خلطات الفول

بسم الله

ممكن تعملين الخلطات على ذوقك ومنها

تكشنين بصل وفلفل حار شوي وبعدين تحطين طماطم مقطع او مطحون وتخلينه شوي يتسبك تحطين الفول ومعه شوي من مخلل الليمون او ماء المخلل نفسه . وتتركينه شوي وتحطينه بحافظه علشان ما يبرد وبجنبه الزيت او الزبده والكزبرة الخضراء

وفي طريقه ثانيه تحطين ثوم مع طحينه تكون معموله عاديه بالماء البارد والخل وتحطينها على الفول وترفعينهم على النار طبعا اذا تحبين الفول خفيف خففي بالماء وقدميه مع الاشياء السابق ذكرها

هذا الي يحضرني الان ..اذا تذكرت شئ ثاني اكتبلك

بخبرج على طريقتي خفيفة ولذيذة بنفس الوقت..

تاخذين علبة الفول ( أي نوع مب شرط نوع محدد ) وتفرغينه بالخلاط الا حبات منه خليهم تقريبا 10 حبات.. وتخلطينهم..

بعدين تحطين بالتاوة زيت الزيتون ترى أحلى مع الفول.. وتحمسين طماط أحمر.. عقب مايلين شوي.. حطي الفول المخلوط والفول الحبات اللي خليتيهم على الطماط.. بس اهرسيهم شوي والهدف من حبات الفول انه مايكون الفول لين وايد وممكن تستغنين عن هالخطوة أنا أسوي مرات جذه ومرات كله مخلوط.. المهم وتبهرينة.. شوية ملح وفلفل أسود وكمون.. وممكن تضيفين فلفل حار مفروم يطلع روووووووعة.. وبس

وانتي تقدمينه زينييه بالبقدونس المفروم ورشة زيت زيتون ويطلعلج أحلى صحن فووووووول أممم:23:ممممممم


وبعد ممكن تاخذين الفول القديييييييم يعني بدون خلطة معينة.. وتخلطين معاه طحينة وطماط مقطع وثوم وزيت زيتون بس تدرين نسيت الطريقة لأني من زماااااااااان مجربة هالطريقة وطلعت حلوة لاكن والله ناسية شو بالضبط المكونات.. وانشالله الخوات اللي تعرف هالطريقة تخبرنا فيها وعلى فكرة هذي طريقة الفلسطينيين في الفول..

وطريقة المصريين.. تاخذين علبة فول وتسخنينها طبعا عقب تفريقها في جدر.. وتهرسينها شوي.. وتحطينها بالصحن بدون أي بهارات.. بس تصبين فوقها سمن.. وبعد هالطريقة حلوة.. ماكلتنها كم مرة..

عاد انتي اختاري..

السلام عليكم ورحمة الله وبركاته
لقد كتبت العضوه روشه طحن ملف عن الفول وأهم التوابل
وإليك نص ماكتبت
ـــــــــــــــــــــــــــــــــ

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

انا اعمل خلطة التبولة بدون البرغل واخليها عل جنب واجيب الفول واصفيه من الماء واسخنة على النار واقلبة بدون ملعقة بس احرك القدر لين يصير حار واضيفة على خلطة التبول وتؤكل على طول لذيذه جدا

مممممممممم

شهتني طريقتك يالصبار


راح أجربها إنشاء الله


شكلها لذيذه


تسلم إيدك


:26: