المشاركة الأصلية كتبت بواسطة @باتشي123@




الله يريحك بالعافيه هموسه





بس شفنا اخراجك تاخر





قلنا نفزعلك





:35::35::35:





المشاركة الأصلية كتبت بواسطة همسه صادقه




يالله يا بنت ام فيصل دقي لنا شوي ودي ارقص مين يرقص معاي ؟





ياهلا بقدووم خلي يوم جاني في محلي




ياهلا والفين سهلا والمهلي مايولي





عاشوعاشو عاشو




اسمع الصفقه وين





على قلبي





على راسي





بسم الله علي اذكروا الله وانا ارقص











المشاركة الأصلية كتبت بواسطة همسه صادقه




شفتي كيف باتشي





محد معاي بيقووم وين البنات شكلهم يطبخون وينفخون في مطبخ المخيم وحنا قلبناها رقص





ومافي احد غير كينونه مسدوحه ع السرير الله يعينها





ريووومه وينك ؟





المشاركة الأصلية كتبت بواسطة زهرة التوليب 2




مساء الخير حبوبات انا جيت نكما الروايه على بركة الله




اتصلت على بتوشه واخذت منها العنوان وها نحن شارفنا على الوصول وكاني اشوف اطراف الخيام ايو الله هذيلا البزران يناقزون عاد انا وبناتي وولدي انواع الاستهبال من الوناسه الي فينا تصفيق وتصفير وابو الشباب ماغير يسكت فينا لاكن لا حياة لمن تنادي الحمد الله نزلنا من السياره بسلام وشوف الوراعين مقبلين علينا عاد انا ماصدقت خبر عطيت كل ورع كيس وانا خذيت سلت القهوه والنعناع مع الليمون الي ما اقدر استغني عنه حتى بالبر




ويوم اقرب من باب المخيم الا والله شكل البنات جايبين طقاقه يافضحي قدام ابو الشباب والله ان يقول جنو رسمي ويوم ابقق عيوني لا والله هذي بنيه مزيونه مو بشكل طقاقه ونا لازلت واقفه عند بابي اتفرج وعاجبني الوضع وودي اعرف منهي الي معطيتني ظهرها وترقص وشويات الا والبنيه المزيونه تقول على قلبي تنكس عاشو عاشو دووووري دوووووووووووري وتدور الي ودي اعرفها




وتجي عيني بعينها لاوالله هذي هموسه ومع الدوران الكل التفت لي وقامو يرحبون ويهلون فيني وهاتك ياتبويس واعرفهم على ورعاني واتعرف على ورعانهم وبطريقي سالت عن البنيه المزيونه الي تغني وعرفت انها بنت ام فصولي ماشاء الله تبارك الله الله يحفظها ويبلغك فيها عروس ضيفوني الريميات من القهوه والمعمول مادري من فيهم مصلحته وانشدوني ان كاني افطرت وقلت لهم يارب لك الحمد مفطرين ومعينين من الله خير "وبس تعبت

المشاركة الأصلية كتبت بواسطة reemeeah
نرجع لروايتنا

راحوا يعالي يركضون للسياره اللي تضرب بواري الاها ام فيصل وولدها
فعلا ولدها نعم الرجل تربيه وصرامه وقوة شخصيه واحترام عسى لربي يطرح فيه البركه

انا عند باب الخيمه ماسكه بالحبل وقاعده اقز من ورا نظارتي الراي بان وودي اطلع اخذها بالاحضان بس فيه شي يقولي اثقلي يابنت ترا ابو شنب مشغل الرادارات حسك عينك تتهورين سوي دراسه قبل اي فعل او اي تصرف والزمي حدودك وخلك ثقل واتركي عنك الطفاقه لاتاكلين علقه محترمه مع صقرك قدام البنات ماتنسينها حياتك كلها

وبين المد والجزر في داخلي صحيت على صوت ام فيصل اتوقع لها ربع ساعه ماده يدها وتقول هلا ريميه ريميه شلونك الو ريميه ماصحيت الا يوم قربة يدها بتحطها على جبتهتي بتشوف كان فيني حراره اولا
انا هنا لقطت وجهي بسرعه وسلمت عليها هلا لا لا لا وانا اقول في داخلي وافشيلتاه الله يستر من تاليتها معك ياريمه

اقبلت بنتها معها قارورة مويه المنهل اول ماشفتها فاضيه قلت ياخزياه ثقلنا ع الناس عسى مانشقت وملت سيارتها قعدت احلطم بيني وبين نفسي اقول ومازلنا في بداية الاحراجات الله يستر من تاليتها
متس متس متس متس هلا والله ببنت ام فيصل كيف الحال ان شالله طيبه
متس متس متس متس هلا بالحلوين شلونكم

(اتحداكم تعرفون وشي متس متس )هههههه

المهم شويات الا المخيم امتلا من الريميات وانا مادري وش ابدي من الفرحه وودي كل شي اجيبه وكل شي اسويه
فلينا السفره بعد مافلينا الحجاج وافطرنا ع الكبده والمقلقل والفول والشكشوكه ااااخ بس شي مايطرا ع البال

ثواني الا عيالي يحنون فوق راسي يقولون يمه انتي قلتي كولو واستاجر لكم دباب هاه يالله فطرنا قلت روحو قولو لابوكم اذا سمح عطيتكم وفي داخلي اقول هذا ازين مافي طلعت الحرمه مع رجلها للبر تلقى احد تصرف فيه البزران وتنشبهم في حلقه هههههههههه
وما امداني الف اا راجعين يقولون بابا يقول اسالو امكم اذا وافقت استاجرت انا هنا قلت معليش استنوا لما يستاجرو الباقين عشان تنبسطون معهم يالله الحين روحوا العبوا وان شفتوا عيال الريميات كل ابوهم استاجروا علموني

نطت بنتي ترا كل واحد له دباب لحاله مو تستاجرين واحد ويلعب علينا اخوي الصغير يقعد يصيح وياخذ من وقتنا (يعرفون اننا دايم نحامي له )

راحوا عيالي يتسحبون وويشوشون للصغار وسوو علينا مظاهرات نبي دبابات نبي دبابات نبي دبابات
وعيون كل واحد في وجه امه ساعه وع الشنطه ساعه يعني بسرعه هاتي

لحظات والمخيم غباره طاير في الهوا وصوت الدبابات يملا المكان

فقدوني الريميات وقاموا يتلفتون يدوروني لقوني في وسط خيمتي الشراعيه اللي حاطه فيها اغراضي فاتحه الشنطه وادور الجينز حقي

المشاركة الأصلية كتبت بواسطة ضي 9
ولما وصلت المخيم الا والاقي كل الريميات مجتمعات 00 يارب جمعة الجنه
واسلم وانزل اغراضي 00 ويالله اشوفهم من غبرة المبزره 00 واصوات الدبابات
وبصراحه عجبتني جلابية ام فيصل 00 و

و سالتها ماشاء الله جلابيتك حلوه منين ماخذتها 00؟؟؟؟؟

المشاركة الأصلية كتبت بواسطة (( ام فيصل 2001 ))
تجمعوا الريميات الله لا يخلينا من بعض وضحك وسوالف وقهاوي وشواهي وفلة حجاج ونسال عن الحال والاحوال
والعيال لعب بالكوره وشوي بالدبابات الي اكررررررها موت وكاعادتي خليت الحريم وقعدت اتابع العيال ودباباتهم
انتبه يافصول لاتناظر ورى وانت تسوق وانت يا0000 على مهلك لاتسرع وانت0000 لا تغبر تصدمون ببعض ماحد يشوف
الثاني وعين عليهم وعين على الساعه متى يخلص الوقت وارتاح وقلت لرينيات لا تاخذون اكثر من دوره للدبابات
( هذا حالي والله اذا طلعنا مااحب الدبابات )
انتها وقت الدبابات وتنفست الصعداء ونفظت الغبار الي ماليني ورحت اكمل السوالف مع حبيباتي
سوو الرجال الغداء وتغدينا وقلنا خلنا ناخذ قيلوله ورنا سهره بالليل كلن سحبت مخده وحطينا روسنا عند بعض
وفيه الي غط وفيه الي تسولف من تحت البطانيه هههه اكيد عرفتوها متعوده على هيك سوالف دندونه

المشاركة الأصلية كتبت بواسطة همسه صادقه
دخلنا انا وبتوشه وقفنا على عند مدخل الحريم وانا وهيا ادخلي لا ادخلي انتي اول
الين احم احم دخلت انا اول السلاك عليكم وعرفتهم على طول هذي ام فيصل
وهذي ريوومه وهذي ضيونه يالله حيهم تدرون عااد حافظه اشكا لكم
من خربشات الصبح بتوشه هوه والعلوم والسوالف الا وصوت الدبابات بدا يحوم المكان
وانا يارب سترك بدري انا عندي اوامر ما اركب الدباب الا على قرب المغرب وانا اغلي من جوا
اضحك واسولف مع البنات وبالي مشغول بالدباب متى اركبه قيلوا الريميات
وانا ما جاني نومم ما احب قيلولة البر احب اطلع بر بما انه الجو مغيم والهوا
يرد الروح لا حقين ع النوم

المشاركة الأصلية كتبت بواسطة reemeeah
دخلت الحريم استهمهم على ركوب الدبابات الا ام فيصل متوسده شنطة الخلاقين وتسولف بصوت واطي وتقول لكينونه والله لو تجربين شنطتي حقت نفاس ان تدعين لي انتي ورجلك تالي الليل جربيها وماجاك علي وكينونه تبوسم وكانه ودها وقاعده تراجع نفسها

والتفت على هموسه الاها مركيه راسها على فخذ باتشي بحكم الموانه ومقابله شوشو وتقول لها مادريت ان النجديات فلاويات لهالدرجه صدق الله يكتب للي تسبب في هالجمعه الاجر تصدقون عاد اراود نفسي اخطب لعيالي نجديه والله اني حاطه بالي على بنت ريميه وش حليلها يكفيني امها هالاجوديه بنت رجال واكيد بنتها بتطلع عليها واشوف الاستفهامات بوجه شكولاطه وشوشو وكانهم يقولون طيب بناتنا احنا اولى من الغريب

مشيت خطوتين الى ضيونه بيدها الملقاط وقاعده تواسي الجمر وجالسه تهوجس وتردد بعض الابيات الشعريه سرقت منها هالكم بيت وانا طالعه تبسمت

يازين طلعة المكشات،، وأيامها الربيعية



يامحلى ذيك الأوقات ،، في جلسة أخوية


البر يعطينا حزات ،، ننسى هموم مدنية


شبة وقهوة مع أبيات ،، سوالف ليلة برية



اعجبتني جلسة ضيونه وجيت اقرب منها الا لفتتني دندونه جالسه تلبس نقابها عشان تطلع من الخيمه تودي بنتها للحمام بناء على شروط صقرها اللي املاها عليها قبل تطلع من المخيم وفي داخلي اقول الله يرضى عليك دندونه والله انك حرمه وتعجبيني مريت من عندها وحطيت يدي على كتفها وقلت الله يكثر من امثالك



ورحت لقيت جموره بزاويه كحلها سايح غطت عينها وصحت على صوت ولدها يصيح زالق بالطين اللي عند توانكي التغسيل وقامت وهي تحلطم لان قطع عليها غفوتها وجلست تغيرله



بلحظه شفت زهوره تصلح لها كوب نسكافيه لانها جايه من امس مواصله وتخاف يفوتها شي يالبا قلب ذا البنيه



لفيت ووالقا بدويه شيك ماسكه بيدها المرايه وتكحل عييناتها وتدهن وجهها بواقي الشمس ضحكت ولفيت



ولقيت مشتاقه جالسه تكلم اهلها وتمدح في المخيم والبنات وتعلمهم انها مبسوطه اعجبني وصفها



اقبلت طقطوقه وهي تنافظ من البرد توها طالعه من الحمام وتقول دثروني زملوني وجلست ع المركا قدام الشبه تقتبس من دفاها


قعدت اتلفت ادور كروزه لقيتها في المطبخ قاطعه لها ليمونه وجالسه تشفط فيها تعرفون تتنسى



واخيرا وقف قيني المطاف عند ام رسولي اللي شفتها جالسه تراقب الجميع مثلي وتوزع ابتسامات


لا ارادي جيت عندها وقلت شكلي ابجلس عندك ماودي اقطع ع احد رحبت فيني وجلست انا واياها نتماعط اطراف الحديث




الى ان .............................. ............

المشاركة الأصلية كتبت بواسطة @كــرز@
صباح الخير على الجميع
متس متس متس متس متس
متس متس متس متس متس
من كثر الريميات في المخيم كرز تمشي وتمتس عليهم
بعد القيلوله اللي اخذناها صحينا على صوت اذان العصر طبعا ضبانا مطاوعه الله يطول بعمارهم قمنا وشبينا النار (اموت بالحطب) وسوينا قهوتنا وشاهينا وملينا الترامس
اخذنا لزوم الجلسه من مقرمشات ومكسرات(قراقيش)
وطلعنا على الطعس اللي بجنب المخيم وفليناها تشك تشك تشك اتحداكم تعرفونه
ووناسه جلسنا نلعب على رمل النفود واشوف دندونه تسحب ريميه تبي تطرحها فوق الرمل عشان تتزحلق وهات ركض ودحرجه من اعلى الطعس طبعا ماحد يشوفنا مع المغرب نزلنا نبي نصلي ونشوف مكانننا فوق ثوشح بالابيض وكاننا في جبال الالب تدرون ليشمن قش الفصفص

ونزلنا وامفيصل تقول العشا بيسوونه الرجال وإلا حنا شايله هم العالم الاخت

المشاركة الأصلية كتبت بواسطة @كــرز@
بعد العشا تجمعنا بوسط المخيم سوينا دايره وجلسنا نغني اغاني الطقاقات وريميه ترقص
الاغنيه الاولى
ريميه يعتزون بها وثياب الشال تطربها
ريميه ياذهب صافي ريميه ضبي الاشرافي
طرع طرع طرع نصفق

وتمسك ريميه ضي وتجلس وضي تبدا تتمايل
ياصايغين الذهب عطو الذهب ضي
ضي ذهب والذهب يزهى بيمناها

وشوي شوي ونشوف بدويه شيك كان جاها زار مدري وش جاها قامت تهز رقبه وكتوف وتلفح بها القرون اللي تساحب
وتمسكها ام فيصل واباتشي
وانا اجلس اطق على القدر بقوه حياكم حياكم

اما سوسو والباقيات دخلن الخيمه يجيب خافن

المشاركة الأصلية كتبت بواسطة ضي 9
وجلست عند النار جلسه كلها سرحان وانسجام الا ريميه تجلس على الحجر جمبي 00 وتهمس وش مشغل ام البران 00

وارد عليها بقصيده تهمس بما في داخلى 00


اناء جالس عند النار ودفيان

ولاجلست بينك وبين ربعك ياحلوها المه كائننا اخوان

جلسه كلها سواليف ومافيها جحدان

وجلسه مع احبابك ومع قهوة الفنجال

وجلسه على النار كلها سراحان وانسجام

واناء احمد ربي وارتجيه ياربي لاتغير عليناء جلسة الخلان 00




المشاركة الأصلية كتبت بواسطة reemeeah
الى ان ...............

دخلت علينا بنت ام فيصل بدبة المويه
طن طن طنقع طنقع طن طن طن والبنات وراها مبسوطين
وهي تغني حبه حبه
الكل مع دخلتها جلس على حيله وجلس يصفق
قام البنيات يرقصون
وبنت ام فيصل شبكت الخطوط مع بعض خليجي على مصري على عراقي الى ان وصلت
لطق طق طق طق طق طق طق طق مين مين انا لين

وهالبزارين ردح مبسوطين مين يلومهم

دخلت علينا هموسه وهي تقول بنات الرجال يقولون ارسلو قدر الذبيحه والسكاكين لانهم بيطبخون العداء شهلو البنات وكل وحده بتورينا سناعتها
وارسلنا المهمه بحذافيرها للرجال لان اليوم يومنا ووقت العب ابتدا
مع صوت الرجال اللي يوم جو ينزلون الخروف عشان يذبحونه انحاش
وكانه يقول ترا مو بهالسهوله مرخصن عمري وامشي لحبل المشنقه برجولي على قد ماقدر ابكافح توني ماشبعت من الدنيا
وهات يامراكض سباق راليات يارجال اللي رابط ثوبه واللي عاضه واللي لاف شماغه عمامه واللي ماقدر يركض من الضحك واللي ماقدر يركض لانه من اصحاب الاوزان الثقيله واللي ماقدر يركض عشان مايخرب برستيجه وكل وحده شابكه ايديها وتقول صقري اللي بيجيبه صقري اللي بيجيبه
بثواني اشوف شنبي يقفز تلك القفزه كقفزة اسد على الفريسه ويمسك كرعان الخروف ويقول الحبل الحبل الحبل بيربط رجوله بعد مراكض لمدة ساعه الاربع ورا ذا الخروف
في هاللحظه لفيت على الريميات بكل فخر وزمره وانا اقول ماقلت لكم انه صقري بيجيبه
ورفعت راسي وانا اختال بالموقف وجلست امشي واقول بيني وبين نفسي محد قدي مادري الا انا سافطه في الارض على وجهي مانتبهت لحبل الخيمه المدود قدامي
وفعليا اكلت تراب
شكل وحده قايله كولي تراب يوم قعدت امدح بشنبي
بسرعه اعترفوا مين اللي قالت

المشاركة الأصلية كتبت بواسطة reemeeah
في القسم الثاني من المخيم ذبح وصلخ وتقطيع وتحميس هذا الوضع كان عند الرجال
اما انا بعد ما اكلت تراب حالتي حاله
وقلبي مع اسناني بس الحمدلله عدت على خير

ارسلت رساله لصقري قلت ارسلي مع العيال دباب
ثواني الا جوالي يرن
بعد التميلح ومسويه فيها رقه ونعومه جاني الرد بتعالي ورا الخيمه وطوط وطوط وطوط
جلست القط وجهي وسويت نفسي قدام البنات مازلت اسولف مادروا ان كل اللي سمعته 3كلمات بس وبعدها تقفل الخط بوجهي ومع تقفيلته سودت الدنيا بعيني من الفشيله وما ادري وش نوع التعابير اللي طلعت على وجهي ذيك اللحظه بس بعد ثواني من البربه وانا حاطه التلفون في اذني كاني اسولف رن الجوال من بعلي المصون مره ثانيه وهنا بغيت اطيح من طولي من الفشله وافشيلتاااااه واخزيتاااه ليتني ما قعدت امثل كمل الناقص
قلت من اساسها خاربه خاربه وماخفي كان اعظم
بس الاتصال كان يقول اذا جيتي تطلعين تغطي زين

رحت وانا عارفه رده عشان كذا ماتجرات اكلم وارسلت رساله بس دايم تنقلب الموازين
وانا وحده ثنين مابحكي عارفه اللي لي واللي علي بس هالمره من شدة الحماس والفرحه نسيت مبداي

رحت قلت ياغالب يامغلوب يكفي كم فشله اكلتها من جينا
يكفي اني اكلت تراب من رفعة راسي في صقري خخخخخخخخخخخ
مع اني وانا رايحه عارفه اني باكون مغلوبه على امري بس لازم نحاول ولا نياس

رحت وانا بطني في قلبي اقصد قلبي في بطني من الروعه
وماهي الا ربع ساعه الا وانا جايتهم من ورا الخيمه
عن عن عن عن عن عن عن بالدباب

المشاركة الأصلية كتبت بواسطة همسه صادقه
انا عاد شفت لريوومه كثرت اتصالاتها واشوفها ناعمه حبتين عرفت الشغله فيها ملاهي ولازم تتميلح وتتمصلح
انشغلت دقايق اسولف مع كينونه تحكين معاناتها في الحمل الا وصوت الدباب فقع اذونا وعيال ريومه يتناقزون يمه انا بعدك انا بعدك
قلت عن اذنك كينونه خلينا ادق على ابو الشباب يحجز لي احسن دباب في الديره وبالمره ابغى اكيد ريومه بالدباب حقي احسن من حقها ارسلت له رساله مبدئيه كالعاده مارد عرفت انه ما سمع نغمة الرساله مامعاي صبر دقيت عليه قلت له حبيبي "ابيك تحجز لي احسن دباب وبسرعه ابغى الحق ام فلان قالي وحنا اش اتفقنا عليه الدباب ع المغرب قلت له
الله يهديك يابوفلان هذا البر مو مثل البر حقنا في الليل يقفلون اصحااب الدبابات وما ينفع بالليل قالي يعني لازم منها قلت اي
والله لازم انت تعرف انا احب اركب الدباب قالي يالله الله يعين عليكم حريم الي بروسكم لازم يتم
قلت واويارب لاتحرمني مشكور يابو فلان عسى ربي يخليك
ودقايق والدباب من ورى الخيمه والاولاد ينادون يمه تعالي ابوي يقول خذي الدباب ولا تمرين من قدام قسم الرجاال ولا تروحين بعيد حسبي الله يعني هالتوجيهات ماسمعتها بالجووال لازم يسمعها القاصي والداني عااد انا شفت الدباب وكبر وحجمها نسيت كل شي واركب الدباب واصيح يام فلان قصدي على ريوومه استنيني جايتك والعيال يصيحوون يمه ابوي يقول لا يسمع صوتك
وعن عن عن ماحولك احد بالحق ريووومه

المشاركة الأصلية كتبت بواسطة أم رسولي...
عاد أنا قمت وقلت لازم أسوي رياضه وأتمغط وأتحرك وقلت من يقوم معي والتفت على البنات أبغى أحد يقوم معي قامت أم الشقى وهموسه وربطنا عبياتنا على خصورنا وشدينا اللثمه على وجيهنا ومشينا قالت كينونه لو مو حامل أنا كان جيت معكم ,,, مشينا وأعجبنا النفود الكبير قلت لهم وش رأيكم نتسابق ونشوف أول من يطلع عليه وبدينا ونركض على النفود إلين وصلنا آخره وجلسنا من التعب وقعدنا نلعب بالتراب قالت هموسه مو هذي الريميه ناظروا طرحتها طايره في الهواء ونزلنا من النفوذ وتطير جزمتي في التراب وتغوص وأقعد ادور عليها ,,,,ونزلنا وأنا مقهوره عليها


المشاركة الأصلية كتبت بواسطة reemeeah
عن عن عن عااااااااااااااااااان عاان عووون عن عن عن فرووووم فرااااااااااااااام فريييييييييييم فرم عن طراع طروع كح كح كح (خطا مطبعي )

وهات ياتخميس وهات ياتطعيس هات ياسلاسل وهات ياعقدات
وماتشوفون الا الغبره ورا ريميه وهموسه طقتها الغيره وجات وراي تنافس
حريم

وانا لافه من ورا المخيم اشوف ذا اللي تنقب في التراب تدور الشوز حقها وعشقت وادعس عندها
الاها ام رسولي مادري شلون غاصت جزمتها في التراب وهي تمشي
مادري الحموله زايده
او الارض فيها امنا بالله واعجبتهم الجزمه واخذوها
او ام رسولي قاريه قصة سندريلا قبل لاتجي للمخيم وحابه تحتك شويات

بهالحظه عزمت ام رسولي على دبابي عشان اوصلها للمخيم
وهنا جا على بالي اصير نذله شويات مع انها حبيبة قلبي احبها بس خلينا نفلها وربي يحلها
واركبها وراي
وادعس بكل ماوتيت من قوه وارفع غزاله واطير وام رسولي تقول وااااااااااااااااااااااااااااا اااي ابي عيالي
ترا ان مت ترا عيالي بذمتك وانا غشيانه من الضحك عليها
وانا اقولها اختك راعية طاره لاتخافين وكركركر كر كر كر عليها
وهي الدموع والدعاوي والاذكار وكل مالذ وطاب شفناه من فم ام رسولي
ريميه انتبهي انتبهي
قلت ماعليك يابنت الحلال باذن الله موب جايك شي بس استمتعي
تفرجي وفكي الشعر وخليه يطير مع الريح هو كل مره بتحصلك فرصه تركبين دباب معي
قال ريميه تراني موصله من الروعه ابي الحماااااااااااااااااااااااااا ااااام
هنا انا وقفت بسرعه لدرجة بغيت انقلب
قلت لها وشو دحدري دحدري بسرعه لاتجيبين العيد علينا
روحي المخيم على رجولك وخوذي نعالي بس انتبهي لاتضيع
قالت تصدقين ان ركوب الدباب موب شين
قلت معليه اركبي بس امسكي نفسك مو تنكبينا
قالت ابد ماعليك ادعسي اختك تعجبك
وادعس للمخيم
ويوم اقبلت الا الجمهور يصفق ويصفر اعجاب بالعرض اللي سويته في ام رسولي ويوم جيت انزلها قلت عطيني 50 حق التوصيله الله لا يهينك مايخدم بخيل معليش حنا في بر وتعرفين الواحد لازم يامن مستقبله في هالاثناء كل الريميات كانوا ناشبين لي يبون دوره في الدباب ويوم اسمعوني اقول لام رسولي هالكلام كلن انسحب خخخخخخخخخ
ويوم جيت انزل من الدباب اكتشفت اني مالبست بنطلوني الجنز

في هالاثناء سمعت صوت ضيونه تقول الرجال يقولون صلحوا السفره الغداء جاهز

المشاركة الأصلية كتبت بواسطة كوين ذا هاوس
عاد البنات كلهم راحوا الى راحت تركب الدباب والي راحت تتمشي في البر وانا جالسه على كرسي مقابلة الخيمة حقتنا واندب حظى الى والاب توب في حظنى واخربش في المنتدى ويوم شافنى ولدى كسرت خاطره بعد قلبى حنين ويجيب لى الددسن ويركبنى فيه من وراى ويقوم يمشينى وانا لابسة النقاب والعباية يطيرها الهواء على بالى راكبة قارب في وسط البحر واقوله لا تروح لم البنات عاد هو اخذ طريق ثانى بعيد عن الرجال يوم شافونى البزران وكلهم يطامرون يبون يركبون ونركبهم كلهم ونبدا ننشد هوى البر ومره ياسعودية وانواع التصفيق والصياح انا والبزران اخر الزمن اللعب معهم

المشاركة الأصلية كتبت بواسطة كوين ذا هاوس
واذا جوالى يدق وانها ضيووونة تقول الغداء جاهز ويوم جينا نرجع والعيال والبنات الصغار يصيحون لا مانبي نرجع دوبنا بدينا الحماس واوعدهم بعد الغداء برحه ثانية بس نبي الى تسوق فينا واحده من البنات علشان ناخذ رحتنا

المشاركة الأصلية كتبت بواسطة reemeeah
دبغنا في الغداء الذبيحات يالله الجنه وطبخ امممممممممم انما ايه بس ماندري مين اللي طبخ الغداء من الرجال عاد مندي ياهملااااااالي شي
وتعالوا شوفوا كاننا مرشوشين كل وحده تتثاوب من جهه بس طبل بنت ام فيصل في يدي وكل ماشفت وحده مبنجه وقفت عند راسها وطن طن طن طن طن طن لحد مايطير النوم اول الامر تكشر في وجهي واسوي نفسي ماشفت وفي الاخير تضحك من موت اعصابي
وان شافتني اقفيت رجعت ونامت
ويوم شفت ان مافيه فيده فيهم النوم
رحت لابو شنب استاذنت منه مفتاح سيارته بحكم انها قريبه من قسم الحريم وهات ياتضريب بواري طاااااااااااااااااااااااااط وطاااااااااااااااااااااااط
طاط طاط طراط طاط
طاط طاط طراط طاط
بيبيبيب بيب بيبيب بيب
اوم القلق اليوم ريميه لحد ماشفت الحريم كولهم طلعوا بين الخيام والتفوا حول الشبه وهم مبرطمين علي
في هاللحظه جيتهم وانا خشتي لاذاني واقولهم جبت روسكم يالحلوين ولاوحده ردت
جيتهم وقلت وش رايكم نلعب غميمه ابروح اتغبا وانتم دوروني
طيب

قالوا يالله

وارووووح بكل لكاعه واندس بفراش البر حقي اللي حاطته في خيمتي الشراعيه وادعسها نومه بعد الغداء والارهاق وهم يدورون ومايدرون وين تغبيت مادروا اني بسابع نوم وصوت شخير واصل للربع الخالي
الى دندونه ذكيه دقت على جوالي وتسمع صوته في وسط خيمتي وتجي وتطب علي وتحوسني بفراشي تقول يازينها لك وياشينها لنا وحنا يالمخفات صدقناها مادرينا انها وحده ملكعه اخسي يالريميه اثرك وحده منتيب سهله وانا ميته عليهم من الضحك اقول ياحبيلكم مشت عليكم

(ترا الموقف سويته من جد في طلعه من طلعاتنا مع عماني )

عاد انا رحمتهم وصلحت لهم قهوة المغربيه وطلعت لهم حلاي من السياره والبساكيت والشابوره ومالذ وطاب وقعدنا ننقنق على دفا الشبه وكلن يسدح سالفه شويه

المشاركة الأصلية كتبت بواسطة همسه صادقه
خلصنا من الدباب بعد ما روعتني ريوومه بالتخميس والتطعيس قلت ارجع المخيم لسا احب الدنيا وراي عيال وزوج
واوصل عااد على سفره الغدا وعلى دورة المياه اغسل وجهي المقوط من الشمس وانا ودي اتروش لو ما اخااف يتشرهون علي البنات بتتروشين في البر قلت لا بس بتشطف خفت من ام فيصل تقول المويه بتخلص وحنا تونا باول النهار والبزارين سرى على الحمام تشطفت وخرجت على سفره الغدا وعلى اشهى كبسه من ايدين ابوالشباب اكيد له لمسات فيها
وسلطه من ايدين كينونه الله يعطيها العافيه تغدينا وشبعنا وريحنا للعصر جاات ريوومه تسوي للبنات مسابقات وجوائز

المشاركة الأصلية كتبت بواسطة reemeeah
بعد ماصلينا المغرب قربنا الحليب حول النار وجلسنا نشوي الذره وابو فروه ونتقهوى ونتشهوى ونفصفص ونسولف والحنك شغال اربع وعشرين على اربع وعشرين

رحت دخلت انا والشغالات وجبت الهدايا المعتبره اللي من الهزازي وصفيتها فوق بعض وجبت كتيب المسابقات
وجلست اسالهم
بطريقه هزليه ممتعه ماتخلو من التريقه والطقاق اللي ينتهي بضحكات يالبا قلوبكم يالريميات وارجع اسال مره ثانيه
في الاخير
حبنا الدرجات وقبل لا اعلمهم النتايج شرطت عليهم ان كل وحده تفك هديتها قبل لاتقوم
وجلست اقول
المركز الاول اممممممم شوشو وااااااااااااااااااااااااااو خوذي هديتك وافتحيها
الاها اكبر الهدايا فتحتها وكانت المفاجئه (كرتون اريل 10 كيلو خخخخخخخخخخخخخخخخخخ)

المركز الثاني اممممممممممممم جموره الهديه استلميها
وااااااااااااااااااااو فتحتها وكانت الصدمه كرتون الويز كركركر كر

المركز الثالث اممممممممم ام فيصل ولك الهديه واااااااااااااو مكياج لعبي ههههههههه

المركز الرابع ام رسولي وهذي هديتك افتحيه وفتحتها الاها ليفة جسم ذيك القديمه اللي زي الجديله


المركز الخامس والاخير شكولاطه رضاعة اطفال اكبر مقاس خخخخخخخخخخخخخخخخخخ

تعالت الضحكات وانبسطوا بالهدايا اكثر
رسمنا الضحكه على وجه الجميع وكل وحده قلبها بيطلع من مكانه من الفرحه والوناسه وتدعي ربها بينها وبين نفسها يارب تمم علينا على خير

وبدا العد التنازلي لطلعتنا وروايتنا
اللي اتمنى ان تكون احداثها نالت اعجابكم

المشاركة الأصلية كتبت بواسطة بدويه شيك
الناس فى الغذاء ويضربون بالخمس وبدويه تدور لها ملعقه بتاكل..وجعانه والخليقه الكل ياكل ومطنشها ..الا ريميه تحن عليها طبعا بعد ما اكلت وقربت تشبع قامت معها تدورلها ملعقه ..وتناظر بدويه البنات بحسره وتقول الله يسامحك يا ماما ما علمتنى اكل بالخمس متلهم ..انهم لا يدعونه يبرد ..واشوى الا الجوال يدق ..واناظر بعينى له واقول هدا وقتك يا سبعى ...واطنش وادورى فى السلات على ملعقه ..وفى عز ما ادور الا ريمه تصرخ بصوتها المبحوح طبعا من التراب والغبار بعد رحلتها فى البر على الدباب ...حصلتها ..وناظر بسرعه والفرحه ذابحتنى خلاص باكل ..الجوع ذابحنى ..ويا فرحه ما تمت شوكه ..يالله مو مشكله واجلس اكل بالشوكه وادعى على من اخترعها عساه للجوع .الجوال ما زال يغرد ..والكل انزعج منه وارد الا سبعى عارفنى ما اكل غير بملعقه ..واتريه مشترى ملاعق ومعاه فى السياره وبيعلمنى بها ..خلاص الكل شبع وقام غير انا بشوكتى فى الصحن ..واقوم واترك الصحن وقلبي معاه ..بس المغرب افتريت فى الحلا والشبورات والسبشات ..

المشاركة الأصلية كتبت بواسطة reemeeah
اخذنا الجمر وحطيناه في المناقل عشان الشوي
تكفلت كينونه وشوشو وشكولاطه وطاقيه بالحمص والمتبل والسلطه وبابا غنوج
وتكفلت ام فيصل وبنتها وام رسولي بقلي البطاطس
وتكفلو الباقين بتجميع العفوش
وتكفلت انا وضيونه وهموسه ودندونه بالشوي
كل الشوي انتبه ياولد انتبهي يابنت نهف وقلب في ذا الدجيجات بنات المؤذن يالبا قلبهم
ومانسينا البصل اممممممم شي وريحة الشوي واصله وين
وبحكم ان الكميه كبيره بدينا الرجال وجلسنا نشوي وكل مجموعه نوزعها على طول عشان نلحق

وزعنا الببسي والبيرندا والسفن والخبز والثوم المطحون والسلطات والمتبلات والمقبلات وقرون الفلفل
وسمينا بالله بعد ما اعطيت جموره ملعقه يمكن تحتاجها باكل الدجاجه ههههههههههههههههه

كل وحده تبلع لقمتها وتبلع معها غصه لان الرحله قربت تنتهي

جلست اتامل وجيه البنات الكل مبسوط والكل فرحان والكل وده يقطع قلبه للثاني هذي تقوم تبي تجلس الثانيه مكانها وهذي تحلف ماتبي الببسي مع اني شايفتها يوم تاخذه وهذي تغرف لبنتها ويوم جا ولد الثانيه تعطيه اياه

يالبا قلوبكم يالريمات وفعلا تحقق
يشد بعضه بعضا

ضفينا العفوش وركبنا الاغراض ونظفنا المخيم بعد ماتركنا اثار وبصمات تسطر عبر التاريخ قبل ان تترك اثر على ارض المخيم
ورجعنا للبيوت بعد يوم حافل بكل معنى الكلمه

ورجعت ريميه لوضعها في النهار تدور في النت طريقة حلا سريع وفي الليل تدور في النت طريقة رجيم سريع

المشاركة الأصلية كتبت بواسطة reemeeah
انتهت الروايه