حبيبتي انا خلصت الاربعين والى الان ما طهرت ينزل دم خفيف مع افرازت صفراء
هل هو طبيعي انا مره خايفه لاني اسمع القيصري ماينزل دم كثير

الله يرزقج ما تتمنين على افادتك وكلامك مع خواتك من بنات حواء.
عزيزتي اعرف انو كل شي يكون بالقسمه من الله تعالى ثم السعي .....بس حبيت اخذ مشورتك و الله يعلم اني في حاجه شديده لاتخاذ قرار على الاقل لا اندم عليه..
اختي في الله.... عمري 38 وعندي 3 انجبتهم( بقيصريتين وطبيعي بينهما) بنتين و ولد وكثير اتمنى الحصول على طفل اخر لايهم ولد او بنت بس احس انه القطار راح يفوت ولن اصبح ام مره اخرى...........وانا على اعتاب 39 ارغب بشده في حمل اخير ولكن المرير هو خوفي من القيصريه خاصه وانه جرحي سئ جدا وعمر ابني سنه ولازال الجرح يالمني بشده والعمليه كثيييييير تتعبني واصل للموت وانا وحدي في الغربه .
حبيت احكي كل ظروفي حتى تعطيني رايج لاني حسيت انو راح تفهميني بحبج للامومه وخوفج من العمليه ..
حبيبتي هل اجازف ام لا وللعلم زوجي ما يبغا اطفال بعد ..يعني وحدي احاتي وخايفه العمر ما يمهلني وهم خايفه لو احمل يصير لي شي ويتبهدلون اولادي لا قدر الله ؟؟؟...
اعطيني رايج الخالص لو كنت مكاني وش تسوين ؟؟؟؟؟وسوال اخير بعد فيه امكانيه اني اولد طبيعي ولا ابد ما ممكن؟؟؟
وارجوكي اعذريني على الاطاله واشكر وقتك في الرد..

نفس اسألة الاخت بعد خمسة ايام مقررين عمليتي ... ابي إجابه شااااافيه الله يجزاك الجنه يااااااارب

وجزاككككككككككككككك ..غاليتي ..

دنيا حلوه ..أنتي ثلاثه بس قيصري بإمكانك تحملين وتجيبين عيال وبالنسبه للتسقيط الله يشفيك أختي ويعافيك أقترح عليك توقفين على الأقل سنه يرتاح الرحم وخلال هالفتره تروحين للشيخ وترقين نفسك رقيه كامله ومستمره وتدعين دعاء حثيث إن الله يتم عليك الحمل في حال حملتي وبعد السنه تحملين وتستمرين في الرقيه وبإذن الله تفرحين بمولودك الجديد ولاتفكرين ولاتخافين وربي إن الخوف نص إذا ماكان المرض كله ..

أم ريتاج .. كلنا نتعب ونحس بالموت لكن لازم نتحمل ونصبر عشان نعيش .. أنا ماعندي أم وخواتي كلهم أكبر مني ومشغولين بعيالهم وإذا ولدت عادة أكون لحالي مافيه أحد يخدمني ويقوم على بناتي سواء بالمستشفى أو بالبيت وهذا اللي خلاني أضطر من ثاني يوم العمليه أقوم وأضغط على نفسي وأتحرك عشان نفسي والبيبي وبصراحه أنا أخاف وأسمع إن عدم الحركه مو زين بعد أي عمليه تشوفيني أقوم غصب وامسك بطني بقوه وأمشي بصالات المستشفى حتى منحنيه بس شوي شوي ترفعين ظهرك وتلاقين نفسك خلال فتره وجيزه وأنتي أحسن من اللي والده طبيعي وفي نفس الوقت تتقين بإذن الله شر الجلطات .. حبيبتي كل شي يرجع لللشخص نفسه وأمره بإيده هو اللي ينقذها أو يهلكها والحياه يبيلها صبر الله يعينا ..

حلم ماشاء الله عليك ماخليتي شي ..
بالنسبه لإبرة الظهر والله ياأختي إني ماأعرف عددها بس وحده الل تحسين بوخزتها مثل الكهرب بالجزء الأسفل من الظهر وتكونين قاعده على السرير ومنزله وجهك قدام يعني الظهر يكون مقوس ويعقمونه ويبدون يحطون فيه الإبره تدريجيا تبدين تحسين رجولك نملت ولاعاد تحسين فيها لإن الجزء الأسفل من الجسم كله تخدر .. وبالنسبه للقسطره أنا بالعام يحطونها قبل العمليه أحيانا بساعات وفي الخاص يحطونها بعد التخدير وبصراحه كذا مريحه لكن أطلبي بالعام وجربي إذا يحطونها لك بعد التخدير .. أما البنج الكامل فبعد ماتدخلين غرفة العمليات يحطون الأكسجين على وجهك من بعيد وهي إبره وحده بالمغذي إلا أنتي بااااااي بااااااي ماتدرين بشي ..
الألم بعد العمليه يكون نتيجة بقايا الجنين يسمونها عندنا الكبار خوالف وأنا أحيانا يجيني شد عضلي يذبحني ويجيني اليوم الأول مثل الطلق تماما وأطلب مسكن يعطونه المستشفى نفسه بإذن الطبيب وتقريبا الالام تخف كثير ثالث يوم وثاني يوم بعد يكون معقول وأصلا اليوم الأول تكونين أغلبه نايمه المهممممممم أنا ماآخذ أي مسكن من راسي أبدا لو يذبحني الألم ويقطعني ماآخذ إلا اللي يكتبه لي الطبيب نفسه ماأغامر بصحتي ..
بالنسبه للعمليه عادة يكتبلك الدكتور مراجعه بعد سبعه أيام ويكون واصف لك معقم وأنا إذا ماوصفلي من نفسه أمسكه وأقول له اكتبلي معقم زين للعمليه وأطلع وأصير أعقمها على نفس العمليه أول عشرين يوم كل يوم وبعدها يوم إيه ويوم لا .........وطريقتي ركزي فيها غريبه بس أحس حلوه .. حطي المعقم وإمسكي بطنك لإن أنا بطني نازل شوي وأفتح المروحه أو الأستشوار البارد وأخلي المعقم يجف تماما من العمليه بعدين أقوم عشان ماتعرق وعلى فكره أنا آخذ صابونه ديتول من اليوم العاشر تقريبا أرفع بطني بشوي شوي وأغسله وأنظفه عشان الجراثيم وبعدين أجففه بنفس الطريقه السابقه وبعدين أحط المعقم وأيضا أجففه لإن أهم شي ماتعرق ويجيها عفن أو جراثيم وأيضا الحركه العنيفه والقويه مو زينه ..
الأكل عادة أترك الرز والنشويات عامه وأركز على المرق واللحم والبر ووالله إن تغذيتي يعني بالنفاس لإن مافيه أحد يساعدني لكن ربك كريم ..

شكرا أخواتي على الدعاء الطيب وهذا اللي أبيه الله يعطي الجميع الصحه والعافيه ويرزقنا بر عيالنا طلعوا من عيونا ..

مسك .. طبيعي جدا أنا أقعد أنقط أحيانا تنقيط ولمدة أربعين يوم وعلى بنتي الأخيره يمكن 45 يوم وعادي كذا وضع العمليات وأزيدك من الشعر بيت أنا عادة أخلص الأربعين وأقعد 3 أيام وتجيني أول دوره اللي يسمونها أخت النفاس لاتحاتين كذا العمليات ينزل الدم حبه حبه ..

أنا لو مكانك وأنتي سألتيني كذا .. أروح لطبيب كويس وأسأله عن عمليتي وأخليه يشوفها وإذا قال كل شي تمام أتوكل على الله وأدعي وأحمل ومن لما أحمل ألجأ الى الله بالدعاء حتى أولد والله بيستجيب لإنه كريم وعظيم سبحانه ولعلمك أنا عمري نفس عمرك بالضبط وناويه إذا الله عطاني عمر وييسر لي أحمل حملتين زياده ماأنتي كبيره أمهاتنا يخلفون وبعضهم على مشارف الخمسين مو الأربعين
وإسألي الطبيب إذا فيه مجال تولدين طبيعي توكلي على الله وإذا قال عمليه لإنه يمكن يخاف عليك فأيضا توكلي على الله وسويها هذا أنتي سويتي ثنتين وماجاك الا العافيه .. الله يرزقك ويوفقك اتركي عنك الخوف هو أساس البلا ..
حنان جاوبت على أسئلة الأخت إقرأيها وإن شاء الله تستفيدين يارب ..