اهلا ياحلى عالم حواء انا عضوة جديدة
استفدت من هدا المنتدى كتير جربت منو الزين والشين
وحبدأ انزلكم وصفاتي من تجااربي واضافاتي واختراعاتي من كل حاجه عرفت ايش فائدتها وفادتني وحليت اغلب مشاكلي الحمدالله وماسرت اعاني
كل مااريده دعوه صادقه من القلب ..
حبدا بمقادير وصفتي الجميله نتيجتها روووعه بياض صفاء نعوومة متعبه نوعا ما بس تعبها راحه بسبب نتاايجها الرووعه
علبة كريم جيلوسيد الاحمر نص علبه زيت جلسرين ملعقتين كركم جسم مطحون علبة زيت جنين القمح والافضل من شركة وادي النحل علبه فكس ملعقتين نشا.. نص علبة ماء ورد.. علبة صغيره فازلين.. علبة زيت اللوز المر.. 5 ملاعق بودرة اطفال.. الطريقة: نحط كل المكونات ماعدا النشا وموية الورد اوكي نخلط المكونات الين تتجانس جيبي قدر حطي فيه موية الورد والنشا وقلبي بعدين شغلي النار وقلبي الين يثقل.. ويسير قوامو مثل الكريم نحط النشا وموية الورد بعد ماثقلت فوق المكونات الاولى ونقلب.. ونحتفظ فيها بالثلاجه.. لوقت الاستخدام بنات انا افضل انك تجيبي كركم جسم مو مطحون وتطحنيه انتي بنفسك لانو الكركم الاصلي سر من اسرار البيااض الناصع والمطحون الجاهز نتيجتو بطيئه فاتوقع انو مو اصلي
طريقة الاستخدام مرره مهمه بنفس الطريقه عشان تشووفي احلى نتيجة :
بنات الخلطة دائما يستخدموها بالصالونات للعرائس .. انا وضعتها بين ايديكم عشان مو الكل يقدر يدفع عند صالونات .. بس قبل لاتقرؤو أتمنى دعوة.صادقة من القلب بأنو ربي يوفقني بحياتي العلمية والعملية ويحققلي امنياتي وجميع عباده المسلمين.. طريقة الإستخدام: تدخلي جوا جهاز الساونا بعد،ماتشغليه طبعا تجلسي جوا لمدة ربع ساعه لانو البخار الحار بيفتح المسامات وحتستفيدي ممن الخلطة وحتكون النتيجة اسرع اذا مايتوفر عندك جهاز الساونا اشطفي جسمك بمويا دافيه تميل للحراره ثم نشفي جسمك وخدي كمية بسيطة من الخلطة تكفي جسمك واعصري عليها ليمونة بعدين البسي بدلة الساونا الي لونها فضي بالصوره حقولكم فايدتها اول حاجه نوعيتها جلد والفايده انو الجلد مايمتص الخلطة عكس القطن وباقي النوعيات تمتص الخلطة وتروح الخلطة باللبس وانتي ماستفدتي حاجه.. سعر بدلة الساونا جدا رخيص مابين 30-50 ريال تاني فايدة لبدلة الساونا انو تخليكي تعرقي وبالتالي تنفتح المسامات وتستفيدي من الخلطة اكتر.. تخليها من 3-6 ساعات وبعدين تتحممي وادعكي جسمك بصابونه مبيضه ومرطبه او بالخلطة الصابونيه ( حنزلها ليكم قريبا) واخر حاجه اشطفي جسمك بماء بارد عشان تقفلي المسامات وبعد الاستحمام حطي اي كريم مرطب او زيت جنين القمح وبس بنات الخلطة دي متعبه نوعا ما بس نتايجها رهيييييبه مره.. وتستخدم للعرائس غالبا.. لاتنسوني من دعواتكم
صوره من الخلطة
