خلاصة تجاربي مع أنواع تخفيف الاكل(نتايج روعه) /تمنع التجمعات بدون أخذ إذن المشرفات

السلام عليكم و رحمة الله و بركاته
تجربتي هذي تجربه قديمه
بس توي عرفت لجسمي انه ما ينحف الا عالتخفيف
وقتها نزل وزني من 98 الى 84 ب3اسابيع ما شاء الله انا قصيره طولي 153 ووزني كبير 98 فا طبيعي ينزل بسرعه
بس اقسم بالله انه بين بالشكل اكثر
وكل اهلي لاحظوا وصديقاتي
ما نحفت ذااااااااااااااااك الزووود بس بين اني اخففففف من اوووول بشهادة كل من شافني
التخفيف اللي ماشيه عليه تخفيف قاسي لانه بدون سناكات فقط
نظامي بإختصار
اول ما اصحى من النوم اخذ كوب ماء مغلي عليه شريحتن ليمون
الفطور نص سندويشه ونص كوب أي مشروب اشتهيه ( عصير شاهي حليب كوفي اللي تبيييييييييييييييييييينه)
الغدا نص صحن من الغدا
العشا نص صحن من العشا
قبل النوم مباشرة كوب ماء مغلي عليه شريحتين ليمون
(انا وقتها تعودت على التخفيف بدون سناكات ....اذا تبون سناكات عادي خذوا بس لا تكثرون نص كمية أي شي تشتهونه)
رياضتي وقتها كانت الدرج كنت بالمدرسه ومدرستنا 4 طوابق
اصعد هالاربع طوابق وانزل طول وقت الفسحه اللي هو ربع ساعه وا مشي بالساحه فقط هذي رياضتي
+++++++++++++++++++++++++++++++++++++++++++++++++++++++++++++++++++++
وعندي تجربه ثانيه مع التخفيف (نظام بول ماكينا )
استمريت عليها أسبوع نزلت فيها 5 كيلو تقريبا
بس ما استمريت مع انه مريييييييييييح
اللي هو ما تاكلين الين تجوعين واذا كليتي تاخذين من أي اكل تحبينه و تشتهينه اول ماتحسين بالشبع خلاص تقومين وماتاكلين بعدها الين تجوعين
فقط هذا نظامه .... نزلت تقريبا 5 كيلوو بأسبوع
رياضه ماسويت رياضه وقتها بصراحه
++++++++++++++++++++++++++++++++++++++++++++++++++++++++++++++++++++++
تجربه ثالثه لي مع التخفيف بطريقة الثلاث ساعات
كل 3 ساعات اخذ وجبه متوسطه من أي شي احبه
هذي التجربه عاد نزلتني 12 كيلو بشهرين ونص وصغرت معدتي وما قدرت اكثر بالاكل يدوب اكل اللي يسد جوعي واقوم خلاص
رياضتي كانت التاباتا
اكتبوا باليوتيوب ( Tabata ****out)
مدتها 4 دقايق
شدت جسمي بشكل فظيع
++++++++++++++++++++++++++++++++++++
هذي خلاصة تجاربي مع التخفيف وكم نزلت عليها
واقسم بالله انه بين علي بالشكل اكثر من الميزان وهذا الصحي والطبيعي
حابه افتح تجمع بقسم رشاقه و لياقه للي حابه تشاركني بالتخفيف ...
انا زاد وزني من الحمل والولاده مرتين..
حاليا وزني 90 وابي ارجع للتخفيف لاني تعبت من الرجيمات الباقيه وطلباتها التعجيزيه واكثر الأوقات ما تكون متوفره أغراض الرجيم بالبيت
ارجو أكون افدتكم ولو بالقليل ....