العباره السابقه ليست مقتبسه من مسلسل لبناني وليست مأخوذه من مذكرات جولييت ولا عنتر يقولها لعبله ..
بل كانت من صوت انثوي ااعرفه جيدا..
فتحت عين وقلت : تراتس مضيعه يالحلوه بيت البيطار آخر الشارع ,, وكملت نومي ولكن المفاجاه انني سمعت نفس الصوت يعيد نفس العباره اللي فوق .. ماهي السالفه ؟
استيقظت ورايت قدامي امي تحمل في يدها طبق فواكهه وطوفريه فيها فطور من كل ما لذ وطاب
مااخفيكم اني بكيت نعم بكيت و قلت في نفسي اكيد ان امي اصيبت بالزهايمر ..حسافتس يا يمه توتس صغيره ,, ثم قلت لها : انتي امي ؟
قالت : ايه يا قلبو
قلت : لا تستهبلين انتي اكيد فتوشوب
قالت : لا يا قلبو
قلت : طيب ولا تزعلين انتي بور بوينت
قالت : عن المصاله وتعدلي يا بنت قريح ,, وبسرعه غيرت لهجتها وقالت : هههههه الله ياخذ شيطانك يا توتو دايم تضحكيني بتعليقاتك الكيوت..
قلت : طيب وشلون كذا ! انتي مره حليوه و وتقولين توتو وقلبو وتدلعيني ,انتي اول ما كنتي كذا كنتي تمعطين شعري الين اقوم وتدخلين في خشمي منديل.. انتي ما كنتي تسميني الا غلطة حياتي ,, كيف كذا تغيرتي يمه ؟!
قالت : يالله يالله قلبو قومي افطري وانا بروح اصحي بابا واخوانك
قلت : بابا ؟ منهو بابا انتي تقصدين يبه ؟ ابونا حقنا ذا ما غيره ؟ الشايب اللي كل يوم تتفلين على باب غرفته وتقولين : ليتهم رقدوا ..
قالت : اهههه اهههههههه شيطانه انتي شيطانه ..
قلت : وحتى صرتي سامجه يمه وحكيتس حكي خكاريه وكب كيك , وش صاير في الدنيا وش صاير في بيتنا من انتم مين ؟! انتي منتيب امي انتي اكيد توأم << الله من السباكه
خرجت من الغرفه وهي تضحك وتركتني وانا في حالة ذهول ,, ارتديت ثيابي ومن ثم فصختها بسرعه لاني شميت فيها ريحة عطور وبخور وانا جسمي لم يتعود على هذه الروائح ,, اصبت بحساسيه فانا لا احب الروائح النتنه هذه .. ذهبت لابحث عن ملابس نظيفه ولم اجد الا ملابس وصخه كلها عطور ,, لبستها وانا اتحقرص واتحكحك ثم طلعت الى الصاله ..
ما سلمت كالعاده لاني سواء سلمت او ما سلمت لا احد يرد السلام في هذا البيت ,, ولكن فوجئت بان الجميع يقول لي وعليكم السلام ورحمة الله وبركاته ,, قلت : حليتوا الواجب يا حلويييين ؟ وانا اقول في اعماقي : تبا لك كم انتي ماصله
وفوجئت بأن الجميع يضحكون ويقهقهون وانا طايرتن عيناي .. مالمضحك في الموضوع ؟
لقد قلت اشياء اجمل في السابق واخف دم ولم اجد منهم الا الرفس والرشق بقواطي الببسي الفارغه .. اخذت امشي بكل حذر وهدوء واقتربت منهم وقلت محاوله جس النبض : انتم مصاخين ؟
قالوا بصوت واحد: مصاخين في حبك يا قلبو
ذهبت الى الحمام وطرشت ثم رجعت لهم وقلت : بطني يعورني فيه مسكن ؟
قالوا : قلوبنا وعيونا مسكن لك يا قلبو
ذهبت مره اخرى الى الحمام وطرشت ثم عدت وقلت : انا تعبانه واحس اني بموت هذا يغير شي في الموضوع ؟
قالوا : تموتين بحبنا مثل ما احنا ميتين في حبك يا قلبو
ذهبت الى الحمام مره ثالثه وطرشت مصاريني واحشائي كلها رايتها في المغسله ثم رجعت الى الصاله واذا بهم يبتسمون .. وانا في حيره من امري لا ادري مالذي اصاب هذه العائله التي كانت تلقب بعائلة الجن ,, فجأه اصبحوا كلهم طيبين ويحبونني مع اني كنت دم ضروسهم سابقا,, جلست بالقرب من ابي واذا به يحمل ايفون ويكتب في الواتس اب : اللهم اسعد بنتي توتو,, زعلت وقعدت اصيح واقول لماذا لم تكتب يا قلبو<<مشكلة المقطوعين
ثم اخذ يطبطب علي وقال غالي والطلب رخيص وعدلها وكتب يا قلبو ,, لما رأيت ان الوضع هكذا وان الجميع مستسلم لي فكرت في الاغتصاب اقصد الاستغلال المادي ,, فقلت لأبي : ابتاه انا احتاج للذهاب الى السوق ناقصتني اغراض ابي قروش
فقال : تامرين امر ولو ماعندنا قروش ابيع نفسي عشانك
فقلت لا يا ابي لا تبيع نفسك فانت كبير ولن تجيب سعر زين..
قلت هذا الكلام محاولة استفزازه لكي يرجع الى وضعه الطبيعي ولكني فوجئت به وهو يقول : كم انتي حكيمه يا قلبو,,
اقترب اخي الكبير مني ومد يده للسلام .. فقلت : نعم ماذا تريد؟ قال : سلمي علي فانا مشتاق لك
قلت : طيب وش علاقة الشوق في السلام شايفني من زمان وشوله توك تسلم ,, خططك هذي لا تمشي علي انت تحمل في يدك الجمره الخبيثه وتريدني انا اسلم عليك حتى تنتقل لي واموت
(طرالي الاشاعة اللي منول يوم انهم يقولون لا تفتحون ظروف الرسايل لان فيها جمره خبيثه )فابتسم وقال : لا يااختي انا احسست بأنك تحتاجين الى حنان
فقلت : ليه حنان يعني عشانها خويتك ؟ انا احتاج الى عهود ,, واذا باخي يضحك بشده ويقول كم انتي ظريفه هذه ذبه رائعه يالغلا
فذهبت الى الحمام ولكني لم اطرش هذه المره بل اخذت اتمقل في وجههي بالمرايه و قلت اخاف ان انا منيب انا واني فتوشوب
خرجت اليهم واذا بهم يتهامسوون وعندما اقتربت سكتوا ,, فقلت : ماذا تقوولون؟
قالوا بصوت واحد: سلامتك يا قلبو
يوم شفت الوضع هكذا قلت خلاص انا لازم استغل الفرصه واخذ الفلوس واذهب لكي اتبضع واشتري بعض الحاجيات ,, اخذت القروش من ابي و ذهبت الى السوق وعندما وصلت توجهت الى متجر البائع ابو صالح الذي يكرهني وعندما ولدتني امي قال لابي :حطها عند المسجد يا رجال مواريها مقشع..
وقلت : هيه انت يالشايب عطني الكحل ,, واذا بابو صالح يبتسم لي ابتسامه عريضه ويقول : توتو ابنتي التي لم الدها
فقلت بسرعه : وتعترف انك حرمه يا زلابه
فضحك ابو صالح وقال انني احب كلامك العفوي الذي يحسسني بانني اعيش في الزمن الجميل زمن عبدالحليم وام كلثوم
قلت له : لايكثر انت حدك زمن بشير شنان وابو منى ,, اعطني الكحل ايها العجوز الاخرق
فضحك مره اخرى وقال : سمي ياتوتو ,, كبرتي كثيرا واصبحتي امرأه
قلت : ملاحظه متاخره يا غبي انا من زمان كبيره .. نسيت امس عندما كنت جالس مع اخوياك الخمه وعندما مريت من عندكم قلت انت بصوت عالي : ياالهي ان الشباب ينتحر فيك , وثم ضحكت انت واخوياك الشمطاء
قال :كنت احاول لفت نظرك لانني مشتاق لنظراتك يا ابنتي
فقلت له : اقطع واخس وهات الكحل تراني منيب معطيتك فلوس لان ابوي ماعطاني , معطت الكحل من ابو صالح ثم ذهبت الى متجر ام صالح زوجته واذا بها نائمه كالعاده.. سرقت منها مااحتاجه ووضعت ورقه مكتوب عليها : انا زوجة ابو صالح الثانيه خذي الحساب منه ياكويحه
عدت الى البيت وانا اتسائل في نفسي يا الهي مالذي اصاب هذه العائله لمااذا اصبحوا خكاريا هكذا << مشكلة اللي ماتعود على الدلع
قالت امي وهي تبتسم وبعد سكوت طويل : بصراحه يا توتو حنا عندنا شي سنقوله لك وهذا الشي لمصلحتك ويجب ان توافقينا عليه لانه سيدر الخير الكثير علينا
قلت : هاتي ما عندك يا امي كلي اذان صاغيه
واذا بأخي يضحك ويقول بصوت واطي : ايه هين مسالة ان كلتس اذان هذي منتهين منها
رفسه ابي وقال : بسرعه قم وحب راس اختك يا كلب
جا وحب راسي وعندما خلص مديت له يدي وقلت حب يالله,, وعندما حب يدي مديت له رجلي وقلت وذي بعد حبها وحبها وهو يغلي ومنقهر جدا ,, وعندما اعطاني ظهره قلت : تعال تعال نسيت حب خشمي ,, ويجي الكلب طاير يبي يحب خشمي واقوم ارفسه ,,
ايه وش تحسبون الشرف لعبه؟
اكملت امي حديثها قائله : ياتوتو اتفقنا انا وباقي افراد العائله ان نجعلك تشتركين في برنامج ارب ايدول ,,انتفضت من مكاني والتفت يمين يسار وقلت : انا ؟
قالت نعم يا توتو انتي تمتلكين كل المقومات التي تاهلك للاشتراك فصوتك جميل جدا ورائع
قلت ولكن يا اماه انسيتي ايام منول يوم انك تقولين اذا غنيت ان انكر الاصوات لصوت الحمير ,, نسيتي عندما كنت اغني واتيتي انتي وقلتي : ذا الحفريات حتى بيتنا وصلته
قالت : لا يا حبيبتي لا تخافين اذهبي الى هناك وعدلي من شكلك قليلا ومع تمارين الصوت سوف تفوزين صدقيني يا ابنتي سوف تصبحين مشهوره وغنيه وسوف تتغير حياتك
اخذت افكر بما قالته امي واقلب الفكره برأسي وقلت : موافقه بس بشروط , سوف افصخ العبايه وسوف اسافر لحالي وسوف اذوق النبيذ نوع فودكا وسوف اسبح في البحر وانا ارتدي المايوه الغير اسلامي واروح الى مرقص وارقص على اغنية وينفر وينفر
واذا بوجهه ابي يحمر ويخضر ويده تتجه نحو شعري ولكن امي وقفته عند حده <<وش الجديد؟
وضحكت وقالت : ااااهههه موافقين موافقين
قلت هذه الشروط على امل ان يهونو
ولكن المفاجاه انهم لم يهونوا ! ولم يعد بيدي شي سوى الاستسلام للامر الواقع والذهاب الى بيروت ,,
تكفل ابي بايصالي الى المطار وعندما وصلنا قلت له : يالله مع السلامه اشوفك في الفردوس ان شاء الله <<لتس وجهه تجيبين طاريها عقب الانحلال اللي فوق ؟
وافصخ العبايه وانطلها على ازين واحد في المطار <<كيفي وانا اغراء :07:
ولا اسمع الا صياح ابوي من بعيد : هيييييييييييش هيششششش واتى مسرعا ولفني بالعبايه وهو يتمم فضحتينا فشلتينا استحي اختشي ياخرابي واعيباه
جرني الى كراسي الانتظار وانا انظر الى سقف المطار واقول : سبحان الله افلا ينظرون الى الابل كيف خلقت<<:icon30:
قمت من مكاني ورحت لم السكيوريتي وقلت له : لو سمحت اريد تذكره وحده لركوب التلفريك اللي في السقف وابي مركبه لحالي لو سمحت ,, قال وش تلفريكه ؟ عن ماذا تتحدثين هذي عواميد يااختي من الواضح ان اكشخ مكان قد رحتي له هو سوق التعمير ,, ارجعي الى ابوك الله يخلف عليك وعليه ,,
تبقى قليلا اصبروا