الحمد لله ان ما احد درى هذا الاهم

الله يستر عليها دنياواخره

حبيبتي وش هالتعامل اللي تتعاملو فيه مع البنت اذا كان فيه احد غلطان فهو انتو بالدرجه الاولى
تتنوم مع الشغالات وفي الدور الارضي وتدعون عليها وتتلفظي عليها ب(حيوانه)!!وتقاطعونها وماتبونها وتتهددون فيها
الكل جالس يفرغ وينفس في هالضعيفه
تقولين البنت مادخلت الجامعه واللي اصغر منها دخلت هذي مشكله كبييره بحد ذاتها وابصم لك بالعشره ان البنت مانحرفت الا بعد مادخلت اختها الصغيره الجامعه وهي لا وطلعتو لها جوال ولاب توب واللي اكبر منها لا الا لحد هي ماتكلمت محد راعى شعورها الكل مشغول في حياته وهي لاشغله ولا عمله حتى تليفزيون ماعندها من وين بتعرف حركات المكالمات الا انها كانت تبي تحس انها موجوده وصوتها مسموع فالجأت لهالطريق وعلى كثر اللي سويتوه لها تمسكت فيه اكثر لانها لقت نفسها فيه
محد منكم كان عاقل وصادقها بدل مايمارس عليها دور الكبير والمرشد محد تقرب منها وحسسها انها موجوده مو خلاص ماجابت نسبه معناتها البنت فاشله محد حاول يحتويها ويشغلها ويطلعها من دائرة الفشل اللي هي حاسه فيها
لاتقولين لي احنا تربيتنا زينه وعباية راس وجوانتي عمرها ماكانت مقياس للادب و الاخلاق كل واحد معرض للخطا ومحد فينا ملاك حتى انتو يااخواتها
مين اللي جلس معاها بعد اول خطأ وحاكها كصديق مو ضرب واهانه وتزيدون الطين بله وتخلونها تكره وتحتقر نفسها زياده وتكرهكم وتنغمس اكثر في اللي هي فيه
ومين برضو اللي جلس معاها بعد 6 ايام وحاكاها بدل ماتدعون عليها بالموت واللي تقول اقتلوها خير احنا وين عايشين رجال دخلو على زوجاتهم وماحصلوهم بنات وسترو عليهم وعايشين احلى عيشه
محد قال وين اساس الخطا ولا ليش هي سوت كذا
يعني اللي يغلط خلاص مافيه ذرة خير البنت نبته صالحه واساسها طيب بس ناقصه الاحتواء ناقصه احد يسمعها مو يقتلها ولا اللي تقول تصرف ابوك واخوانك مو تصرف رجاجيل انا مااقول الا الله لايردها عليك
ولا ماشاءالله محتارين وشلون تعاقبونها!!!هذي اختكم مو لاقينها عند باب المسجد
هذا بدال ماتودونها لدكتوره نفسيه خلو البنت تفرغ اللي فيها وتتعالج البنت فيها مشكله حرام لاتخلون مشكلتها تكبر ساعدوها التفو حولها مو تنفرون منها وتعادونها اتقو الله ترى عندكم بنات...
كلمة اخيره مااقول الا لله دره ابوك الله يخليه لهالضعيفه سند وظهر ولا انتو يمكن تدفونها حيه كاقسى عقاب بعد مشاورات وتفكير دام شهر كامل ...........
الله يستر عليها ولا يوليها من لايرحمها

اولا اسال الله لكم الستر في الدنيا والاخرة

اختي الفاضلة صح السالفة تقهر وتبط الكبد

وخاصة انكم بيت محافظ

لكن واضح ان اختك تعاني لانها ماكانت متميزة مثلكم

وضاعت يمكن بسبب صاحبات المدرسة وكلامهم عن الغراميات

وانجرفت لطريق الشباب وهالشي خلاها ماتجيب نسبة

وعدم دخولها الجامعه وقعدتها بلا شغل ولا مشغلة خلاها تدور اي شي تشغل نفسها فيه

البنت عقليتها على قدها وباين انها سريعة التأثر

وترا هي ماشردت من البيت الا لما شافت سوء المعاملة

كان المفروض تحتوونها قبل لا تسوي فضيحتها

كانت تبي احد يفهمها ويقعد معها

انتو متزوجات والباقيات مشغولات بالدراسة والام والاب كبار والاخوان كل واحد في حياته وهي المسكينه عطالية بطالية ومحد يفهمها

انا ما أبرر تصرفها وياعيني على ابوك ياليت كل الابهات نفسه حكيم وصبور وقاعد معها طول الوقت لانه يبي يحتويها ومهما كان هذي بنته مسكين كسر خاطري الله يعينه يارب

الحل الحين مو العقاب ولا تفكرون في العقاب

الحل اسرعوا بتزوجيها

وواضح ان الحوار بينكم مفقود

قبل لاتودونها لطبيبة تفحصها اسأليها وحاوريها بهدوء تأكدي هو لمسها ولا بس طلعت معه ورجعت لا تقولين اكيد مو بنت حرام لاتشكين

وواضح على قولتها ان الولد يحبها والدليل جاء وخطبها وهو شكله يبيها ( يمكن اختك حلوة فرت مخه ههههه امزح )

انتو اسألوها وتأكدوا ان كانت بنت حطوا اسمها عند خطابة وزوجوها

اما ان كانت لا فأحسن شي يتزوجها الي زنى فيها ( الزاني لا ينكح الا زانية ) وطبعا لازم تعلمونها ان اللي سوته حرام ولازم تتوب منه قبل لا ربي يبتليها وخوفيها بالامراض والايدز

وخلو الرجال يتزوجها احسن لكم وتفتكون من مشاكلها

انا معك ومع ابوك بعد
يعني هي لازم تاخذ علقة محترمة عشان تتادب
المفروض مايعدي الموضوع بالساهل
وبعدها اذاحسيتوا نفسيتها تغيرت وبدت تحس بغلطها
اقعدوا معها وفهموها
بس نصيحتي لك ولاخواتك اقنعوا امكم تزوجها للي طلعت معاه
حتى لومو من مواخيذكم
صدقيني مابيصحيها من غفلتها الالتزوجت وتبهذلت معاه
وكمان الخوف انها اذا ماتزوجته تسويلكم فضيحة اكبر
الله يهدي اختك ويستر عليها

لاحول ولا قوة إلا بالله العلي العظيم
الله يصلحها ويهديها ويدلها للحق