من بوه يابنات
وين المشرفات وراهن كمشن
يا من غير شر ياام الروايع عسى ماشر
لكن يالله بأم سلطان وام اسيل البركه
عساهن على القوة
وه حررررر ، وه معت ، غديت ودتسه ، هفوووو عليّ،،سلطوووو كل المكيفات عليّ
او تدرون فضو لي فريزر اقعد بوه ، ايه تسذا ازين ، ايه تسن تسذا احسن،
الحين اقدر احتسي واسلم
بنجور عليكم وياااااهلا بكل الحبايب والغالين على تسبدي
مشتاقه لكم خير الله
وشلونكم ؟ وش علومكم ؟
انا بخير عساكم بخير
والشكوى لله انقطعت عنكم فوق الشهر بسبة السفر
واللي جرجرت بوه اللاب توب وقطع ومصع قلبي<< والله لو انه حدا عيالي ما سويت بوه تسذا
والبربلم ما اشتغل بذاك !!
كله من العصلى تأبوطه مصعت الله يعظم اجره الشاحن حقه
وقعدنا ببلا اتصال بالعالم الغالي ،، عالم حولاء , اوه سوري قصدي عالم حواء
لكن وش اقول امر الله وشق القربه
اقطع ايدي إن نصفكم ،،او تدرون ثلاث ارباعكم بيدخل للموضوع ومهوب عارفين وش الهرجه
يعني يبي يدهدر دميجته ويطلع
والسبب اختلاف اللهجه
يعني يامجنونة ابوها وامها اصرف لتس اطلعي من الموضوع من آصره هههههههههه
وان تطورت بالموستقبل ابي اوظف لي موظف يترجم هرجي للمتغلبات بفهمه خخخخخخخخخ
الموهيم يا بونيات يامملوحات ياعشاق المعلقات
اقصدى يا مغلوبات على امركم تقابلون قرق ام دحومي
من اوله الى حكاكته
وتراكم إن شاء الله مأجورات هاهاها
يعني عادت ريما لعادتها القديمه ابو طبيع ما يخلي طبعه
بالعروبي الموضوع الى حدما طوووويل
بس بوه الفايده ، واللي مهوب متحمل يطلع والقلب
داعي له ،، وله من أم كلثوم الف جغفه ايه وراكم استغربتوو وطيرتو عيونكم !!
عقبكم صرت ام كلثوووم
لاني لبست وطجيت نظاره شمسيه
وغديت بالنظاره السوداء تسني هي خخخخما نقصني الا تسان منديله ههههههههه
ماعلينا الحين وشلون ابدأ بالموضوع وشلون
؟ وشلون؟شوفوا ابي اخاقي لكم لين يطلع موضوع زين
<< كل ذا تراه من تأثير الحررررر
ويالله النجاة من النار وإياكم وكل مسلم
يعني لاتشرهون عليّ إن قطيت خيط وخيط
يالله اهرج <<< والحين احد صاك اثمتس
شوفوا ياطويلات العمر هالصيف ذا صيفنا بعوربا
وياشي شفناها بذاك
نسأل الله من فضله
علشان كذا كتبت هالموضيع
واللي يبي يكون على شكل مقارنة بين ديار عيال بليس وديارنا
اوتسيه!!
شوفواااا
اكتشفت اشياء واشياء بذاك ،، عقب ماقررنا هالمره إن تكون تنقلاتنا من دولة لدوله
ومن مدينه لريف والعكس بسياره
استأجرناها في ذاك وكان رفيقنا اللي يدلنا طويل العمر(العم قارمن ) الله يحفظه خخخخخخخخخ
وهذا الله يسلمكم جني يشتغل على الاقمار الصناعيه ههههاي
عاد اقولكم
يا جاني يابنات تكه تـــــــكه الله يكفيكم شره
كله من التعرقل والتكتف
والسبب حمار الامان ،، قصدي حزام الامان
اللي ماعمري جربته الا هالمره
لا استغفر الله العام
باستراليا يوم انقز واطير من محلي هاك اليوم اللي ركبنا مع سواقة الدقسي
والشرهه على اللي يركب مع مره
لانه فرملت فرمله قويه وهي ماقالت لي<<<يعني تستأذنتس خخخخ
وكانت النتيجه اني طرت ونقزت لقدام وانا خبري بنفسي ورررررررررررراء ههههههههههه
عاد توحشت وذليت على عمري وتربطت
ماعلينا
صرنا نقبع وندوووج بها الفان
دخلنا ورحنا لمحلات اقطع ايدي إن تسان وصل لها بني عبس غيرنا ههههههه
وصلنا لقرى قديمه واللي مايروح له احد ابد لانه بقلعة وادرين
اقول يالمسلمه تسننا بالبدايع القديمه او بالروغاني هههههههاي
حتى اني قلت لابو دحومي إن نشدك احد وقال وش جابكم بذا ؟
مالك الا تقول : المدام اللي هي انا جايه تدور مصقط دميجته عندكم لانه بناخية لكم
عاد تبون الصدز يابنات احيانا اشك اني فرنساويه
<< وش عليه على هالحمار<< اقروها زين ترى الكلمه اللي سبقت بمعنى الشقاروالبياض
هههههههههه
بس تراني ما نيب بيجوووو
الترجمه للي نقدر عليه والا واجد اللي يبي له ترجمه ههههههههه
( البيجو سياره تصنع فيذاك )
فويصل ونويصل
تبون ولا بكيفكم ترى اهون اكتب معلقات هههههههه
هيه رجعت لكم
عاد اقولكم
اول المقارنات اللي شفت بذك
والله خلق وفرق بيننا وبينهم
قشهم وقشاويلهم مجدعينه عند بيوتهم
سياكلهم ومراجيح ومسابح عيالهم ودجاجهم وكراسيهم
ووووووو يعني مابوه خوف على شي
مايذلون ولا يخافون انها تسرق
مهوب مثلنا الله يخلف علانا
حلالنا داخل البيوت ومصكوك عليها وتؤخذ على عينك يابو تاجر
والدليل هاك السنه يوم اجي ابي اطبخ غدانا واحسب الغاز مخلص
ومثل ما تخبرون اني شقرديه
طلعت للحوش ابي اغير الغاز
واثر ايدي والخلى
مابووووه غاز بــــــــــــح
حتى نعال ابونا الجدد ماسلمت كانت عند المدخل وشلحوهن
يامال الضعفه للفاعل والله يخلف على المفعول بوه هههههههههه
خلاص ما اقدر اتحمل ،، وما ودي اقلب المواجع هئ هئ هئ
ومهيب على تسذا وبس صاروا الحرميه اهل كيف وراعين محل
اذا دخلوا البيوت يسوون لهم شاهي وياكلون معه شابوره وكليجا
كل ذا من وساعة الفيس ،، مير ما اقول الا يامال المّر اللي ما يتخرط من تسبودهم
حرميتنا ضلوعهم قويه دارين ما وراهم احد
مدلعين نخاف على احاسيسهم علشان تسذا مأخذين راحتهم
وهناك بعوربا ماهنا الا الشده وياويل لكل من تسول له نفسه لو مجرد تفكير او حتى يحلم
يعني مابوه يمه ارحميني
ماقلت لكم خلق وفرق
الحين نجي لشي ساني ومهم واللي هو النظاااااااااام وياعيني على نظامهم
انا ماذبحني الا احترامهم للنظام بكل وكل وكل شي
وربعنا يسمعون بشي اسمه (نظام)
بس
ما
تسد
تعاملووووا بوه
انا جازت لي سواقتهم مع ان بوه وسايل مواصلات منوعه
اشي سيكل واشي باص واشي دباب واشي ترام واشي سيارة
بس كلن له طريق مايجيه غيره
يعرفون النظام صوووح الواحد يوقف يمين يعني يلف يمين ،، يسار يعني يسار
وربعنا يجي من اقصى اليسار يبي يروح لليمين
مير ما اقول الا يامال الفضخ بقلبوه ،،
تقولون لي ليش ووراتس معصبه ؟
لانه مايفهم تسم من واحد يبي يغلط عليه
واكلف ماعليه يتعذر برفعة ايده عسى ايده للكسر،،
يقال انه يتأسف كّره وجيه
سيارت العوربيين مابه صدمات ولا عفوط تسنه جديده،
وسيارت ربعنا قرنبعات من كثر تصديمات خلق الله له بكل متسان
اويمتكن من السررررعه << تسنهم ملحوقين
حتى لو السياره جديده توه طالعه من المعرض ما تبطي وتصيررر ادي زوباء زئه
ياناس بعروباء مايتجمهرون لاتعطلت سياره احد بالشارع او صار حويدث ،،
وعربيا هم المتسببين بموت اهل الحوادث لو مابه نية موت ههههههههه
لانهم يقعدون يتفرجون تسنهم يبون يحلون او يربطون وبذلك
<<< انتم حطووو بالكم على تسلمة بذلك احس إن لوزي تبي تنط ههههههههه
نرجع للهرجه
لذلك يسببون تعطيل لاهل الويوواو( الاسعاف )
ومافيه احد يقطع اشاره
مهوب صح خلق وفرق ؟؟
اقول قبل لا انسى ترى بعروباء اختراع اسمه خط مشاة
وحنا مالت علينا ماسمعنا بوه الظاهر مابوه مشاة ربعنا توهم يحبون ههههههههههه
بذاك ماشفنا الا حويدث وبذا مانمشي شبر الا وحادث الله يكفينا وإياكم الشررر
يالربع ... كلن بحاله مابوه احد يتفل على احد
ماهوب مثلنا بذا الواحد يقلط ويقط على اللي بجنبه سمعتي يا موكا
يعني لو تروحين بذاك تربيتي وبطلتي القطه والدليل انا تأدبت ههههههه
صدز خلق وفرق بين ذرنا وذرهم
ذرنا مفشلين لاحتسى الواحد تسنه بحراج
وان مريتي بجنب احد وسلمتي خسرتس وطنش تسنه ما سمع شي
وان تعجبتي وقعدتي تتأملين لانتس شرهه عليه ليش ما رد السلام
قال خير وش عندتس ؟ ضايع لتس شي بوجهي ؟
يعني يامال الدقم طلع له لسان وانا احسب انه ضعيف واطرم
وهالعينيه يرى بعض محللين الشخصيات انه عنده نسبه منوسبه متناسبه من الادب << ادب او نحووو
والا المغسول وجه بمرق اذا حستا ودتسه ما حتسا
وودتسه تذبحينه بمنشار متثلم ومصدي بعد
تدرون ليش ؟
لانه يقول هاه!!
يقول بس سدووواذانكم لاتسمعون
يقول هاه
يقول الله يكرمكم
يقول (( كل ذاك وذاك)) او يتفل عليّ
او يسوي سواة ذا
الله من النجاسه والبثارة الله لا يبلانا
عنبوووو بليسكم انا وش قلت علشان يجي لي كل ذا هئ هئ هئ
الشرهه على الله يعطيكم وجه
وعيال عورباء ياويح تسبدي عليهم
ما اقول الا ووووووواسفابهم على اهلهم
تصدقون هاك اليوم ولد يسأذن امه علشان يحتسي عليها
لا وبصوت ما يسمع يقول له
( اكس زيومي مامي ) بعيوني سامعتهم خخخخخخ
إن ما قال للاجنبي عليه اللي هم حنا
بنجور او بنسوار يعني يسبق بالتحيه
او تلقون بعضهم كاف خيره وشره مسسسسكت ماغير يبحرك بنظره محترمه
وبكذا مطبق سنة نبينا محمد صلى الله عليه وسلم (فليقل خيراً او يصمت )
بنات بما انه بوه متسان فاضي
با ادعس لكم هالصورة
شوفوا وتمنوا انكم تقيلون بمثل هالمتسان
اقولكم شي ولا تعلمون تأبوطه ؟؟
بذمتكم ماحد يعلمها اني علمتكم
تراها تفنقست بالثلج غدت تسنه بها كساح
خخخخخخخخخخخ
اويلااوه يالسلوج
صدز فرق بين جونا اللي غبره وعجاج
وجوهم اللي يالله من فضلك غيوم وضباب
مضطره اقطع عنكم شوي
ادري ضيقت سدوركم بس امسحوها بوجهي