مسكينه الي تخبي كل شي ،،، هذي تلاقون اخبارها بكل مكان الا عن اهلها تحسب محد يدري.
حامل وكرشتها اكبر منها، مسافره والعالم كله صارو يسافرون ،طبخه حلوه والناس مدحتها ماتعلم الطريقه .....
بالقوه يحطون لهم خصوصيه ،، ترى خلاص السناب والانستغرام صارت تعلم من غير ماحد يتكلم ،،،

الخصوصيه هو انه عندي سر خطير لو افشيته معناها راح يخرب اشياء كثيره. او ممكن يسبب مشاكل
او يكون عندي مشروع مستقبلي ماعرف فشله من نجاحه مثل اطفال الانابيب ! او مشروع تجاري

الخصوصيه مثلا غرفة نومي ماحب احد يدخلها يفتش!
الخصوصيه ماحب زوجي يقرا محادثاتي مع اخواتي او زميلاتي. !
معاني كثيره بس مو الي منتشره بالمجتمع

من وجهة نظري حياتي مع زوجي واولادي كلها خصوصيه ما احب احد يدخل فيها او يعرف عنها شي كذا افضل 😊

موضوع جميل مع اختلاف الارآء

انا اشوف الخصوصيه مع الزوج بالذاتتت احس الناس
يهمها تعرف هذي مبسوطه ولا عادي مدلعها رجلها ولا حب
فضووول بس فالافضل الوحده تتكتم عن معامله زوجها لها سواء زينه او شينه
والحمل تخبر فيه اللي مقربات لها ويهمهم امرها مثل الام والخوات وام الزوج ان كانت اجوديه وطيبه
والصديقه يعني كل وحده ادري بالقريبات من قلبها
الغمووووض حلووووو مو الوحده تتكلم عن حياتها عند كل من هب ودب ..

شوفو الاولين يقولون سر بيتك يابنيتي لا يطلع مشاكلك مع زوجك واسرار بيتك الخاصه ومواقفك مع زوجك الخاصه . واللي بعدهم قالوا داري على شمعتك لا تنطفي . يعني حتى على خواتك وصديقاتك . مب تخبي على اته وتقول لصاحباته اللي ماتدري وش نياتهم ووش ظروفهم يمكن تكون اسوء من ظروفك والنفس تفز غصب والعين تصيب بعد غصب .. تقدرين تسولفين في كل شي عن مواقف عيالك او عن ثوبك او اشياء ثانيه بس امور البيت الخاصه ماتطلع حتى سفراتك اذا كانت لدول اجنبيه لان فيه ناس محرومه ، 
يعني حتى اختك و مرت اخوك اوصديقتكلابد الغيره موجوده والحسد  .

للاسف فيه البعض مايعرفون شي اسمه اسرار وكم بيت خرب بسبب لسان صاحبته . وانطبق عليها المثل اللي يقول جنت على نفسها براكش .
ا افتن لا والله بس الواقع والصدق . كم صديقه نصحت صديقه وخرت بيتها وكم اخت غارت من اخته وخربت عليها علشان بس تصير مثلها والقصص واجد .
تتكلم الوحده على حسب ظروف اللي عندها اذا هم اقل منها ماتوجعهم بسوالفها لانهم مثلا محرومين من هالشي او ظروفهم ماتسمح لهم . الحين لو بتصير مشكله بين زوجه وزوجها الكل بيتبرا منها لو تطلقت والكل بيخاف منها ومن غينها وبيبعد عنها . فما احد بياكلها غيرها .
اما بخصوص مو واللي مسويه فلاويه وعادي الامر وتسال على كلامها بحسن نيه وش دخلها . يعني الحين اللي تسال انتي حامل او باي شهر ليه تسال بتولدها يعني والا بتشيل معها . خلاص دريتي انها حامل اسكتي وخلاص ، الحرمه ساكته وبين عليها مايحتاج تسال اذا حامل او لا مايكفي اللي تشوفه والا سماجه بس . لان بالنقطة ذي مابه حسن نيه . واللي تسال وع الجنين وش دخلها بنوعه ولدها والا ولد الحرمه والا بتقضي له ملابس تناسب نوعه . احس ان الحريم بعضهم يتدخلون بامور مالهم دخل فيها .وهذي اسميها مب حسن نيه اسميها لقافه . الحرمه حره اذا حبت تعلم احد بتعلمه ، ماعلمتك وش له السؤال . بعدين شي طبيعي اللي بتعرس بتحمل وش له الاساله . 




الاولين ابخص واحكم من الجيل اللي يسمي لقافته مسمى على النيه . .  

ام تر
عجبني رايك الله يسعدك