فعلا موضوع مهم الله يجزاك الجنة على التنبيه...
الحمدلله أنا ماعندي خدامة... أول شيء ماحب الخدم ثاني شيء اخاف اني مااعاملها زين و اظلمها و اتحاسب بعدين....
في بيت اهلي الخدم مدلعين واااايد.... لما نحط الأكل اول ما ننشب ننشب لهم... و الوالدة تشتري لهم أكلهم مال الهند والله تروح محلات تبيع الأكل و الخضراوات الهندية و تييبه لهم...
و المكالمات كله يدقون على أهلهم... و اهلهم يدقون عليهم...ماعندنا اعتراض
و على الرغم من انهم نصارى...نشتريلهم هدوم عيد... طبعا غير هدومهم اللي وربي كل شهر تتبدل!
بس بيت عن بيت يفرق! يعني في بيت جارتنا خدامتهم ما تنام الا ساعتين! الجارة عندها 8 يهال اصغيرهم كان بالأربعين بس! فالخدامة تنظف و تكوي و تغسل و تهتم باليهال و هم شياطين مو يهال! و تعتني بالياهل المولود توه و تنام 4 الفجر و تقعدها 6 الصبح علشان تريق اليهال للمدارس! شفتي اشلون؟
الناس لازم يتقون الله فيهم تراهم بشر مثلنا

جزاك الله خير على التنبيه
والله فيه ناس اجرااام بالشغالات كنهم جايبينهم للاهانه والضرب مو للشغل

فعلا اختي ... انا معك فى كل كلمه تقولينها ...

هناك بعض الناس هداهم الله يتعاملون معهم و كأنهم حشرات ... يرمون لهم بالفتات ... و ينسون انهم بشر و ان بعضهم مسلمات مثلنا ...

و بالمقابل هناك ناس فى قلوبهم الكثير من الرحمه و الرأفه و حسن المعامله ...

هدانا الله جميعا و اياكم الي ما فيه مرضاه الله ...

جزاك الله عنا كل خير

موضوع قيم ورائع ...يلامس الواقع بصدق..
من المؤلم فعلا أن نتناسى وان نتجاهل أيضا...ان لاشئ يدوووووم؟؟؟
وكل حال سيتغير....
ولابد ان الواحد يقدم شئ ينفعه في اخرته....

هؤلاء الشغالات اخوات لنا مسلمات....لهن مثل الذي لنا...
فلنتق الله فيهن....
وما اسهل اللقمه اليوم....الخوف من بكره نحصلها نحن ام لا....نسأل الله ان يرحمنا برحمته...


جزاك الله خير وبارك الله في طرحك...ونفع الله بك الاسلام والمسلمين ...

الحمدلله رب العالمين نحن ما نقصر في اللي يشتغلون عدنا - و عسى دوم الله يقدرنا على ها الشي- بس الي استغربته في آخر عزيمه عندي جتني حرمه .. بعد ما تعشت قلتلها ما بتاخذين البيبي عن شغالتك عشان تتعشى مع الشغالات ؟ .. قالت ان شاء الله .. تدرون شو سوت ؟ .. راحت كلمتها و قالتها ان السواق جاي الحين فلا تأخرينا .. انا ما دريت بها الشي ، و شفت الشغاله في المطبخ .. قلتلها اغرفيلج و تعشي .. قالت لا مدام تقول الحين بنروح بتعشى في البيت .. استغفر الله العظيم مش قصدي اتكلم على حد بس وايد غمظتني الشغاله المسكينه .. على بالهم شطاره ان الشغاله تحت امرهم و رهن كل كلمه تقولها :(