خلااااااص يأست ما أعرف اطبخ

اولا توكلي على الله واكثري من ذكر الله وانت في المطبخ بعدين خوذي بهارات بن منقاش وبعض الحريم بعدين الكبسه لاتكثرين مويتها وطلعي الدجاج ودخليه الفرن و بعدين الايدامات احمسي الخضار مع البصل واثوم وحطي معها صلصة وطماطم بعدين انصحك بمتابعة عالم حوا والله يعينك

حاولي ان تكتبي في دفتر تعليقك او الاستنتاج اللي واجهك في كل طبخه يعني الكبسه مثلا وضعتي فيها البهارات الصحيحه مع البصل والزيت في البدايه وطعمها كان غير واضح او تغير يصير ماترجعي لها مره ثانيه وتحطيها مع الماءء او الطماطم اتمنى اكون افدتك

قلبو يمكن المشكله ببهاراتك
بقولك مثلا اي حمسه سواء للكبسه او الايدامات او المكرونه الحمره
الحمسه حطي مع البصل فلفل بارد قطع صغار وثوم مفروم اذا تبينه واعواد دارسين وحب هيل وحب قرنفال ( مسمار ) وليمون اسود
وحطي معهم رشة بهارات مشكله تعطي ريحه ونكهه حلووه خليهم على نار متوسطه الى هاديه
وثم اذا صار لونهم ذهبي حطي صلصلة الطماط خليها تتحمر معهم
ثم بعدها حطي يادجاج او لحم او الخضار اللي تبين واذا حطيتي وحده منهم قلبيها معهم خليهم عشر دقايق
ثم حطي طماط مفرووم وبهارات مشكله قد ملعقه صغيره و ملح
بالنسبه للايدامات والمكرونه حطي بالاخير بقدونس مفرووم وكم فلفل حار صحيح
ثم المويه لاتكثررين واجد يعني لاتصير الموويه فاتحه لايروح لون الصلصله
وخليها لين تفوح وحطي الرز او المكروونه
انا كنت فاشله بالمعجنات وياكثر محاولاتي وكلها ماتضبط ومافقدت الامل لين الحمد لله صرت اضبطها مع اصراري
يعني حاووولي ابدعي اقررري بالنت ماحد انولد متعلم وجربي طريقتي ان شاء الله تضبط معك
واي سؤال بالخدمه قلبوو

ياقلبي نفس معاناتي زماااااااااان
كنت ابي اطبخ واتفنن وماينجح معي اي شيئ حتى الأرز الابيض مايظبط ولاشاي ولاقهوة كمان وسنييين وانا نفس المشكلة وشوي شوي تحسنت كتب مظبوطة مقاديرها وصفات مجربة من النت مثل عالم حواء وصرت اكتب كل ملاحظاتي على الطبخة والوقت الازم والكميات وسبب نجاح الطبخة وسر تميزها وإذا عجبتني اكلة عند احد اسأل عنها واستفسر بالتفصيل وفي ناس بتعطي وناس الله يغفر لهم مايعطوا وصفتهم لأحد الله المستعان بالعربي تبهذلت سنييين حتى تعلمت والله الشاهد أن الوالدة ماقصرت في تعليمي بس المخ كان في عالم ثاني وماكنت احب المطبخ والحين احب مكان عندي في البيت المطبخ حتى اصبحت بعد امر الله مرجع للعائلة الكريمة بلا فخر ولاتنسي تستعيني بالله وتخلصي النية له والله العظيم اطبخ طبخة عادية جداً واذكر فيها اسم الله واطلب منه يحتسب اجري فيها ويبارك فيها وتطلع الأكلة لذيذة والكل يمدح فيها ويطلب مقاديرها وسرها ياربي لك الحمد
اطبخي الوصفات السهلة كبداية وحاولي تثبتيها وتكرريها والوصفات الفاشلة شوفي اكثر من طريقة لها وجربي مرة ومرتين وثلاثة حتى تظبط واعتمديها
كلنا تفشل معانا بعض الوصفات ونحاول نجرب اكثر من طريقة وننجح في النهاية الطبخ مافيه يأس وتوقف
أسال المولى الكريم بمنه وفضله أن يمن عليك بالخير الكثير ويفتح لك أبواب علمه ويرزقك ماتتمنين
اعتذر عن اي خطأ لأني اكتب من شاشة الجوال

لاتياسي مع التكرار بتتعلمين وتصيرين احسن طباخة