السلام عليكم ورحة الله وبركاته
عسى الله ان يرزق كل محرومة ما تتمناه عاجل غير آجل
علشان ما اطول عليكم بعطيكم مقاديرها بعدين تجربتي وللمعلوميه انا حذفت بعض المقادير لاني ما ارتحت لها او سبق وسمعت انها مو كويسه. انا ماني خبيرة اعشاب واللي تبي تستفسر اكثر عن بعض المقادير ياليت تسأل اهل الاختصاص. بحط لكم الوصفه كامله بعدين بحدد الاشياء اللي حذفتها
بسم الله الرحمن الرحيم
1- يانسون
2- كمون
3- كراوية
4- نانخة
5 - شمر
6- قرفة
7- فلفل اسود
8- قرنفل
9 - مره (حاولو تنقون القطع اللي لونها فاتح)
10 - كلوه ( تكسر ويوخذ محتواها الابيض)
11- هيل حبشي ( يكسر ويوخذ محتواها)
12 - عرق سوس
13- عرق الظهر
14 - ماش
15- رشاد
16- محلب
17 - عنزروت
18 - عفص
19 - غراء
20 - كباب صيني
21 - صك
22 - حبه سوداء
23 - وسك
من كل نوع ربع كيلو ما عدا القرنفل والفلفل الاسود والعفص تكون اقل ( تقريبا 100 جرام).
انا حذفت العفص والصك لاني قد سمعت انها مو كويسه والغراء لاني ما ارتحت لأسمه وعرق الظهر و الوسك لاني ما حصلتهم. تطحن جميع المقادير وتؤخذ ملعقة كبيره على الريق من ثاني يوم الدورة حتى آخر يوم ويمكن خلطها مع ملعقتين عسل طبيعي او تسف ويشرب بعدها ماء. انا كنت اسفها واشرب بعدها كاس موية دافيه مذوب فيه ملعقة عسل طبيعي.
حبيت افيدكم بهذي الوصفه كانت امي استخدمتها زمان (كل المقادير) لما تأخر عندها الحمل والحمد لله ربي رزقها وفيه ناس كثير اخذو منها لان كمية الخلطة طلعت كثيره وامي وزعتها ولله الحمد نفعتهم هالكلام تقريبا من 17 سنه تقريبا. واصل الخلطه من عطار قديم في القصيم وتوارثت الاجيال الوصفه
من تقريبا سنه كان عندي مشاكل في التبويض وتأخر عندي الحمل مع العلم ان عندي بنتين من قبل فذكرتها وسويتها ولله الحمد الحين حامل بفضل الله وبركة دعاء الوالدين عسى ربي يتمم حملي ويرزقني الذرية الصالحه وكل محروم ويستر علي وعلى بناتي ويخلي لي زوجي.
لا تنسوني من صالح دعائكم وياليت اللي تجربها وتستفيد ترسل لي تفرحني واللي تستخدمها ثلاث شهور ولا تشوف فايده توقفها اخاف تسبب لها ضرر. واللي تحب تنقل الموضوع حلالها بس ياليت تذكر المصدر علشان ما تحرمني من الدعوه الطيبة
سبحانك اللهم وبحمدك ، أشهد أن لا إله إلا أنت أستغفرك وأتوب إليك
الفاتنة المبدعة @alfatn_almbdaa
عضوة فعالة
يلزم عليك تسجيل الدخول أولًا لكتابة تعليق.
ماكسيما :
الله يعطيك العافيه 23عشبه احسها مره كثيره واخاف يحدث بينها تداخلالله يعطيك العافيه 23عشبه احسها مره كثيره واخاف يحدث بينها تداخل
وياك ياقلبي
الله يجزاك خير
الله يعافيك
والله يا قلبي ما ادري عمتي ماخذتها من عطار قديم في القصيم اسمه الرسيني وهي عطتها لأمي وكثير شافو منها فايده
الله يجزاك خير
الله يعافيك
والله يا قلبي ما ادري عمتي ماخذتها من عطار قديم في القصيم اسمه الرسيني وهي عطتها لأمي وكثير شافو منها فايده
الصفحة الأخيرة
جزاك الله خير
الله يرزقك ويرزقني وكل البنات بالذريه الصالحه المعافاه قريب يااااااااااااارب