reemeeah :

ااااه زمان اول كانو الحريم اهم شي يجتمعون ويسولفون واهم جمعتين عندهم شاهي الضحا وقهوة العصر كانوا يتقاسمون الجمعه ووحده تناديهم في بيتها وتصلح الشاهي والقهوه بس واللي بتزورها تجيب معها صينية بسبوسه ومعها صحونها الورق ومقطعتها في بيتها عشان ماتطلع سكين من بيت اللي عازمتهم والثانيه تجيب صينية كيك رخامي مره تحط الابيض اول وتقلم بالشكولاته وان بغت تسوي فيها حطت الشكولاته اول وقلمت الكيك بالفانيلا واكيد جايبه صحونها هع والثالثه تجيب كيس فصفص محموس ومملحته وياجودها ان حطت عليه فلفل احمر مطحون وهذي تكون ابدعت بعد وتكيس تقريبا ست او سبع اكياس منه عشان تطلع من شنطتها وتوزعه ع الحريم وهي جالسه والرابعه عااااد وخرو عن طريقها عندها شغاله فاكيد بتغسل لهم كراث وخس وجرجير وليمون وتحطه بشبك البرتقال وتجيبه معها وتتاخر شوي كالعاده عشان الكراث ينغسل حبه حبه يطقون على بيت اللي عليها الدور تكون راشه حوشها بشوية مويه عشان يبرد وعليها قميص روز رافعته من جهه وحده عشان مايمتلي مويه تحت البتاع وجالسه تسحب قطعة زل بتفرشها تحت النخله وجالسه تطلع من مساند المجلس وتصف بالحوش عشان تبشك هي والحريم يكون بهالوقت طقت الباب وحده من المعزومات تفتحلها وتسلم عليها وهي تقولها الله يعافيتس روحي للمطبخ وصبي القهوه والشاهي وجيبيهن هنا مدامي اطلع باقي المراكي والله يجزاتس خير خلي ولدتس يجيب كرتونين مناديل شوفيهن بالصاله فهالاثنا تطق الثانيه الليمرت في طريقها ع الثالثه وينزل من السياره حرمتين وثلاث بنات وحده بالثانوي ووحده بالمتوسط وثالثه بخامس و٤ اولاد و٥ بنات اعمارهم مختلفه مادري وشلون السياره تكفي بينما ام الكراث تحتري احد يجيبها مالقت الا ولد الجيران اللي توه بادي يسوق سمعته بيشغل سيارته وويدزت راسها وقالت محيميد الله يدفع عنك البلا وصلن انا وبناتي وولدي وشغالتي لبيت ام علي اللي بالحاره الثانيه رجلي عيا يقوم قل امين الله يزوجك وهو متشقق من الوناااصه هو وشاربه الاخضر وخشته اللي طلعت كنها نجمه من كثر مايحكها بالموس ومامداها تلف للحاره الا تسمع اصوات الحريم وتقول هاااااو وراهم تهاوشو وووقف بسرعه يامحيميد الظاهر تهاوشت ام سلوم مع ام مقحص زي كل مره اكيييييد على سالفة العمر كل وحده تقول انا اصغر منتس وتنزل طيراان وتدف الباب برجلها وشبك الكراث اللي ينقط ع دميجتها تقول استحن على وجيهكن الامام توه طالع من المسجد فضحتونا والله المره الثانيه مانقول لوحده منكم عشان تستادبن ثواني والا الضحك عااااام في منزل ام علي ومايطلعون الحريم الا بعد العشا بعد مايجي ابو علي للبيت ويتنحنح وهو داخل لبيته وهو منزل راسه ويسلم ويتحفا ع الموجودات اعذروني طلعت عن الموضوع بس هذي حياة من اول بسيطه جدا وعلى كثر مايتناقرون الا ان القلووووب بيضا وبلحظتها ينسون على قلب واحد والاهم عندهم التواااااصل وصلة الرحم والاجتماع وشوفة بعض صح فيها حش شويات بس الله يعفوا عن الجميع ويتسامح كثيييير جالست مثل هالمجالس والله بحكم اني كنت مع جدتي الله يغفر لها ويرحمها ويسكنها الجنه والله لليوم مطبوووعه ف راسي مانسيتها لي عوده بجمعات هالايام ترقبوني شكرا بطه بيضا طرح ممتاز انتي كذا

ااااه زمان اول كانو الحريم اهم شي يجتمعون ويسولفون واهم جمعتين عندهم شاهي الضحا وقهوة العصر...

جمرة غضى مجمرة :

اي والله اذكر هالمطحنه يا بطوطه اصليه ما تخرب على كثر الاستخدام تقعد سنوااااات ههههههههههههههه

اي والله اذكر هالمطحنه يا بطوطه اصليه ما تخرب على كثر الاستخدام تقعد سنوااااات ههههههههههههههه