reemeeah :

من ناحية الحنا كنت استنا يوم الخميس بالليل بفارغ الصبر وانا اشوف جدتي تفك كيس الحنا بسنها وهي جالسه قدام درجها وماده رجل وثانيه الثانيه وتكب من الحنا في غضارة ستيل بحجم الطاقيه بعدين تقوم وتتجه لمغسلة اليدين وتصب وانا واقفه بجنبها بيدي ملعقه ابي احرك الحنا انا تفرحني شوي بعدين تشيله عني وتخط اصابعها الخمسه وتحركه فيها وانا انط من الفضول ابي احرك الحنا زيها وان شفتها صدت يمين ولا يسار غطيت اصابعي الخمسه كلها زيها وفجأه القا كفي كلها داخل الغظاره لحظتها اسمع شهقه مع كلمة ريييييم بهاللحظه ماتشوفين الانقط الحنا على الزل السماوي تدل ع المكان اللي تخبيت فيه واكون جالسه وشاقه الضحكه لاني داريه انها ماراح تطقني واكيد زي كل مره بتمسك ايدي وتغسلها وانا مبسوطه ع اللون البرتقالي اللي واصل لين المعصم واحط ايدي ع انفي واشم امممممممممم يالله بهالاثناء تكون جدتي الله يغفر لها غطت الحنا بصحن ستيل وحطته ع طاولة المطبخ تستنا الصبح والشمس تطلع عشان تدفيه فيها قبل لاتحطه ع راسها وع الساعه ٩ تجي الشغاله الهنديه نوربي كعادتها بغضارة الستيل وتحطها ع الدرج حق الحوش وبعد صلاة الجمعه تكون جدتي جالسه ع الدرج وانا جنبها كالعاده ومعها مشط تغط في الحنا وتمشط وتعالي اسمعي القصايد عاد وريم يدها تتسلل كل شوي للغضاره وما تنتبه الا لما الا لما تصقع ايدي بطرف المشط وبنفس اللحظه ارجع خطوتين ع ورا وثواني الا القا نفسي قدام الغضاره ما اتوب وما اركد الا لما تمشط هامتي بكم مشطة حنا تسكيته ساعتها كاني لابسه ع هامتي تاج من ذهب مرصع ب الماس وياقوت وزبرجد من الفرحه حتا والله ما التفت ولا اتحرك واجمل شعور لما تنزل كم نقطه ع جبهتي واحس بدفا الحنا ع هامتي وما تكتمل رحتي الا اذا سمعت صوت وززززززززززز لما تشق الشيله بطرف سنها وتلفا لو خيط ع راسي عشان استشعر فعلا اني تحنيت بهالاثنا افز ركض لامي الله يحفظها وانا شاقه الضحكه واقول يمه صبغ يمه صبغ ع بالي بيصير باين لاكن انفخ بقربه مشقوقه شعري اسود ليل وكل انحط ع هامتي مشطه او مشطتين من الحنا بعد  ما انطق المشط ع الغضاره كم مره بعد الغدا انشب بحلق امي ابتروش اتروش كله ابغا اشوف لون ريح الحنا وهو يصب ع جسمي واشوف لونه وهو مخطط البانيو وصرااااخ لاتحطين شامبوووووو امي شريفه تقول لاتحطين ليوم شاااااامبوووووو ومن البس ع طول انزل واجلس تحت الشمس ع امل يبين لمعة حمرا ف راسي لاكن مااااااافيه امل هموووووووسه موضوعك قلب صفحات من الماضي ابتسمت طويلا وانا اسطرها لك جزيل الشكر

من ناحية الحنا كنت استنا يوم الخميس بالليل بفارغ الصبر وانا اشوف جدتي تفك كيس الحنا بسنها وهي...

reemeeah :

هلا هلا هلا هموسه كيفك غلاي ان شالله بخير

هلا هلا هلا هموسه كيفك غلاي ان شالله بخير