خطوات عمليه عشان تعرفي انتي موهوبه في إيش؟؟؟

تكملة لموضوعي السابق عن أهمية اكتشاف نقاط القوه الي ماشافت الموضوع ياليت ترجع له لانه مقدمة هذا الموضوع

كيف أعرف انا موهوبه في إيش اول شي أجيب ورقه وقلم وأكتب فيها الأشياء الي بشوف نفسي موهوبه فيها وهي بتسمى نقاط القوه مثل الكتابه...الرسم....القياده بمعنى شخصيه قياديه...الخياطه...التصميم....اي مجال بشوف نفسي فيه...


... ومن لستة نقاط القوه صفي ثلاث اشياء فقط تشوفي نفسك فيها أكثر وتكون من الممكن تطوريها عشان تكون مصدر دخل والأهم من هذا كله مايكون فيها محظور شرعي لاتجيني وحده مثلا تقول صوتي حلو وبغني ركزي على موهبه تدر عليك الرزق الحلال... طيب كيف بعرف هل النقطه الي اخترتها فعلا انا موهوبه فيها او يتهيأ لي ... اقولك موهبتك لها علامات ايش هي؟؟؟....




اولا مثلا وحده قالت انا موهوبه في الكتابه ....العلامه الأولى هل سبق وأحد قالك إنتي موهوبه في الكتابه ؟؟؟هل لك سجل نجاحات سابق في الكتابه في المدرسه او غيرها؟؟؟اذا نعم هذي اول علامه.....


ثانيا هل تشتاقي للكتابه ؟؟؟هل تقولي متى يجي الوقت وامسك فيه القلم وابدأ اكتب؟؟؟اذا نعم هذي ثاني علامه




ثالثا هل تتعلمي بسرعه وتتطوري بسرعه في مجال الكتابه؟؟؟هل تحسي انك اذا دخلتي دوره في هذا المجال راح تتطوري بشكل كبير ؟؟اذا كانت الاجابه نعم علامه ثالثه




رابعا هل تحسي بعد ماتخلصي كتابه انك أشبعتي حاجه ناقصه فيك ؟؟؟وحتى بعد ماتخلصي كتابه وتتعبي فيها هل بتحسي بطاقه رغم التعب ؟؟؟اذا كنتي بتعملي في غير نقاط قوتك راح تستنزفك ولكن اذا كنتي تعملي في مجال نقاط القوه بتحسي ان البطاريه مشحونه حتى وان بدى عليك انك متعبه جسديا لكنك مشبعه روحيا ونفسيا ....




هذي اربع علامات من علامات القوه اذا اجتمعت في موهبه فيك فقولي أيوووه هذي هي نقطة قوتي حاولي تطوريها وتنميها ....


طيب كيف اطورها؟؟كل ماقرأتي عن مجال موهبتك اكثر ومارستيها وتدربتي عليها اكثر كلما تطورت ....وكيف أكون مميزه في مجالي ويشار لي بالبنان؟؟؟
هناك ثلاث دوائر تسمى دوائر الابداع اذا اجتمعت فيك راح تصير ابداعاتك غير عاديه...
١_اعملي في ماتحبي وما تعشقي....لاازم أكون مشغوفه بالعمل... اختاري اكثر نقطة قوه تشكل عشق بالنسبه لك
٢-اعملي في ماتتقني الحب وحده لايكفي اذا ماكان معاه اتقان لو انا بحب الشعر مش معناته إني أتقن كتابة الشعر
٣_اعملي في مايدر دخلا اذا كان في مكسب مادي بتحسي انه شغلك جالس يفيدك وراح تتفجر عندك طاقة الابداع لان مجال تحبيه ويوكلك لقمة عيش
وقضيه ثانيه الناس على ثلاث أصناف في منهم مخه تجاري وفي مخ اداري وفي مخ حرفي لازم تكوني واحد من هؤلاء الثلاثه لاتقولي لا انا بصير كلهم مستحيل يعني اذا فتحتي مدرسه بتصيري صاحبة مخ تجاري واذا اشتغلتي معلمه بتصيري صاحبة مخ حرفي واذا صرتي مديرة المدرسه راح تصيري صاحبة مخ اداري لكن بالعقل هل يمكن تصيري الثلاثه مع بعض ؟؟؟استحاله انتي لازم تعرفي مكانك فين من بين هذي الادوار الثلاثه لانه كل منهم يكمل بعضهم البعض اعرفي ايش هو دورك ايش هو مجالك ايش هي نقطة قوتك؟؟؟


وكذلك ممكن تجلسي مع اولادك ان كانوا في سن التمييز واكبر وتتبعي معهم نفس هذي الخطوات لازم كل واحد يعرف نقاط قوته من بدري عشان ينميها ويطورها ويصير انسان مبدع في مجاله اذا كبر ان شاء الله


هذا كان تلخيصي الشخصي لمحاضرة الدكتور رشاد فقيها مدتها ساعه ونص اختصرتها لكم جدا ممتازه استفدت منها شخصيا وحبيت افيدكم 💖💖