخواتي " كانَ اللهُ فيْ عونِ العبدِ ما كانَ فيْ عونِ أخيهِ "
فاحتسبوا الأجر ، و اسأل الله العلي العظيم أن يوفق كل من ترد علي
وترشدني وتدلني في حيرتي وكذلك كل من ترفع الموضوع ..