هل صحيح البنج النصفي تجيك دوخه واستفراغ اعزك الله اثناء العمليه؟؟؟

وايهم تفضلين وليش ؟؟

الله يجزاك بالخير ويرزقك ماتتمنين

اختي انا ولدت اربع مرات وكل واده اصعب من الثانيه


وكلها طلق صناعي اشوف الموت اكثر من يومين حتى يفتح معي الرحم غير كذا اتعب مع طلعة الراس ومااقولك انا دلوعه بالعكس صبوره جدا بس احس ان الولاده الطبيعيه بالنسبه لي عذاب

بعد الولاده الاخيره صار معي دسك الان دخلت التاسع والالم بظهري غير محتمل

ونفسي اولد بعمليه فيه اخوات يسبون بشكل فظيع على العمليات

وفيه اللي تقول ارحم من الطبيعي

ايش رأيك انت ؟بكل صراحه وبدون مبالغه انصحيني عندي اتحمل الم العمليه ولا اشوف الموت من الطق لان شكل عنق الرحم عندي مايفتح بسرعه

ياهلا وغلا
ياليتك تجين بلمفنا
http://forum.hawaaworld.com/showthread.php?p=48476227#post48476227
وتكونين عضوه مهمه
كثير اللي يسألون ويبحثون عن الاجابات الشافيه

حبايب قلبي .. بالنسبه للإلتصاقات موجوده عندي والدكتور قالي على آخر عمليه إن عندي إالتصاقات تعبتهم في الولاده وخاصة إن مسويه الخمس بنفس المكان فوق بعض وقالي إذا سويتي عمليه بعد كذا إعمليها بالطول بعيد عن المكان الأول والإلتصاقات شي طبيعي لفتح البطن وإغلاقه خاصة كم مره ..

بالنسبه لمكان العمليه أنا بعد الولاده أكون مجهزه دهن عود وعطر قوي وأول ماأطلع الغرفه أحط بجسمي وملابسي بكل مكان حتى جنب العمليه من برا في الروب وأبخر بيتي كل يوم وأحيانا كم مره عشان مايضرني بعد كذا أي روائح ..

بالنسبه للي تحس بألم في مكان العمليه هذا شي طبيعي لاتخافين وإذا زاد مره روحي للطبيب عشان يفتح لك اللصقه ويشوف ..

بالنسبه لعدد الحملات بالقيصري هذا يعتمد على إقدامك ونوعية جسمك ومقدار تحملك ونوعية بطنك وهل هناك أمراض مزمنه ولا لا وطبعا الطبيب يسألك هل تبين ربط مع الولاده ولالا ونصيحة أخت محبه لكم كلكم إذا عندك أربعه أو خمسه منوعين كفاااااااااااايه ونعمه ورضا ..

بالنسبه للبنج أنا أخذت عام بالحملات الثلاث الأولى والثنتين الأخيره نصفي بس لإني خوافه إذا بدت العمليه يعطوني منوم خفيف يدخلني عالم خرافي غريب ونصيحة اللي قويه أفضل النصفي مافيه كلام ماله مضاعفات والعام للخوافات مثلي وتستودع الوحده نفسها رب السموات والأرض قبل ماتدخل العمليه ..

وبالنسبه للآلام تبعا لعدد الحملات كل مازدتي ولاده قيصري كل ماتعلمتي أكثر وتجنبتي الأخطاء أكثر ومافيه إختلاف كبير عندي بين الثانيه والخامسه بسسسسسسسسسسس الأولى كانت فله ..

حبايبي إن شاء الله أكون أفدتكم وربي يحفظكم وييسر لكم كل عسير يارب ..

حبايبي بالنسبه للبنج النصفي مافيه وقت العمليه دوخه ولاإستفراغ ويكون فيه غطاء بينك وبين العمليه بالعكس النصفي بإجماع العالم أفضل من الكامل لإنه ماله آثار جانبيه ولامضاعفات .. أما الكامل له شوية مضاعفات الله يكفينا وياكم ..

اللي تعبانه من الولاده الطبيعيه إحتسبي الأجر وأدعي ربك وكملي مشوارك وإذا كنتي قويه وجسمك قوي شوي توكلي على ربك وسوي عمليه وإذا تبين رأيي بصراحه الولاده الطبيعيه مع تعبها أحسن من القيصري كثير ... فطرة الله ياأختي ماتحتاج سؤال ..