كوبونات الراقية تسجيل الدخول

ايام العمر
ايام العمر •
فعلا هنا اكثر من تسال:
1\ وشلون تكلمينه اذا مابعد تمكلتي!!!!

2\ على اي اساس يمنعونه من السفر 3 سنوات علشان ضيع اوراقه !! شي مايدخل العقل ولا يقبله!! ومثل ماقالت احدى الاخوات الرجال عندهم اختلاق الاعذار ابلاااش .. فتحققي من الموضوع ..

ولو صارت حقيقه اقترح عليك تاخذين فلوس السفره او نصهاا وتخلينها في البنك باسمك علشان ماتضيع عليك ...

والان نجي للجد ..
تقبلي كلامي بصدر رحب.. وما انا الا اخت لك في الله ..
شكلك بنت دلال يعني اهلك موعدينك على السفرات والروحات والجيات وطبقتكم الاجتماعيه من هالنوعيه ..
لانك قلتي وش بقول للناس اذا سالوني .. والناس اللي حولي يسافرون ..
!!
بعدين وش عليك من كلام النااس!! ياختي اناس ماوراهم الا الكلام والهذره على الفاضي

اخيتي :
اول شي بيت الزوج يختلف كليا عن بيت الاهل ..
ثانيا عمر السفر ماكان سبب يعوق الزواج.. انا فاهمه وضعك كعروس وودك تتمتعين بالسفر ويحق لك هالشي وانا معك لكن عمره ماكان سبب انه ياخر زواجك لـ3 سنين زياده !!
بيضيع عمرك على هالحاله!!

وبعدين السفر لاي مكان مع زوجك بيكون حلو لانك بتسافرين ..بتغيرين جو والاكثر من كذا انه شي جديد مع زوجك ..
بتسكنين فندق .. بتروحين مطاعم .. الخ ..

وان شاءالله السفرات جايه ..

واحب اقولك اذا كان هذا تفكيرك من البدايه فاسمحي لي هذا غلط !!

يعني لو تحبين زوجك صدق كان انتي معه على الحلوة والمرة ..

وبعدين موب يمكن خيره لك انك ماتسافرين ترى الخيره فيما اختاره الله ..

تعوذي من الشيطان وادحريه ..

والله يوفقك ويسعدك
ام كرشه
ام كرشه •
إم آدم إم آدم :
اختي في شغله انا مش قادره افهمها ليش منعوا من السفر ثلاث سنوات ؟؟؟؟؟؟؟ انا اعرف الاوراق الرسميه يقدر يحصل غيرها وين المشكله ؟ يعني عندكم هذا النظام في البلد ؟؟
اختي في شغله انا مش قادره افهمها ليش منعوا من السفر ثلاث سنوات ؟؟؟؟؟؟؟ انا اعرف الاوراق...
:32: :angry:
زهره :)
شاكره لكي ردك وانا معك لكن صدقيني الموضوع هذا فيه احراج كثير بالنسبه لي
يعني لو حنا متزوجين ومر على زواجنا سنه او سنتين او حتى عشر سنوات وقلتله خلينا نسافر وقالي لا ماراح ازعل ولا راح يفرق عندي لكن تخيلي شهر عسل بدون سفر .. :(

ام ادم :)
منع السفر يصدر على من ضيع الجواز بس يعني الاوراق الرسميه الثانيه
يطلع مكانها بدل فورا
شاكره لك ردك :)

ام فيصل :)
هلا بك اولا وشكرا لك ثانيا
لكن انا ماتفرق عندي الفلوس انا ابغى اسافر معه على الاقل نتجنب الكلام اللي راح يطلع
يعني شوفي هذا كم رد من البنات مشككين في الموضوع فماباك في مجتمع كامل ؟؟
بالنسبه لحلك راح افكر فيه :p


دموع الندم :)
هلا بك صح كلامك وهذا اللي مبردها علي شوي وبرضو هو ماهو مسافر لانه مجرم او ارهابي هو مراح يسافر لانه مضيع جوازه
الله يقدم اللي فيه الخير ويمكن زي ماقالو البنات يمكن خيره اني مااسافر
شاكره لك مرورك ياقمر


برتقال :)
صدقيني انه حاول كلم مدير جوازات الشرقيه بكبرها وهو يقربله لكن مافيه فايده
مافيه خير مايخدم الا للي فيه مصلحته تعرفين عاد انتي اللي متولين مناصب
وهو برضو قال بحاول لكن المشكله لو مالاقى
هذا قانون ومو من ا لسهوله نلاقي طريقه نخرج منها..
شكرا لك مرورك ..
ام كرشه
ام كرشه •
إم آدم إم آدم :
اختي في شغله انا مش قادره افهمها ليش منعوا من السفر ثلاث سنوات ؟؟؟؟؟؟؟ انا اعرف الاوراق الرسميه يقدر يحصل غيرها وين المشكله ؟ يعني عندكم هذا النظام في البلد ؟؟
اختي في شغله انا مش قادره افهمها ليش منعوا من السفر ثلاث سنوات ؟؟؟؟؟؟؟ انا اعرف الاوراق...

:) dode&tweety
هلا بك ..
لا منعوه من السفر لانه ضيع بدل الجواز
يعني هو ضيع جوازه اول مره وطلع بدل وهذا ثاني مره يضيعه :(
مهمل الاخ وش السواه :(
صدقيني هو قال انو بيعوضني وبدل 20 يوم اللي بيسفرني فيهم راح يخليهم شهر الو شهر ونص برا المملكه لكن عالكلام بعد كم بعد ثلالث سنوات لكي ان تتخيلي الوضع؟؟!
يعني معقوله شهر العسل بعد مرور 3 سنوات على الزواج !!؟لا وبعد احتمال يكون عندي اطفال ؟!!!
يعني فرحه سفر الايام الاولى تتقارن بفرحه السفر بعد 3 سنوات ..
وانا عارفه حبي له راح يخليني ارتاح باي مكان انا معه لكن
الناااااس والاحراج والقهر !!
شاكره لك ردك ..


ريماااااس
هلا بك اولا
ثانيا وشبلاك تدفين كذا :)
ياقلبي حنا اللي يشبك عليها يكلمها على طول هذي عاداتنا ..
عارفه بتقولين دين ومايجوز ومن هالكلام لكن هذي عاده من العادات
اللي الى الان ماغيرها الدين ..


المشغوله
ايه يحرم من السفر من اضاع بدل جوازه هذا غير الفلوس الللي يدفعها كتعويض والتحقيقات..
اما الاوراق الرسميه الثانيه لا عادي بس يروح يدفع المخالفه وتطلع بنفس اليوم او اليوم اللي بعده



ranooo
حشاااا ماني متزوجه رجال هذا وحش ..
لا وش عودى ترا الرجال مو واحد وتختلف ..
احد يكذب على نفسه اولا ويكذب على زوجته مستقبلا ثانيا
وبعدين وش مصلحته احد مايبغى يسافر شهر عسل هذا غير الاحراج
اللي راح يواجهه من سؤال الناس
وخطيبي رجال كبير ناضج يعني ماهو من الشباب اللي ببدايات العشرين
يبغى يتزوج علشان ينبسط ويستقر مو علشان يكذب
وبعدين الرجال هذا من نفس قبيلتي ويقربلي يعني عارفته زي نفسي
شاكر لك مرورك ..


ايام العمر
1- جاوبت على هالسؤال بنفس الرد
2-ليه مايدخل العقل هذا قانون معروف ومطبق ولو تسألي اي شخص عارف
بهالمواضيع راح يقولك نفس الكلام ومثل ماقلت قبل مافيه اي شي يخليه يكذب
الحمدلله الرجال مقتدر =يحب السفر جدا =مخطط معي وين بنسافر=مرتب كل شي


وكل كلامك صحيح في اللي قلتيه لكن تخيلي وضعك
عروس ماراح تسافر وش بتقول للناس وكيف تتخيلين
انك مثلا بتقضين شهر في ابها او جده وانتي مرتبه على اوروبا !!
وزي ماقلتي يمكن خيره طلع لنا هالموضوع..
ايام العمر
ايام العمر •
^
^
^
اسمحيلي ياختي .. من بدت حياتها بمخالفه شرع ربها !! وشلون تبي باقي حياتها تكون !؟

ياقلبي حنا اللي يشبك عليها يكلمها على طول هذي عاداتنا ..
عارفه بتقولين دين ومايجوز ومن هالكلام لكن هذي عاده من العادات
اللي الى الان ماغيرها الدين
^
^
^
مقتنعه بكلامك !!
وش دخل العادات بالدين .. هذا ديـــــن كلام ربي !!

اذا عاداتكم على كلامكم ماغيرته فانتي غيريه ..

لكن شكلك وانا اختك فري .. يعني عادي كل شي عندكم ..
واسمحيلي بهالصراحه ..

والعذر منك اذا غلطت في شي
ام كرشه
ام كرشه •
هلا ايام العمر ..
شاكره لك رجوعك للموضوع ..
لكن زي ماقلتلك هذي عاده الكل هنا وانا متعوده على الوضع هذا من الجميع
ويمكن مثل ماقلتي حنا فري شوي وماندقق كثير على المكالمات

بتقولين لي حرام انك تكلمين رجال غريب للحين ماتزوجتيه
بقولك انا اكلمه لغرض انو نتفاهم ونخطط لحياتنا
وهو عند الجميع خطيبي وبنتزوج
لو انه يشوفني اقولك صح لو اني اتكلم معه بمواضيع غلط اقولك
كلامك صح لكن انا اكلمه قدام الكل وبمواضيع محدده ومفهومه
لغرض شريف ..

لك رايك وانا لي رايي وهذي عادات ودرجه تفكير كل شخص وتفتحه تختلف
وبالعكس انتي ماقلتلي الا كل خير وغرضك هو النصح والخير

شاكره لك ردك :)