انا انسانه تفكيري واسع جداً ، لذلك ممكن تستغربين بس اعطيك رايي
و ب اتكلم معاك بالعقل بعييداً عن العاطفه و ب شفافيه ( و اعذريني ع هالشي )
نبدا ب الامور العقلانيه ،
انتي بنت ب عمر 22 سنه ، و هو رجال متزوج 2 المتوقع انه ب الاربعين ويمكن اكبر !
طيب بغض النظر عن انه لعاب او لا ،
( لان طبيعي شايب يبي بنت صغيره ب يغرقها بالفلوس لو تطلب مليون اعطاها بكل قلب بارد ، اهم شي توافق عليه ! )
خلي تفكيرك واسع شوي
انتي بعد 10 سنين ، بتتغير نظرتك ب تنضجين اكثر
كلنا لما كنا ب عمرك همنا راحة بالنا ، مو مهم الزواج او مين نتزوج ولا يهمنا شي اسمه رجل !
بس اوصلي لل 25 و اكبر
ب تتغير نظرتك ب تعرفين ان الزواج شي لابد منه ، ب تحتاجين تكوني مع رجل فاهمك قريب من عمرك ، ب تحتاجي لما تجيبي اطفال يكون ابوهم شخص واعي و فاهم يعرف يربيهم و يتعامل معاهم
الان لو اخذتي رجل ب سن الاربعين
بعد 10 سنين ب يكون بالخمسين و مقارب ل 60 !
تخيلي انك الان خلفتي طفله ! لما يوصل عمرها 10 و ابوها شايب ب عمر 60 سنه كيف ب يربيها ب مراهقتها ؟ كيف ب يتعامل معاها وهو مو قريب من جيلها ابداً !!
و انتي ؟ وقتها تكوني انسانه ناضجه عاقله ب عمر ال 30 محتاجه رجل يوقف معاك ب تربية اطفالك ، و زوجك وين ؟ و الله صار شايب طايح غير انتي تعتني فيه ! لان طبيعي زوجاته اللي قبل ( صاروا عجايز لانهم اكيد من نفس الجيل )
ف مافيه احد ب يعتني فيه غيرك ؟!
وسعي تفكيرك و فكري ل 10 سنين او 15 سنه قدام !
ثاني شي نجي للشفافيه ( و عذراً ع كلامي )
بس انتي بنت بذا العمر ! كيف ب تحضني رجال قد ابوك ؟ كيف ب تتقبلي منه الرومنسيه !
لا تقولي م يهمني ! لاا ابداً م فيه بنت م يهمها ، هذا شي فطري فيك و ان م استوعبتيه الان ، بكره تكبرين و تحتاجينه !
يعني تخيلي وضعك معاه ؟ كيف ب يكون ؟ اتمنى تفكري ب ذا الوضع ! ابسسط شي بوسه ! كيف تتقبلينها من شايب !
( ارجع اعتذر ع كلامي للمره الثالثه بس جد ابيك تستوعبين شوي )
انتي بنت من حقك تاخذي واحد لك لوحدك ، لا تقولين م يهمني الان م يهمك بس بعدين ؟ ب تكون حياتك ناقصه ثلث رجل ثلث عاطفه ثلث قلب ، ب تمر عليك ايام ب تحتاجي زوجك يكون من جيلك حتى ب سوالفه م راح ترتاحين ، لانه مو نفس الجييل ،
الزواج حياه ، فكري ب جميييييع النواحي ، انتي مفكره انه زوج غني م يهمك اذا ب يجيك يوم كل ثلاث ايام ! بس هاليوم اللي ب يكون عندك كيف ب تتقبلي معاملته ؟ كلامه ؟ سوالفه ؟
و لايجي ببالك ابببداً انك تتحمليه يوم و يومين تطلعي ع كيفك ! لا ابداً م تدري يمكن يكون معقد و يحبسك حتى عن اهلك !
لا تتركي الموضوع للحظ !
فكري الف مره قبل تقدمين ع هالشي ب الذات ! اختلاف الاجيال يتعب النفسيه ، جربي تجلسي مع عجوز يومين فقط ، وشوفي تتحملينها او لا !
انا انسانه تفكيري واسع جداً ، لذلك ممكن تستغربين بس اعطيك رايي
و ب اتكلم معاك بالعقل بعييداً عن...
انتي بنت توك باول شبابك باول حياتك باول طريقك مايصير تقطين نفسك على واحد اكبر منك ب٢٠ سنه
والاسباب كثيره منها كيف تتقبلين تعيشين من ناحيه العلاقه الزوجيه معه تراه شايب والشيبان معروف يقرفون ادري مو كلهم بس والله من يتعدون الخمسين يشيبون ولايهتمون بانفسم يعني بصراحه من ناحيه العلاقه الزوجيه يبغالك واحد بعمرك عشان تستمتعين واعتذر على الصراحه بس هذا الصدق
وثاني سبب بكرا تجيبين عيال منه حرام انتي بتبلشين فيهم ماراح يساعدك ب ولى شيء بتكون كل المسؤليه عليك ولانه شايب ومارح يقدر يتفاهم مع عيالك ولا هو قادر يربيهم بصراحه العيال باول اعمارهم سهلين على المهات بتربيتهم لكن وربي من يوصلون مرحله المراهقه ماتقدرين عليهم وخصوصا الاولاد بكرا يصير بروح مع صديقي بسوي نفس صديقي بشتري زي صديقي فرضا بيوم بغا يجتمع مع اصدقائه وهو بعمر ١٦ سنه مثلا وتقولين له لا وقالك ماعلي منك وبمشي ومشا هل بتلاحقينه بالشوارع وين رحا وين جا مع مين راح مع مين جا وهالعمر يبغاله تربيه صح يعني ببساطه يبغاله رجال يضبطه واذا كان ابوه شايب فخلاص غسلي ايدك فيبغاله واحد متنشط يقدر على تربيه العيال بشكل عام والشايب مايقدر يعني باختصار حتى من ناحيه التربيه مايقدر يربي!!
والسبب الثالث صدقيني هو بعد ١٥ سنه او ٢٠ سنه انتي تكونين ام ٣٥ ام اربعين يعني توك بيصير عاله علييك واعذريني لكن من جد بيصير يبيله هو لحاله عنايه غير عياله وعاد انتي اللي بتاكلينها !
والسبب الرابع بصراحه معليشش كيف ترضين تكونيين مع زوج غير انه شايب عايب يشاركنه معاك حرمتين هذا اذا ماجاب الثالثه لاتقولين مايهمني وماغار لاحبيبتي الحيين مايهمك صدقيني بكرا يتغير كلامك واسألي المجربين !!
والسبب الخامس المفروض هاذا ماتتزوجينه وتثقين فيه ولا حتى تختارينه شريك حياتك تدرين ليش لانه واضح عليه لعاب معلييش متزوج ٢ من قبلك والحين بيتزوجك يعني اكيد بياخذ الرابعه ومو بعيده يتسلى معك ويطلقك اذا خلص منكك وبعدها اذا تطلقتي بتاكلينها لاسمح الله يعني وحتى اذا ماتطلقتي اكيد بياخذ عليك وحدا ومابتتهنين بحياتكك!!
وسادسا ما تحسين انك مذنبه بخصوص انك وافقتي عليه وخليتيه ياخذ على حريمه ادري بتقولين اذا ماخذني بياخذ غيري ادري بس لاتكونين مشتركه بالذنب وبعدين لاتفكرين انه يعددل صدقيني مارح يعدل شلون بيعدل على ٣ اذا طلع هاذي لازم يطلع هذيك اذا سفر هاذي لازم يسفر هذيك اذا اهدى هاذي لازم يهدي ذيكك واذا وكل هاذي يوكل هذيك صدقيني صعبه عليه ومارح يعدل حتى لو عنده مال قارون وبعدين تخيلي جاراتك كبر امك ليش وش حادكك عل الضيم انتي مو محتاجه ولا انتي فقيره ولا فيك مرض ولا فيك عيب عشان تاخذين واحد اكبر منك ب ٢٠ سنه
نصيحه اخيره لا توافقين لان الفلوس مو كل شيء وخصوصا ان حالتك الماديه متوسطه ولله الحمد ولا فيك عيب ولا عذروب عشان توافقين عليه خذي بالنصيحه وخوذي واحد بعمرك تتسلين معه تعيشين العلاقه الزوجيه معه صح ويربي عيالك صح ويهتم بنفسه وكمان ماعندك جارات وقرف انتي طلبتي النصيحه فاخذي فيها تكففين اتمنى تبشريني انك ماوافقتي وان شاء الله يجيك الاحسن منه 💛💛.