خلاص والله تعبت ادعولي وشوفولي حل

طيب اسمعي ليش ماتنامين اذا طلعوا عيالك للمدرسه وتصحين على 12


وتسوين غداك وبعد الغدا رتبي بيتك؟

الله يعيــــــــــــــــــــــنك
ويصبرك على ما بلاكــــــــ

الله يعينك

بس قبل انتي حاولي تضبطين نومك

اتوقع هو سبب هالاحساس كله ترا النوم مو شي سهل

السلام عليكم ورحمة الله
أول شي الله يرفع عنك و يارب يزول تعبك ,, وتتهني بحياتك ..
ثانيا قصتك هذي تذكرني بقصة ثنتين من صديقاتي سبحان الله كانوا مثل حالتك بس هم مو متزوجات الأولى تنام نوم مرضي الحمدلله على العافية وكانت تضيع محاضراتها في الجامعه وحتى الأمتحانات ماكانت تقدر تقاوم النوم .. ولا كانت تدري وش السبب و في المقابل كان لي في نفس الفترة صديقة ثانية عندها نفس المشكلة تنااااااام عن الصلوات نسأل الله السلامة والعافية وتصحى الفجر تصلي كل اللي فاتها وتندم في الصباح على اللي صار وشاورتني في موضوعها ..
لاحظي أني حكيت لك عن صديقتين كانت مشكلتهم الأساسية النوم اللي على غير سنع الأولى ماتقدر تقاوم والثانية تفوت الصلوات .. جلست مع الأولى وتناقشتها عن ظروفها إكتشفت أن نومها هروووب من تأنيب الضمير والسبب انها على ما اخبرتني كانت قريبة من الله سبحانه ولكن الآن تخلت عن إلتزامها نسأل الله السلامة تقول كل ما صحيت أتذكر كيف كنت وكيف صرت غير مشكلتها مع صديقاتها اللي خانوها وجرحوها فكرهت حياتها صار عندها قناعه من الداخل أن النوم أحسن حل للهروب من كل الهموم والمشاكل بشكل تلقائي وغير مقصود طوال الوقت تبي تنااام فكرت في مشاكلها وكل مايقلقها وبحثت عن حلول ماوجدت فإستسلمت للواقع وخلاص ماعاد فيه شي يهمها ,,
أما الثانية فكانت مشكلتها مع النوم بسب أنها تفرط في الفروض وهي صاحية نسأل الله السلامة فحرمت الصبر على المداومة عليها وهي نائمة لأن من أهم الأسباب المعينة على المحافظة على الصلوات في وقتها الأهتمام بها في اليقظة وعدم تأخيرها لأي سبب من الأسباب فالصلاة أولا قبل العمل والزوج والمال وغير ذلك..
و ترى المعاصي والذنوب من أكبر الأسباب في عدم التوفيق للعمل الصالح ووالله من تجربة شخصية مريت فيها أنا والله من يوم تركت سماع الأغاني وأنا ولله الحمد أحافظ على الصلوات في أوقاتها صاحية والا نايمة يعني بالمختصر المفيد الحل هو أبحثي عن حياة قلبك لأن القلب لما يكون ميت نسأل الله العافية خلاص مهما فعلنا ما ينفع الا ان يحي الله قلوبنا لذكره وطاعته وأكثري من الأستغفار وذكر الله عموما وفيه دعاء من اذكار الصباح والمساء (( اللهم أني أعوذ بك من الهم والحزن وأعوذ بك العجز والكسل ومن غلبة الدين وغلبة الرجال ) دعاء أذا قلتيه بيقين وحضور قلب فبإذن الله مع الأيام يتغير حالم وتذكري قوله تعالى (( لا يغير الله ما بقوم حتى يغيروا ما بأنفسهم)) فطهري قلبك من الحسد والكرة والظن السوء ولسانك من الغيبة والنميمة وغيرها وعملك من الرياء والعجب وماسواه من محبطات الأعمال والأقوال

الله يفرج همك يارب