خلطات مفيده للهالات السوداء وخلطة عجيبة لتوحيد الجسم .

السلام عليكم ورحمة الله وبركاته 🖤.


شلونكم بنات؟،


بقلكم ع خلطات لهالات العين انا جربتها واستفدت وفعلا فرقت معي بس لعلمكم لازم نعرف ان بعض الهالات تجي وراثه ويكون حلها شوي صعب بس انا اقلكم عن الهالات اللي تجي من آثار السهر او التعب الخ،
المهم بسم الله نبدأ '
1-(كمادات الحليب) البارده تحطيها ع عيونك لمدة ٢٠ دقيقه وفيه اسبوع او اقل بإذن الله تبان النتيجه وبعد تنفع لتعب العين من آثار الجوال
2-(كمادات البطاطا) حطي ١ بطاطا صغيره بالخلاط وصفي المويه وغمسي الكمادات فيه وحطيه ع عينك لمدة ٢٠ دقيقه اتوقع كمية البطاطا حتكفي ٣ او ٤ ايام وكمان إذا م عندك كمادات مافيه مشكله يمديك بالشرائح نفسها بس الكمادات افضل بالنسبه لي
3-(الخيار) اتوقع الكل عارف هالشي انا اسوي نفس طريقة البطاطا
4-(كمادات ماء الورد البارده ) اففففف كمية راحه مجرد م تحطيه ع العين ينفع لتعب العين من آثار الجوال وللهالات ويزيل احمرار العين نتيجة الغبار ويخفف من تجاعيد العين


نجي اللحين لخلطة توحيد الجسم عجيبه يابنات انا استفدت منها مرا والله توحيد نعومة و نظاره وصفاء
طبعا المكونات تحطيهم في برطمان زجاج
سدر وشوية حناء وشوية كركم لاحظوا كمية السدر اكثر بكثييير من هالمكونين يعني سوي الكركم والحناء ربع مقدار السدر والله هالسدر اجممل منه م شفت ومهما لفيت ودرت م ألقئ زيه فعلا عجيب المهم تحطينه قبل الشاور وتقعدي لمدة ٢٠ او ١٥ دقيقه وبعدين تتروشي وترطبي جسمك بزيت السمسم رطبي جسمك وانتي بالحمام وانتَو بكرامه لأن لما يكون جسمك رطب شوي مع الزيت يعطي نعومه تقدر تستبدلي زيت السمسم بجلسرين سوي هالخلطه مرتين بالأسبوع وبس
وبإذن الله اني اكون افدتكم واستفدتوا ويارب تعجبكم واكون عند حسن ظنكم ❤️.