أخواتي انا من فتره كتبت مشكلتي على هذا الرابط
http://forum.hawaaworld.com/showthread.php?t=633017
وكلكم ما قصرتواا ساعدتوني بردودكم الطيبه ،، لكن خلاص انا ما آقدر أتحمل ، لي متى اقعد بهم ؟؟ لي متى اشيل الهم ؟؟ ليش لما زوجي يقبض المعاش اقعد اقول هذي مصاريف الايجار وهذا مصاريف الفواتير وهذي وهذي وبالآخر ما يبقى شي .... خاطري اعيش حالي حال غيري ما اشيل هم المصاريف ،، اكثر اللي اعرفهم يقولون احنا مالنا شغل بالمصاريف الزوج اهو اللي يتصرف مو احنا نشيل الهم وندبر الأمور ،، لي 8 سنوات او اكثر بشوي وانا متحمله ، حرمت روحي من كل شي ، اشوف الملابس في المحلات واصد عنها ، اشوف واشوف ،، لا والله ما ني متطلبه الا اني اطلب القليل ، تدرون يا اخوات من تزوجت وانا ما اشتري لي ملابس للعيد ، اقول اهم شي عيالي ، اروح بيت اهل زوجي في العيد حتى ام زوجي الكبيره في السن شاريه لها ملابس جديده وانا لا ..:( ،، ما ابغي قصور ولا خدم ولا حشم، بس خاطري اعيش مرتاحه البس في العيد لبس جديد ، تحملت وصبرت وقلت ان شاء الله الله يفرجها ، يمكن الله يختبرنا ،، هذا اللي الله كاتبه لي ، بس بالأخير الوحده منا لها طاقه ،، تعبت والله تعبت. شلون بيجينا الفرج وزوجي ما خلى وظيفه ما قدم لها ولا احد قبله ، انا ما خليت لا وزاره ولا مسؤول ما كلمته بس محد يساعد ،، من وين يأتينا الفرج واحنا لا سند ولا اهل يساعدون.
اخواتي انا اليوم نويت اني اطلب الطلاق ، انا بينت لزوجي زعل في البدايه بس انا قلت له انت تشوف بعينك نفسيتي تعبانه ، مرضت ، ذبلت ، اهو وافق مبدئيا ولو انه قالي انه ما يقدر يستغني عني ، انا بعد احبه وما اتمنى اشوفه ذابح نفسه عشانه في الشغل وتعبان ، عشان جذي قلت اتطلق ويمكن الله يسهل امورنا وانا اتزوج واهو يتزوج وحده تشتغل وتساعده ..
والعيااااااااال آآآآآآآآآآه والله ما ادري بس انا ما قادر استغنى عنهم ، واكيد راح يفضلون معاي ،،
*******************
المشرفه
دعواتكم لي الله يسهل لي اموري ويسهل امور زوجي بعد ، والله ان الفراق مو سهل بس انا تعبت:(
رحمـتك يارب @rhmtk_yarb_2
عضوة جديدة
يلزم عليك تسجيل الدخول أولًا لكتابة تعليق.
سوسل
•
غلطاااااااانه ماأنصحك أبدا تعوذي من الشيطان وادعي ربك أخر الليل وكثري الأستغفار ولا تيأسي من رحمة الله
اسال الله لك التيسير ولكن اتسآل هل بالامكان للانسان ان يتخلى عن عشيره بهذه البساطه لمجرد ان ظروفه سيئه وهو حسب كلامك مجتهد لا وماعندك مانع ترتبطين على طول اسمحيلى على طرح هذا التساؤل !!!!!!!!!!!!!!!!!!!!!!!!
لا احول ولا قوة إلى بالله اختي الرزاق الله سبحانه مو الرزق عن الزوج الثاني تعوذي من ابليس واصبري الله مقدر كل واحد رزقه ولا تيأسي واعيني زوجك وهذا ابتلاء من الله فصبري وحتسبي واكثري من الاستغفار والدعاء وصلة الارحام ولا تستعجلي الاجابه رزقك الله من حيث لاتحتسبي وفتح الله عليك ابواب الرزق الحلال آآآآآآآآآآآآآآآآآآآآآآآآآآآآآآآآآآآآآآآآآآآآمين
سوسل
•
أختي حاولي تشغلين في البيت مثل طبخ االحلويات والمعجنات وغيرها وخصوصا رمضان مقبل والناس تدور تشتري علشان تفرزن ق سمبوسه وورق عنب وغيره وحطي رقمك في المنتدى
الصفحة الأخيرة