reemeeah :

الواتس اب خدمه ادخلتها ع ايام جهازي النوكيا من تقريبا شهر 7 الفايت كانت زميله لي تحاول ترغبني فيه لاكن ما اعطيت الموضوع اهتمام ع كثر المغريات اللي قدمتها لي لانه بالعربي مافهمت الية الخدمه كنت ذاك اليوم سهرانه وجلست ابعبص بالجوال وفجاه دخلت ع متجر نوكيا ولقيت الخدمه حملتها وفجاه طلعت لي اسما نزيت يوم شفتها وكل يوم تتفاجئين برقم غريب يهلي ويمرحب فيك وتضطرين ساعتها انك تسالين سؤالك المعتاد معليش رقمك مو مسجل عندي اقدر اعرف من انتي ووجهي كذا ولليوم يطلع لي اشخاص توهم يحطون الخدمه اخرتها رقم سواق مسجلته عندي هع بصراحه خدمه حبيتها جدا جدا جدا وخاصه لما غيرت جهازي لايفون اصبح تعاملي فيها اسهل واسرع صح بعض الايام في اول الامر اكتب طلاسم عشان الحروف بس يازينها وياما تحملوني الناس وصارا يخمنون الكلمه المقصوده من خلال المعنى مع انه احيان كثيره انصدم بكتابتي لكلمه محرجه نوعا ما هذه الخدمه اعطتني المجال باني اقوم بالواجب بصوره سهله فلانه ولدت نجحت سافرت نزلت بيت مرضت خلتني اعرف اخبار مجتمعي.ومحيطي اتواصل مع زميلات ماسمح لي الزمان الصعب بلقياهم اخذ موعد اسنان هع اسولف اتبادل الرسايل واتبادل الطبخات بالصور احاول قدر المستطاع انه ما ارسل الا المفيد واحط في بالي انه اي شي ابرسله ابحمل وزره ووزر من تبعه وشوفي عدد الاشخاص اللي بتوصلهم هالرساله الله يعفوا عن الجميع ويتسامح هالخدمه ع قد مافيها من فوائد ومنافع الا انها اكيد لها سلبيات اولها اخذت من وقتي الكثير واشغلتني نوعا ما عن بعض المسؤليات وصار الجوال رفيقي في حلي وترحالي وياما طبخ معي هع لدرجة مره من المرارير قسم بالله اني فاتحه القدر ادور جوالي قلت اكيد حطيته فيه ثانيا شي صار نومي مقطع من اسمع رساله افز وصرت احطه ع الهزاز ومن يهز الجوال اتنبه ماعدت اغطس بالنوم والحين شلت الاشعارات مره وحده اريح لي ثالث شي ابو الشباب متضايق جدا من تعلقي بالجوال وصار سبب للنقاشات الموجعه للراس رابعا انفتح مجال كبير للعتاب للموجودين في الخدمه بمعنى انه لو مارديتي علي احد ع طول زعل وتشرهه عليك خامس شي اصبحت كلمة اون لاين عند البعض زي العين السحريه يعرف متا نمتي ومتا صحيتي ومع مين سولفتي وكم جلستي ع الواتس اب سادسا والله الله يعفوا عن الجميع استخدم الخدمه للحش وتقطيع لحم خلق الله لان اول وين وين يشوفك لكن الحين بضغطة زر تلقاه قدامك احيان تهزك رساله وتاثر عليك وتحس انك المقصود فيها وتخليك تعيد حساباتك واحيان تضحكك لحد ماتدمع عيونك واحيان تمر عليك مرور الكرام واحيان تتمنا انك مافتحت الرساله ولا قريتها لرداءت محتواها موقف كنت مره من المرارير اسولف مع زميله واخت لي وجتني مداخله من اخت ثانيه علاقتي فيها رسميه جدا جدا وياخزياه مع العجله كبيت العشاء عند الرسميه وما انتبهت الا من صمتها خلاني اطالع الاسم  الله يفشل العدوو واحيان كثيره تكونين ناسخه رساله قديمه وتجين تنسخين غيرها وع بالك الجديده انسخت وتسوين لصق وشيند بدون ماتطالعين وتلقينها القديمه وياما طيحتنا باحراجات كنت في بداية تعلقي بالخدمه واستقعاد الصقر لي فيها افكر اشتري له ايفون يلها فيه عيني هع بس تعوذت من الشيطان هو يمكن مو استقعاد بس انا زودتها حبتين ف البدايه مووووضووووووع يستحق الشكر لك ياجموره مني خالص ودي واحترامي الف الف الف شكر

الواتس اب خدمه ادخلتها ع ايام جهازي النوكيا من تقريبا شهر 7 الفايت كانت زميله لي تحاول ترغبني...

بطه بيضا :

الواتس و ماادراك مالواتس هع ف البدايه حبيته دحين لا نزلته علشان بس اتواصل مع صحباتي بس والله ع كتر ماهوه يسلي الاانه ضيع وقتي ف بدايته والي كرهني فيه انك تحسي نفسك مراقبه من بعض ناس وناس تسويلك حظر وانتي اصلا معاهم رسميه وناس كل مادخلتي ولا طليتي فيها نطتلك تقولك ليه ماسلمتي وليه وليه كله كوم فيه ناس ترسلك مسجات ودك تصفقيها تصفيق وع الاحراجات حدث ولاحرج هع ساعات اكتب كلام وبزياده نقطه يتغير المعنى الى شي مشين  وبصرااااااحه بصرااااااااحه الواتس والبرامج الباقيه تدي مجال لاصحاب الاقنعه المزيفه ممارسه هوايتهم المفضله الا وهي النفاق شكرا جموره ع الموضوع

الواتس و ماادراك مالواتس هع ف البدايه حبيته دحين لا نزلته علشان بس اتواصل مع صحباتي بس والله ع...

نونوه الحنونه :

الواتس سلاح ذو حدين والله يوم اشوف اخواتي يضحكو وهو مفتحين اعيونهم تقول فيهم شي يالله العافيه وتلقوا الغرافه فيها مجموعه بس كل واحد مشغول مع جهازه الله يديم النعمه علينا وع المسلمين يااااااااااااااااااااااااارب

الواتس سلاح ذو حدين والله يوم اشوف اخواتي يضحكو وهو مفتحين اعيونهم تقول فيهم شي يالله العافيه...

الدانه $$$ :

:44::44::44:للاسف ما ابعدني عن خربشات الا الواتس اب :icon33::icon33::icon33:ذا ياريميه تدورين جوالك بالقدر انا صرت احطه بالثلاجه حاسنا هالواتس

:44::44::44:للاسف ما ابعدني عن خربشات الا الواتس اب :icon33::icon33::icon33:ذا ياريميه تدورين...

همسه صادقه :

‏​‏​‏​ليست الجمعَ? مـِن تذكرني بكم !
فأنتم بالقَلب و الروح دائم ا ❤: 
ولكني ألتمس فيها صفاء القلوب !
لكونَها مباركـــ?
فأنتظرها بشوق لأرسل دعواتيْ
حفظكم الرحمن أينَما كنتم 😊؛ 
وأعطاكم ما تسألون وفوقَ ما تتمنون! ‏​‏​‏​رّبـيْ إنّها الجمـعَ? .. ۆ الجمعَ? مـِن خير الأيام عندك فـاكتب لـنا الخّير فيها وأسّعِد في?ا قّلوبَنا ❤.. رّبـيْ إنّ لَك عّبـادا ينَتظّرونَ فرجا قَريباً. فـبشرهم .. وعّبادا يَسألـونَك شفاءً فـعّافـِهم ❤ 😘❤✨

‏​‏​‏​ليست الجمعَ? مـِن تذكرني بكم !
فأنتم بالقَلب و الروح دائم ا ❤: 
ولكني ألتمس فيها صفاء...