خربت بيت صديقتي اسألكم بالله قولوا لي الصدق !!!

السلام عليكم ورحمة الله وبركاته

اخواتي بقولكم شي ...عجززززت وانا افكر فيه ولااا اقدر انطق بحرف لأحد أعرفه اخاف اطيح من عينهم ..

وبنفس الوقت اقول يمكن هذا قدر ربي خلاني جزء منه ..

بنااات اسألكم بالله تقولون الصدق

بقولكم السالفه من البدايه ...

انا وحده من الناس الحمد لله متزوجه وعندي بنوته وطلعت كندا ادرس ماجستير وزوجي الحمد لله توفق في وظيفه هناك مؤقته لحد مااخلص دراستي ..

بعد فتره من الغربه لقيت نفسي مع ثنتين من البنات (السعوديات) وصرنا اكثر من اخواااات ..

الاولى متزوجه وعندها ولد .. والثانيه بنوته باقي .. واكبر وحده فينا عمرها 24 سنه

بحكم دراستي وزوجي وبنتي ماكنت اشوفهم الا في الويك اند واحيانا ايام الاسبوع ناخذ نفسنا من الدوام والمسؤوليه ونطلع نتغدا سوا وهكذا

انا الحمد لله محافظه جدا .. وجديه ولا احب اللف والدوران ..

وحده منهم من عائله جداااااااا منفتحه امها من دوله عربيه وابوها سعودي .. وعايشه اغلب حياتها في كندا ومن النوع الي كل شي عندها عااااااادي .. كل شي

والثانيه المتزوجه الي عندها ولد .. جات من بيئه متشددددددده دينيا مااقصد متدينه لاااا .. متشدددده بمعنى الكلمه التشدد الي ينفر الواحد من الدين ... وتزوجت رجل عكس تماما البيئه الي كانت عايشه فيها .. يعني باختصار انفتحت فجأه على الحياه بعد الزواج ..


خلوني احكيكم شوي عن صديقتي المتزوجه
هي ماشاء الله تبارك الله جميييييييييييله جمال قليييييل مثله
جمالها عربي بحتتتتت شعرها وعيونها وجسمها ماشاء الله تبارك الله ..والله اكثر من مره يوقفونها على بالهم كيم كيردشان
ومستحيل يطرا على بالك لما تشوفينها ان هذا الجسم ممكن يكون حملت او ولدت قبل كذا ماشاء الله تبارك الله
وفي الجانب الثاني ..زوجها اكبر منها ب 14 سنه !!!!
ومو حلو .. ولا في اي مقارنه في الشكل او الاناقه او لااهتمام
وهو الله يهديه من النوع الي يشررررب كثييير بس مايقولها اي شي يعطيها بالاسبوع الآآآف ومخليها على راحتها هي وولدها بس اهم شي لا تقوله ليش تشرب والا ليش تسوي كذا او كذا
يعني باختصار هي ماخذته عشان تفتك من تشدد اهلها و فلوسه هو من عايله معروفه وابوه معروف في مجلس الشورى
وهو ماخذها لجمالها بسسسس
مافي في حياتهم اي شي مشترك حياتهم قائمه ع المصلحه هي تستفيد منه وهو يستفيد منها بس محد له دخل بالثاني

الوضع كان ان صديقتي المتزوجه أخذت الثانيه الي اغلب حياتها في كندا وكل شي عندها عادي قدوه لها .. وصارت تقلدها بكل شي .. اول مرحله فصخت الحجاب !!!
كانت تلبس لبس ساتر وشوي شوي بدت البلوزه تقصر والبنطلون يضيق ...زوجها طبعا موافقها على كل شي تسويه ومستحيل يقولها لا
صارت طلعاتهم كثيييير من دون مايقولون لي .. ليش ؟ لأن يعرفوني راح اوقفلهم على كل شي ..

في البدايه كانت صديقتي المتزوجه تحس بنظرات الاعجاب بجمالها من الي حولها .. وخاصه من الخليجين هناك وطبعا ماكان في احد يتوقع انها متزوجه وهي بالقصد شايله الدبله من يدها ..
المرحله الثانيه .. بدأوا يلعبون بالنار وصاروا يضحكون ويتعرفون على شباب خليجين او سعوديين ..ويستغلونهم ..

يعني الفكره مو حب او ميلان لاا .. الفكره انهم ماخذين الموضوع تسليه وتحدي وضحك ..
يسحبون في واحد ويخلونه يطلعهم مطعم او سينما او اي مكان يبغونه واي شي يشترونه من حسابه .. مره واحد اشترى لصديقتي المتزوجه حلق الماس قيمته بالآلاف .. المسكين كان متعشم انها بتتزوجه ..

وطبعا انا خارج الموضوع تماما مايقولون لي الا بعد ما ينتهون من كل مغامراتهم .. بعد الجامعه الى المغرب وهم في مغامرات ..


نصحت ونصحت ونصحتتتتتتت ... وربي تعبت نفسيا وبكيت قدامهم وانا اقوووووووولهم حرام وحرام وحرام ..

الاولى كل شي عندها عادي والثانيه جايه توسع صدرها

الحل الأخير ابتعدت تماما عنهم .. لان حسيت كلامي مايفيد وهو يضحكون علي ويكلموني بين فتره وفتره ويقولون لي ايش صار معاي ..

انا جا ببالي فكره .. اني اطلع رقم جديد .. اسوي الي في بالي

وفعلا .. طلعت رقم جديد ..

وارسلت لصديقتي المتزوجه :

انا واحد انتي وخويتك طلعتوا مع صديقي مطعم ..وانا اعرفك واعرف زوجك واقدر اسوي لك مشاكل وافضحك احسن لك يابنت الناس استري نفسك واتركي هالسوالف والله ان عدتيها مره ثانيه اني لأفضحك


.....

فكرت بكل شي عشان اردهم شوي من الي يسونه ومالقيت الا هذي الطريقه ..
وغيرت بأسلوبي عشان ما انكشف ..

بعد ماارسلتها قلت اكيد بتكلمني وتقولي عن المسج وبتخاف وانا بقولها انها رساله من ربي ووووو

بس الي صار انها مادقت انتظرت اول يوم وثاني يوم وثالث يوم

لاني انا انقطعت عنهم ولو دقيت راح يشكون اني انا ..

الي صار بعد اسبوع ونص ... تكلمني صديقتي الثانيه الي مو متزوجه و تقولي ان صديقتي المتزوجه زوجها خرب جواله وكان طالع يجيب ودلهم من الحضانه واخذ جوال زوجته عشان يكلم مديره الحضانه ويعرف مكان الرحله الي مطلعين فيها الاطفال
وجات الرساله الي انا ارسلتها على جوالها في هذي اللحظه !!!!!!!!!






طبعا مايحتاج اكمل ايش صار لان ماادري حتى انا ايش صار ..بس البنت مالها حس ولا خبر من يومها و صار لنا 5 ايام من عرفت انا عن الموضوع واسبوعين من وصلت الرساله... بنات هي كانت تعطي الشباب نفس الرقم ... يعني لو احد منهم ارسل او دق في ذيك اللحظه كان صار نفس المصير

وبنفس الوقت ضميري ياااااكلني اكل يقتلني كل لحظه

بنات .. بكيت بكاااا قطعت حالي .. ضميري مأنبني .. مااعرف ايش صاير عليها ..
خربت بيت البنت ....؟!
بنات انا صديقتها خربت بيتها ؟؟؟؟؟؟؟

بنات الحين لو هي دعت على الي ارسل الرساله تتوقعون دعوتها مستجابه

اخاف من حوبتها ... بنات اخاف زوجها يطلقها وينخرب بيتها وولدها يضيع بسببي

بنا ت اسألكم بالله اسألكم بالله قولولي ايش اسوي ايش السالفه

انا ايش موقفي ..؟؟؟؟؟؟؟؟؟؟؟؟؟؟؟

لا ليل اعرفه ولا عيني تغمض اهملت نفسي وبنتي وبيتي مااقوم من الفراش وزوجي متجنن يقول شفيك اوديك المستشفى اقوله لا بس مشتااااقه لاهلي



بنات ريحوني