اخاف انه مخطط على الطلاق ويكسرهم زي مكسروه الرجل اذا انقهر انتقم والله يكفينا شر القهر والانتقام
اخوك اجلسي معه وحاولي تعرفين وش عنده حرام يبلي بنت الناس
اما اذا تاكد انه راغب النسب مع هذي العايله لانه تشرف وناس ينشرون بالذهب فالله يوفقه ويسعده

تزوجها عشان يعرف اخبار حبيبه 💞
هو الان خسرها ك زوجه لكن مايبي يخسرها طول العمر💔
يبي تظل موجوده ف حياته ك اخت زوجته
يعرف اخبارها ويطمن عليها
وزوجته راح يعيش معها ويحاول يبني معها اسره كاي زوجين تزوجو زواج تقليدي

الي أعرفه ، إن الرجل ما ينسى ابداً الإهانة ويردها لو بعد مئه سنه ، ومسأله يبي من ريحة حبيبته انسوا !!

اختلف مع رأي اغلب العضوات

قصة اخوك مشابهه لقصة اخو زوجي
اخو زوجي حب بنت مرره وتقدم لها ولكن اهي في كل مرة ترفض وهو مصر عليها
يمكن تقدم لها 3 مرات واهي ترفض ما تبيه

والانه رجال كويس وابو البنت ما حب يرده وعجز مع بنته فلمح له ان يخطب الاخت الصغيرة

وفعلاً خطبها

وتزوجها ويحبها مووووت وطااااير فيها وجاب منها ثلاث بنوتات اقمار

واختها يعتبرها زي اخته

وكان سببه انه حاب يناسب العائلة نفسها


وتره الحب الحقيقي بعد الزواج بالنسبة للمرأة والرجل

يعني البنت الاولى كانت مجرد خيال بالنسبة له لا كلمها ولا شافها ولا عاش معها ولا يعرف طبعها
مجرد حب من بعيد !!

يعني تتوقعي انه راح يتعلق بالوهم هذا طول عمره ؟؟!! ويربط حياته بحياة انسانة ثانية عشان وهم وحب وخرابيط

تتوقعي ان اخوك تفكيره سطحي وسخيف لهدرجة ؟؟!!

ما اعتقد اختي انه خطبها عشان يكون قريب من اختها

الاحتمال الاكبر انه حاب يناسب العائلة نفسها وان نصيبه موجود في هالعائلة

وبعدين خطيبته تقدر تجيب راسه وتخليه يحبها ويعشقها ويتعلق فيها
اكيد اهي فاهمة انه فعلاً كان يبغي اختها بس العلاقة الزوجية تختلف عن تصورات وخيال وحب من بعيد
يعني العلاقة الي بين الرجل والمرأة مؤثرة وواقعية وتلمس القلب والروح اكثر من مجرد اوهام وحب خيالي

وبالعكس الرجال ينسى اكثر من الحرمة

الان الرجل بطبعه يحب بعينه والمرأة تحبه باذنها
والي بعيد عن العين بالنسبة للرجل بعيد عن القلب

اي ان الرجل يحب الي يشوفه ،، الي يقدر يلمسه
المرأة العكس قد تعشق رجل من كلماته من صوته او حتى كلام كتابي

المرأة عاطفية والرجل واقعي

تأكدي ان خطيبته اذا عرفت كيف تتعامل معه وتكسبه وتخليه يحبها ويعشقها فاختها راح تكون اخته
وبتكون خطيبته هي حبه الاول الحقيقي

الرجل ممكن فعلاً ما ينسى امرأة حبها وبينهم ماضي كزواج مثلاً او علاقة حب قوية
ممكن تعلق في ذاكرته لكن ما توقف حياته او يظل يبكي الاطلال عليها ويرسم خطط للانتقام ومدري ايش ؟؟!!

واهله ما وافقوا عليه الا وعارفين ان كل شي قسمة ونصيب وانه الحب الحقيقي يكون بعد الزواج والرجل يتعلق في الحرمة بالعشرة والمعاملة وتكووون ماااليه عينه ومكفيته

فلا تسمعي للي يقولك ان براسه شي

ادعي ان الله يسخر قلبه لخطيبته ويسخر قلبها له ويسعدهم

وانا رأيي انك تنسي هالموضوع وما تقلقي عشانه و ما تستبقي الاحداث وترسمي السيناريوهات
وتحطي اسوأ الاحتمالات
مع ان الشي الاكيد والواضح للكل انه مشى بحياته وخطب وبيتزوج وبكره بيجيب العيال

وهالقصة انتهت بمجرد زواج البنت وخطبته الاختها فلا تعطون هالقصة اكبر من حجمها وتهولوا الموضوع وتتوقعوا ان بيصير شي سيئ لا سمح الله

الان ان شاء الله ما فيه الا كل خير

الحب وعمايله. الله يعينه.