صباحكم قشطه مع الثلج :)

صبااااح الخير

السلام عليكم
صباااااااااااح الخير

كيفكم

هلا وغلا ام فيصل ونونه كيفكم مع هالمربعانيه

موضوعك يام فيصل تحفه وخاصه مع الاطفال مواقفهم قمة البراءه

مره من المراير كانت عندنا مناسبه كبيره
عاد جلست اقردن الصقر عشان التمويل يكون من اللي يحبه قلبي
طمعانه بعدد مكون من ٤ ارقام ومن مضاعفات الخمسه
المهم بعد قردنه اسبوعين وبالضبط في ليلة خمسه وعشرين
جلست اتميلح استنا الصقر يفتح البوك وانا ساعه عيني
ع البوك وساعه احاول اضبط نفسي اخاف يقول عمرها ماشافت خير وبنظره
سريعه حسيت اللي طلعوا من البوك مو اللي في بالي
انا لحظتها وقفت قلت وهذا اللي قدرت عليه مابيهم حتى والله ماعديتهم وما ادري كم
بس توقع
يوم جا اليوم الثاني الصباح ابطلع عيالي المدرسه اتصلت علي مرافقة الباص حقت بنتي كانت تمهيدي وقالت خلي البنت تنزل
قلت طيب قلت للخدامه نزليها ودخلت الله يكرمكم دورة المياه
لحظات واسمع صوت كراعين البنت راجعه واطلع رويسي من ورا الباب واقول لبنتي
ليه رجعتي قالت بس نسيت ابوس بابا
قلت بسرعه انزلي لا تتاخرين
وفعلا راحت وانا رجعت لفراشي وتغطيت ونمت

يوم جت الساعه ١٠ اتصلي الصقر وهو يرعد بعد موقف امس وموقف ثاني
قال
يابنت الفلوس اللي عطيتك البارح كم قلت مادري
قال عديهم الحين
قلت مابي اعدهم ع بالي عندي كرامه وكلمتي وحده
قال اقولك عديهم قلت ٢٥٠٠
قال كانو ٣٠٠٠
قلت ويش دخلني وش كانوا وش صارو
قال تدرين وين ٥٠٠ مع بنتس تشتري بها من المقصف
قلت هاااااااه

قال والله البنت ويوم نزلوهم يشترون ومدي ٥٠٠ للي تبيع
وصارت امينه وقالت للاداره
عاد الاداره اتصلوا علي يقولون انت معطي بنتك قسط المدرسه
اننا لقينا معها ٥٠٠

ههههههههههههه

عاد يوم جت سالتها قلت ليه تاخذين شي موب لك
حرام
قالت انتي قلتي مابيهم
وبابا قال بكيفك هذولي هم هنا بغيتهم ولا احرقيهم
قلت بدل ما تحرقينهم انا اخذ وحده

عرق الحريم يحبون الفلوس