خدامتي اه ياخدامتي صابتنا عين الظاهر:(

السلام عليكم

انا في مشكلة قالبتلي حياتي فوق تحت عندي خدامتي الاثيوبية لها 3شهور بالزبط من احسن مايكون جبتها عن طريق مكتب متنازلين عنها اصحابها ب15 الف واستخرت الله وربي سهلها والحمدلله كنت متهنية فيها مرة وبعد ال3 شهور بدات تتشكى وانا موفاهمه عليها المهم في الاخير فهمت انها جامل في 5شهور وانا اعرف انها كذابة لان الدورة بتجيها بس قلت خليك ورى الحرامي لحد الباب جبت جهاز التحليل من الصيدلية وطلع مافي وماصدقت تقول احس بحركتو وتبغى تسافر اثيوبيا خلاص قلتلها شيلي اغراضك يللا وانا والله الشاهد عليا في هاذا الاذان اني اعاملها بالحسنى واعطف عليها لدرجة الكل يقللي لاتدلعيها بزيادة المهم وداها زوجي المكتب وقالوله خلاص مانقدر نسويلك شي خاصت ال3شهور بس وديها اعمللها تحليل حمل واذا حامل تعال وسوالها تحليل طلع مافي حمل وقالت ماابغى اشتغل والمكتب قللنا تشتغل غصبن عنها ولمن جات رفعت صوتي عليها وقلتلها انا عاملتك بالطيبوكلنا احترمناكي وحبيناكي وخفنا الله فيكي وانتي كذا تسويلنا وصارت بكييييييي وقلتلها حتشتغلي كويس انا اعاملك كويس وراحت جلست تبكي وبعدين خلاص عادي قامت تشتغل .
الهرجة يابنات اني عايشة في رعب وانا طبعا مااخللي عيالي ابدا مع خدامات ولاني موظفة بس حامل وكان عندي مشاكل بداية حملي والحين هذا شهري محتاجتها مررررة طمنوني شورو عليا هدو عليا خللوني اتفائل ورجاء لاتجي وحدة نفسية تقللي قتل وماقتل دوبي قرات الجريمة حقت ينبع قلبي انفطر الله يجبر مصابهم يارب بس حقتي ان شالله طيبة صح؟ لاني استخرت الله فيها وربي يخير الخير دائما وانا نيتي طيبة وعلى نياتكم ترزقون قولولي كيف اتعامل معاها انا بحاجتها ولادتي الاسبوع اللي يجي :sad: .
استنى ردودكم


رجاء يامشرفات لوسمحتو لاتنقلو الموضوع خللوه يستوفي حقة من الردود لاني بحاجة الله لايحوج مسلم يارب .